بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ادام جانىن اعاش تا ەمدەيدى

2016.05.31 13:50     كەلۋ قاينارى : ءتاڭىرتاۋ تورابى

  اعاشتى تابيعاتتا اۋا تازالاۋشى رەتىندە بارلىعىمىزدىڭ بىلەتىنىمىز ءسوزسىز. سونىمەن قاتار اعاش ادام پسيحيكاسى مەن ونىڭ كوڭىل كۇيىن كوتەرۋگە دە اسەر ەتەدى.

  اعاشتار ادامدارعا جاعىمدى ەنەرگيا سىيلايدى. ولار ادام بويىنداعى جاعىمسىز ەنەرگيانى وزدەرىنە ءسىڭىرىپ الادى. بۇگىنگى كۇنى عىلىم ەمەن اعاشى - ەركەككە، جوكە اعاشى - ايەلگە، قايىڭ اعاشى قىزدارعا كۇش- جىگەر سىيلايتىنىن دالەلدەپ وتىر.

  2002 -جىلى ا ق ش- تا شاعان اعاشى قاتتى كۇيزەلىسكە ۇشىرادى. سول جىلى 100 ميلليونعا جۋىق اعاش زارداپ شەكتى. ءبىراق مۇنىمەن كۇيزەلىس توقتاپ قالعان جوق. سول ماڭداعى تۇرعىنداردىڭ وزدەرى دە جۇرەك تالماسىنان ءجيى اۋىراتىن بولدى. بۇنىڭ ءبىر دالەلى سول ماڭايداعى اعاشتاردىڭ اۋانى لاستاۋى اسەر ەتتى. ويتكەنى اعاشتىڭ ادام دەنساۋلىعىنا اسەرى كوپ، ءتىپتى ادام پسيحيكاسىنا دا اسەر ەتپەي قويمايدى. وسىدان 2000 جىل بۇرىن قىزىقتى تاسىلمەن تەكسەرۋ جاسالىندى. ماماندار بۇيرەگىنە وپەراتسيا جاسالعان ادامداردىڭ قالىپتاسۋىن تەكسەرىپ كوردى. تەرەزەسى كۇنگە، باققا قاراعان پالاتاداعى ادامدار تەز ايىعىپ كەتسە، كولەڭكە تۇسىنداعى اۋرۋلاردىڭ قالپىنا كەلۋى باياۋ ەكەندىگىن كورسەتكەن. سونىمەن قاتار بۇل قۇبىلىس ايەلدەردە دە ءجيى بايقالعان ەكەن. كەۋدە راگىمەن اۋىرعان ايەل ادامداردىڭ كوپشىلىگى اعاشتاردىڭ اراسىندا، ساياباقتاردا تىنىستاپ، دەمالسا، ولاردىڭ كۇنى بويى كوڭىل كۇيى جاقسارىپ، ومىرگە قۇلشىنىسى ارتادى. مۇنداي ەمدەۋ پروتسەدۋراسى كەزىندە ادام تىڭ كۇش جيناپ، كوڭىل كۇيى كوتەرىلىپ، جانىنا باتقان جامان ويلاردان ارىلىپ قانا قويماي، بەلگىلى ءبىر اعاشتارمەن تۇراقتى بايلانىس جاساعان جاعدايدا جامان دەرتىنەن دە ايىعۋعا بولاتىنى ومىردە از كەزدەسپەيتىن قۇبىلىس ەكەنى ءسوزسىز. سوندىقتان ماماندار تىرشىلىكتىڭ وياناتىن مەزگىلى كوكتەمدە ءجيى- ءجيى ورمان- توعاي ارالاۋعا كەڭەس بەرەدى. اعاشتار دا ادامدار سياقتى كوكتەمدە كۇش- قۋاتقا كەنەلەدى. ورمان- توعاي ءسىزدى جۇپار اڭقىعان يىسىمەن- اق ەمدەيدى. كوپتەگەن حالىقتاردا ەرتەدە دۇنيەگە بالا كەلگەندە دەرەۋ اعاش ەگەتىن سالت بولعان. ول اعاش الگى سابيگە عانا ارناپ ەگىلەدى. ەگەر ءسابي ناۋقاستانسا، كەيىن وسە كەلە، اۋىرعان جاعدايدا الگى ءوزىنىڭ اعاشىنا اپارىپ، ەمدەيتىن بولعان.

  فرانسۋز پسيحولوگى پاتريس بۋشاردون اعاشتارمەن ادام دەنساۋلىعىن قالاي جاقسارتۋدى جانە كوڭىلىن كوتەرۋدى بىلەدى. بۇل ءۇشىن وتە جەڭىل جاتتىعۋلار جاساساڭىز بولعانى. ەگەر ادام ساياباقتا دەمالىپ جۇرسە، وندا اعاشتاعى جاپىراقتارعا ءمان بەرىپ قاراعانىنىڭ ءوزى جەتكىلىكتى. مۇنداي جاعدايدا نەگىزى اعاشتىڭ بۇتاقتارىنداعى جاپىراقتارعا كوپ كوڭىل ءبولۋ كەرەك.

  اعاشتىڭ ءدىڭى كوپ قۋات بەرەدى. سول ءدىڭدى قۇشاقتاپ، سيپالاۋ كەرەك. ونى ايمالاعان كەزدە كوزىڭىزدى جۇمىپ، تەرەڭ دەمالىپ، ەركىندىكتى سەزىنۋىڭىز كەرەك. ءاربىر اعاش وزىندىك ءيىسى مەن وزىندىك ەرەكشەلىگىمەن ماڭىزدى. ودان كەيدە جاعىمدى ءيىس شىقسا، كەيدە اشى ءيىس شىعۋى مۇمكىن. ءار شىققان ءيىس ادامعا ءارتۇرلى كوڭىل كۇي سىيلايدى. ءار جاتتىعۋ جاسار الدىندا ادام وزىنە كەرەك ءيىستى تاڭداعانى ءجون. سونىمەن قاتار اعاشتان جاعىمدى ەنەرگيانى قالاي ءسىڭىرىپ الۋعا بولادى؟ ول ءۇشىن زەرتتەۋشىلەر، ەڭ باستىسى، اعاشتى دۇرىس تاڭداي ءبىلۋ كەرەك ەكەنىن ايتادى. جەكە نەمەسە ءبىر- بىرىنەن التى مەتردەن كەم ەمەس الشاق تۇرعان اعاشتاردىڭ ەنەرگياسى ايرىقشا كۇشتى بولىپ كەلەتىنى انىقتالعان. كەيبىر اعاش قاسىنا بارعاننان ادامعا جاعىمسىز سەزىم بەرەدى. ونداي اعاشتان، ارينە، اۋلاق جۇرگەن ءجون. قيسىق بىتكەن، بۇتاقتارى مايىسقان، سولعان، اۋرۋ، قۋراعان اعاشقا جولاي كورمەڭىز. ونداي ۆامپير- اعاشتار كەرىسىنشە، ءسىزدىڭ ەنەرگياڭىزدى سورىپ الۋى مۇمكىن. سول سەبەپتى، ءتۇزۋ، ساۋ اعاش تاڭداعانىڭىز ابزال. ءتىپتى اتا- بابالارىمىز جاپانداعى جالعىز اعاشتىڭ تۇبىنە وتىرماعان، قونباعان. بەيىت باسىندا ءوسىپ تۇرعان اعاشقا دا تيىسپەگەن. قوسارلانىپ، قاتار بىتكەن اعاشتى كەسپەگەن، «ولاي ەتسەڭ، قوساعىڭنان ايىرىلاسىڭ» دەپ ىرىم ەتكەن. عاسىرلار بويى ءوسىپ تۇرعان ءدىڭى جۋان بايتەرەكتىڭ قۋراپ تۇسكەن بۇتاعىنا دا قۇرمەتپەن قاراعان. ەڭ مىقتى اعاش - ەمەن، ول ادامنىڭ يممۋنيتەتىن، رۋحىن كوتەرىپ، ويىنا كەرەمەت وي قوسادى ەكەن.

  قاراعاي دا وتە مىقتى، ءبىراق ونىڭ بيوەنەرگەتيكاسى اۋىر بولعاندىقتان، ابايلاپ پايدالانعان دۇرىس. اسىرەسە، جۇرەگى اۋىراتىن ادامدارعا ماماندار قاراعايلى ورماندا قىدىرماۋعا كەڭەس بەرەدى.

  قايىڭ جۇرتتىڭ بارىنە كومەكتەسە بەرمەيدى. قايىڭ تەك ءوزىن ەركەلەتەتىن، وزىنە عاشىق جاندارعا عانا جومارتتىعىن كورسەتەدى. اق قايىڭ - اق ارۋ دەيتىنىمىزدەي، قايىڭ ەجەلدەن نازىكجاندىلاردىڭ سيمۆولى سانالاتىندىقتان، ايەلدەرگە كوپ كومەكتەسەدى. قايىڭ شىرىنىن ءىشۋ دەنساۋلىققا وتە پايدالى سانالادى.

  اعاشتان ەنەرگيا الۋ ءۇشىن ونىمەن سويلەسىپ، سىر ءبولىسۋ كەرەك. الدىمەن اعاشقا ارقاڭىزدى نەمەسە بەتىڭىزدى بەرىپ، تازا ويمەن كۇش- قۋاتىن ءبولىسۋدى وتىنگەن دۇرىس. سوسىن ءوزىڭىزدى ەنەرگيا ءسىڭىرىپ جاتىرمىن دەپ ەسەپتەڭىز. بۇل پروتسەدۋرانى ۇيىقتاردان ەكى- ءۇش ساعات بۇرىن 2-3 مينۋت ىشىندە ورىنداۋ كەڭەس ەتىلەدى. ەنەرگيا العان سوڭ، اعاشقا العىس ايتۋدى ۇمىتپاعان ءجون.

  تەرەكتەن دە كوپ ەنەرگيا الۋعا بولادى. ونىڭ كومەگىمەن باس جانە ومىرتقا اۋرۋىنان قۇتىلۋعا بولادى دەپ ەسەپتەلەدى. ول ءۇشىن اۋىرعان جەرگە ءبىر ايداي تەرەك تاقتايشاسىن قويۋ كەڭەس ەتىلەدى.

  ارشا اعاشىنىڭ ەمدىك قاسيەتى قازاق بالاسى ءۇشىن تاڭسىق ەمەس. اۋىرعان ادامدى، ءۇيدى ارشانىڭ يىسىمەن الاستاپ، تازالايدى. ەتتى، قىمىز پىسەتىن سابانى ارشانىڭ تۇتىنىنە ىستايدى. قۇرعاق جوتەلگە ارشانىڭ ءتۇتىنى بىردەن- ءبىر ەم سانالادى.

  كوكتەرەك - ادام بويىنان جامان ەنەرگيانى جۇلىپ الۋدا تاپتىرمايتىن ەڭ كۇشتى اعاش سانالادى. ول ءۇشىن اعاشقا ارقاڭىزدى تىرەپ، 15 مينۋتتاي تۇرعانىڭىز دۇرىس.

  قىزىلتال ادام بويىنداعى قۇرىس- تىرىستى، باس اۋرۋىن جازادى دەلىنەدى.

  شەتەن اعاشى ءالسىز سانالعانمەن، ول دا ادامعا ەداۋىر كومەكتەسەدى دەلىنەدى.

  حالىق اراسىندا قىلتاناقتى، تىكەندى اعاش ادام دەنساۋلىعىنا جاقسى اسەر ەتەدى. ەمەن مەن قايىڭ قان قىسىمىن تومەندەتەدى، سوندىقتان گيپەرتونيامەن اۋىراتىن ادامداردىڭ وسى اعاشتارعا جاقىن جۇرگەنى ءجون ەكەن.

  ەمەن مەن قايىڭ بارلىق جۇلدىزدا تۋعاندار ءۇشىن جاعىمدى كۇي سىيلايدى.

  قىسقاسى، اعاشتار ءبىزدى قورشاعان اينالامىز سياقتى، عارىشتان ۇزدىكسىز ەنەرگيا اۋلايدى، ونى بويىنا سىڭىرەدى، وزىندە ساقتايدى. ادام اعاشپەن وڭاشادا سىرلاسقاندا بيوەنەرگەتيكالىق الماسۋلار جۇرەدى. مىنە، وسىلاي ادام مەن اعاش اراسىنداعى ەنەرگيا الماسۋلار بولادى. مۇقاعاليدىڭ «جاپىراق جۇرەك جاس قايىڭ، جانىمىزدى ايىرباستايىق» دەپ جىرلاۋىنىڭ سىرى وسىندا بولسا كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.