ۇيدەگى دارىلەردە تومەندەگىدەي جاعدايلار بايقالسا پايدالانۋعا بولمايدى
2017.04.24 10:56 كەلۋ قاينارى : شينجياڭ گازەتى
ءدارى - دارمەكتەر جارىق، جىلۋ، ىلعالدىق، ميكرو ەلەمەنتتەردىڭ اسەرى مەن بۇلدىرۋىنە وڭاي ۇشىرايدى. ءدارى - دارمەكتەر دۇرىس ساقتالماسا نەمەسە وتە ۇزاق ۋاقىت ساقتالسا ساپاسى تومەندەيدى نەمەسە كۇشىن جويادى، مۇنداي دارىلەردى پايدالانۋ زياندى. ادەتتە، ءدارى - دارمەكتەردىڭ ساپاسى وزگەرگەن - وزگەرمەگەنىن فيزيكالىق، حيميالىق امالدارمەن نەمەسە بيولوگيالىق تەكسەرۋ امالىمەن انىقتاۋعا بولادى. دەسە دە، بۇل امالدار ارقىلى ءدارىنىڭ ساپاسىن انىقتاۋدى كاسىپتىك ورگاندار بولماسا باسقالار وڭايلىقپەن ورىنداي المايدى. كوپ قولدانىلاتىن، ەڭ ماڭىزدى امال − ءدارىنىڭ سىرتقى فورماسىنا قاراپ انىقتاۋ ەسەپتەلەدى. ءدارى - دارمەكتە تومەندەگىدەي جاعدايلار بايقالسا پايدالانۋعا بولمايدى:
ۋكولدار. ءدارى سۇيىقتىعىنىڭ ءتۇسى مولدىرلىگىنە، رەڭى وزگەرگەن - وزگەرمەگەنىنە قارالادى. ۋكولداردىڭ بىرنەشە ەرەكشە تۇرلەرىندە ازىراق بۋالدىر ءتۇس بولۋدان سىرت، باسقا ۋكولدار ادەتتە ءمولدىر بولادى. ءتۇسى بۋالدىرلانعان، تۇنبا پايدا بولعان نەمەسە كريستالدانعان ۋكولدارعا جىلۋ وتكىزگەندە بۇل جاعدايلار جويىلماسا پايدالانۋعا بولمايدى. كەيبىر ءدارى شوپتەردەن دايىندالعان ۋكولدار دا ساقتاۋ بارىسىندا وڭاي بۋالدىرلانادى، مۇنداي دارىلەردى دە پايدالانۋعا بولمايدى.
تابلەتكالار، كاپسۋلالار. تابلەتكالار ىلعالدان جابىسقاقتانسا، جۇمسارسا، فورماسى وزگەرسە، جارىلسا جانە قابىرشىعىنىڭ ءتۇسى وزگەرسە نەمەسە تەڭبىلدەنسە، كوگەرسە پايدالانۋعا بولمايدى. مىسالى، اشىتقى تابلەتكاسى كوگەرىپ، قۇرت تۇسسە، ۆيتامين C تابلەتكاسى توتىعىپ رەڭى وزگەرسە، اسپيرين تابلەتكاسى ىلعالعا ۇشىراپ قىشقىلدانسا تۇگەلدەي پايدالانۋعا بولمايدى. بۇلشىق ەت تىنىقتىرىپ، قان اينالىسىن جاقسارتاتىن تابلەتكا سياقتى كەيبىر جۇڭگوشا جاساۋلى دارىلەر ىلعالدانۋدان رەڭى وزگەرىپ، بوساسا، جابىسقاقتانسا پايدالانۋعا بولمايدى. كاپسۋلالار ىلعالدان وڭاي جابىسقاقتانادى، مۇندايدا، كاپسۋلانىڭ ىشىندەگى ءدارىنىڭ ساپاسى وزگەرسە پايدالانۋعا بولمايدى.
سىقپا دارىلەر. مۇنداي دارىلەر ادەتتە ءبىرشاما تۇراقتى كەلەدى، دەسەدە ولاردا اشىپ كەتۋ، يىستەنۋ جاعدايى بار - جوعىن جانە ماي قاباتى نەمەسە كريستالدى زات سىرتقا شىققان - شىقپاعانىن تەكسەرۋ كەرەك. ماي قاباتى نەمەسە كريستالدى زات سىرتقا شىققان جاعدايدا قايتا مانەرلەپ، ارالاستىرعاننان كەيىن پايدالانۋعا بولادى، ەگەر رەڭى وزگەرسە، يىستەنسە پايدالانۋعا بولمايدى.
دومالاق دارىلەر. رەڭى وزگەرسە، قۇرعاسا، كوگەرىپ قۇرت تۇسسە، يىستەنسە پايدالانۋعا بولمايدى. ەسكەرۋگە ءتيىستىسى، ۋلى نەمەسە تىتىركەندىرگىش دارىلەردىڭ ءدامىن تاتىپ كورمەۋ كەرەك، ويتپەگەندە ۋلانۋ جاعدايى تۋىلۋى مۇمكىن.
ەسكەرتۋ: كۇندەلىكتى تۇتىنىلاتىن (قىسىم تومەندەتەتىن، قانداي قانتتىڭ مولشەرىن تومەندەتەتىن) دارىلەردەن سىرت، كەيبىر ۇنەمى پايدالانىلمايتىن دارىلەردى ۇيگە كوپ الىپ ساقتاماعان ءجون. قىزۋ قايتاراتىن دارىلەر، ءىش تياتىن دارىلەر، قابىنۋدى باساتىن دارىلەر، اللەرگياعا قارسى تۇراتىن دارىلەر جانە جاراقاتقا جاپسىرعىش، يودتى سپيريت سياقتىلاردى از مولشەردە ساقتاۋعا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
