جۇقپالى تۇماۋ كوپ تارايتىن مەزگىل كەلدى، مىناداي ىستەسەڭىز جۇقپالى تۇماۋ ۆيروسىنان ساقتانا الاسىز
2018.01.10 14:07 كەلۋ قاينارى : حالىق تورابى
حالىق تورابى، 10 – قاڭتار، بەيجيڭ. ءتاڭىرتاۋ تورابىنىڭ حابارلاۋىنشا (ءتىلشى: ليۋ شيا)، 9 – قاڭتاردا ءتىلشىنىڭ شينجياڭ ۇيعۇر اۆتونوميالى رايوندىق اۋرۋدىڭ الدىن الۋ جانە تىزگىندەۋ ورتالىعىنان ۇعىسۋىنا قاراعاندا، قاڭتار ايىندا جۇقپالى تۇماۋ كوپ تارايتىن مەزگىل كەلىپ جەتتى. شينجياڭداعى ايماق، وبلىس، قالالارداعى 14 باقىلاۋ تۇيىنىنەن الىنعان دەرەككە قاراعاندا، شينجياڭداعى جۇقپالى تۇماۋدىڭ جاعدايى بۇكىل ەلىمىزبەن بىردەي كوپ تارالۋ مەزگىلىندە تۇر، ناۋقاستانۋ مولشەرى بۇرىنعى جىلدارداعىدان 20 دا 30 پايىز جوعارى، جۇقپالى تۇماۋعا شالدىققاندار ىشىندە 15 جاستان تومەنگى بالالار كوپ ساندى ۇستايدى.
شينجياڭ ۇيعۇر اۆتونوميالى رايوندىق اۋرۋدىڭ الدىن الۋ جانە تىزگىندەۋ ورتالىعى جۇقپالى اۋرۋلاردى ەمدەۋ ورتالىعىنىڭ مەڭگەرۋشىسى، مەڭگەرۋشى شيپاگەرى ماحمۇتتىڭ تىلشىگە ايتۋىنشا، جۋىردا شينجياڭدا جۇقپالى تۇماۋ ۆيروسىنىڭ تارالۋى كورنەكتى ارتقان، B تيپتى جۇقپالى تۇماۋ ۆيروسىن نەگىز ەتىپ، A تيپتى جۇقپالى تۇماۋ ۆيروسى قوسارلانا تارالۋدا، ونىڭ ۇستىنە، بيىل جۇقپالى تۇماۋعا شالدىققانداردىڭ سانى بىلتىرعى وسى مەزگىلدەگىمەن سالىستىرعاندا كوپ مولشەردە ارتقان، بۇرىنعى جىلدارداعى وسى مەزگىلدەگىدەن جوعارى. بالالار مەن قارتتار تۇماۋعا وڭاي شالدىعادى. بيىل مەجەمەن شاعاننان كەيىنگى ءبىر – ەكى اپتا ىشىندە جۇقپالى تۇماۋ بىرتە – بىرتە باسەڭدەۋى مۇمكىن.
شينجياڭ ۇيعۇر اۆتونوميالى رايوندىق جۇڭگوشا ەمحاناسى شۇعىل ەمدەۋ ءبولىمى مەڭگەرۋشى شيپاگەرىنىڭ ورىنباسارى جاڭ شينجۇننىڭ ايتۋىنشا، قاڭتار ايى كەلىسىمەن شۇعىل ەمدەۋ بولىمىنە كەلگەن ناۋقاستاردىڭ ىشىندە جۇقپالى تۇماۋعا شالدىققانداردىڭ سانى 60 پايىزدى ۇستاعان، بۇرىنعى جىلدارى ەڭ كوپ بولعاندا 30 پايىز عانا بولاتىن. ەمحانا دا جۇقپالى تۇماۋعا شالدىققاندار مەن جاي تۇماۋعا شالدىققانداردى ءبولىپ ەمدەپ، جۇقپالى تۇماۋدىڭ تارالۋىنان ساقتاندى.
جۇقپالى تۇماۋ مەن جاي تۇماۋدىڭ اۋرۋ بەلگىسى پارىقتى بولادى
جۇقپالى تۇماۋ دا، جاي تۇماۋ دا تىنىس جولى قابىنۋ اۋرۋى ەسەپتەلگەنىمەن، ەكەۋىنىڭ اراسىندا ءبىرشاما زور پارىق بار.
جۇقپالى تۇماۋدىڭ تيپتىك كلينيكالىق بەلگىلەرى: تۇتقيىل تيەدى، ناۋقاس توڭعاق بولىپ، دەنەسى قىزادى، دەنە تەمپەراتۋراسى 30 ~ 40 سەلسي گرادۋسقا جەتەدى، باسى اۋىرىپ، بۇلشىق ەتتەرى مەن بۋىندارى سىزدايدى، ءال – دارمەنى قۇرىپ، اسقا تابەتى ازايادى، تاماعى اۋىرىپ، قۇرعاپ، مۇرنى بىتەدى، مۇرنىنان سۋ اعادى. بوبەكتەردە ۇنەمى قۇسۋ، ءىشى ءوتۋ سىندى ناۋقاس بەلگىلەرى بايقالادى.
جۇقپالى تۇماۋدىڭ جۇعىمتالدىعى كۇشتى، ءار جىلى كوكتەم مەن جاز ورتاسىندا، نەمەسە جىلىمىق قىستا جۇقپالى تۇماۋ كوپ تارالادى.
تارالۋ ءتاسىلى جاعىندا، جۇقپالى جۇماۋ تىنىس جولى ارقىلى تۇشكىرىك شاشىراندىلارىمەن تارالادى، ناۋقاسقا شالدىعۋشى تۇشكىرگەندە نەمەسە سويلەگەندە اۋىز قۋىسىنان شىققان سىلەكەي شاشىراندىلارى باسقالارعا جۇقپالى تۇماۋدى تاراتادى. تۇكىرىك شاشىراندىلارى باسقا دەنەلەردە ساقتالىپ قالسا، وسى زاتتاردى قولمەن ۇستاپ، ونان سوڭ قولدى اۋىز قۋىسى مەن مۇرىنعا اپارساڭىز، وسى ارقىلى دا تۇماۋ تارالادى. جۇقپالى تۇماۋدىڭ جاسىرىن مەزگىلى ادەتتە 1 ~ 7 كۇن، كوبىنشە 2 ~ 4 كۇن بولادى.
وتباسى مەن مەكتەپ بىرگە ساقتانۋى كەرەك
وقۋشىلاردىڭ جۇقپالى تۇماۋعا شالدىعۋىن ازايتۋ ءۇشىن، ماحمۇت شيپاگەر كوپشىلىككە وتباسىلىق ساقتانۋ جولدارى مەن مەكتەپتەگى ساقتانۋ تاسىلدەرىن ۇشتاستىرۋ جونىندە كەڭەس بەرەدى.
ماحمۇت شيپاگەردىڭ ايتۋىنشا، وتباسىندا ساقتانۋ بارىسىندا جۇقپالى تۇماۋعا شالدىققاندارمەن، مىسالى: دەنەسى قىزۋ، تاماعى اۋرۋ سىندى ناۋقاس بەلگىلەرى بايقالعاندارمەن جۋىسپاۋ كەرەك. ەگەر وتباسى مۇشەلەرى جۇقپالى تۇماۋعا شالدىقسا، وندا وعان ماسكا تاقتىرىپ، باسقالارعا جۇعۋىنان ساقتانۋ كەرەك.
مۇنان سىرت، جۇقپالى تۇماۋ كوپ تارايتىن مەزگىلدە كينوحانا، ساۋدا سارايى، اسحانا سىندى ادام كوپ جەرگە بارماۋ كەرەك. سونىمەن بىرگە، تاماشا تۇرمىستىق ادەتتەردى ساقتاپ، قولدى ءجيى جۋۋ، تەرەزەنى ۇنەمى اشىپ تۇرۋ، كۇن سايىن تەرەزەنى 3 ~ 4 رەت، ءار رەتتە 20 مينۋت اشىپ اۋا الماستىرۋ كەرەك. وتباسىندا بوبەك، قارت، جۇكتى ايەل نەمەسە جوعارى قان قىسىمى، قانتتى نەسەپ اۋرۋىنا شالدىققاندار بولسا، ەڭ جاقسىسى جىل سايىن قازان ايىندا جۇقپالى تۇماۋدان ساقتانۋ ۋاكسيناسىن ەكتىرۋ، جۇقپالى تۇماۋدىڭ قوسالقى اۋرۋلارىنان ساقتانۋ كەرەك.
مەكتەپ كۇنىنە ءبىر رەت تەكسەرۋدى مۇمكىندىگىنشە تياناقتاندىرىپ، تاڭەرتەڭ، تۇستە تەكسەرۋدى ىسكە قوسۋى، مەكتەپ ەمحاناسى كۇنىنە وقۋشىلاردىڭ دەنە تەمپەراتۋراسىن ولشەۋى، جۇقپالى تۇماۋعا شالدىققان وقۋشىلار بولسا، ولارعا دەرەۋ ماسكا تاقتىرىپ، دەمالۋعا ۇيلەرىنە قايتارۋى كەرەك.
مۇنان سىرت، مەكتەپ كۇنىنە ناۋقاس سەبەبىنەن وقۋعا كەلمەۋ نەمەسە ناۋقاس سەبەبىن ەستەلىككە الۋ ءتۇزىمىن تياناقتاندىرۋى كەرەك. كلاس جەتەكشىلەرى ناۋقاستانعانداردى بايقاسا، دەرەۋ الەۋمەتتىك اۋماقتاعى دەنساۋلىق ساقتاۋعا قىزمەت كورسەتۋ ورتالىعىنا مالىمەت بەرۋى كەرەك.
مەكتەپ قورشاعان ورتانىڭ تازالىعىن ويداعىداي ىستەۋى، قورشاعان ورتانى ديزەنفەكسيالاۋدى ورىستەتۋى كەرەك. اۋا الماستىرۋدى كۇشەيتىپ، اۋانىڭ الماسىپ تۇرۋىنا كەپىلدىك ەتۋ كەرەك. دەنساۋلىق تاربيەسىن كۇشەيتىپ، جەكەلىك تازالىقتى ساقتاۋعا، قولدى ۇنەمى جۋۋعا تاربيەلەۋى، قول جۋاتىن جەرگە قول جۋۋ سابىنىن قويۋى كەرەك. اپتاسىنا كەمىندە ءبىر رەت كلاسقا تازالىق جۇرگىزۋى جانە ديزەنفەكسيالاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
