ۇمىتكەرلىك ومىرگە ءسان بەرەدى
فاڭ يىڭشين
2018.06.29 13:48 كەلۋ قاينارى : حالىق تورابى
رەسەيدە ءوتىپ جاتقان دابىرالى الەم چەمپيوناتىندا يسلانديا كومانداسى جاسىنداي جارىق ەتىپ كورىندى. بۇلاي دەيتىنىمىز، ولاردىڭ ارقالى ارگەنتينا كومانداسىمەن ءيتجىعىس تۇسكەنى ءۇشىن عانا ەمەس، جاسىل الاڭدى جاڭعىرتقان «ۆيكيڭ ۇرانى» دا فۋتبول جانكۇيەرلەرىنىڭ جۇرەگىن جاۋلادى.
سولتۇستىك ەۆروپاداعى تەك 300 مىڭ جان سانى بار بۇل ەل «جەر بەتىندەگى ايعا ەڭ ۇقسايتىن جەر» دەپ اتالعان. ارالدىڭ سەگىزدەن ءبىر بولەگى مۇز قۇرسانىپ جاتادى، ارالدا 300گە جۋىق جانار تاۋ بار، تابيعي بايلىعى دا تاپشى، جەرى ەگىن ەگۋگە ۇيلەسپەيدى. ايتسەدە، يسلانديالىقتار بۇعان بولا قامىقپايدى، قايتا بۇل ولاردىڭ «شارت – جاعداي بولماسا ، شارت – جاعدايدى قولدان جاسايمىز» دەيتىن بەلسەندى پوزيتسياسىن سومداعان. پوليار شەڭبەرىنە جۋىق جاتقان بۇل ەلدە قىس مەزگىلىندە بىرنەشە اي بويى كۇن كوزىن كورۋ مۇڭ بولادى، جۇرت ۇيلەرىن الۋان رەڭمەن اشەكەيلەپ، كوڭىل – كۇيلەرىن كوتەرىڭكى ۇستاۋعا تىرىسادى؛ دالادا فۋتبول تەبۋگە اۋا رايى جار بەرمەيتىندىكتەن، ولار جىلۋمەن قامداۋ قۇرىلعىلارى بار ساراي ىشىندەگى فۋتبول الاڭدارىن مولىنان سالعان. «قيالداۋعا قابىلەتىڭ جەتپەسە، وندا بىتكەنىڭ»، يسلانديالىقتار وسى سوزدەرىنە ساي، قيىنشىلىقتارعا بەلسەنە توتەپ بەرىپ، كوڭىلدى تۇرمىستان ءلاززاتتانادى، مۇنداي ءومىر ءسۇرۋ فيلوسوفياسىن ولار تابيعي ورتادان ۇيرەنگەن.
وسىنداي قاتال وبيەكتيۆ شارت – جاعدايدا، «ءومىردى ولەڭ – جىرداي وتكىزۋ» ءۇشىن ءۇمىت ساۋلەسىنە عانا سۇيەنۋ جەتكىلىكتى بولمايدى. كەي ەلدەرمەن سالىستىرعاندا، يسلانديالىقتار تابيعي جۇتاڭدىقتىڭ ەسەسىن اقىل – پاراساتىمەن تولتىرۋدان سىرت، ۇنەمى ارەكەتتەنىپ، ءومىر ءورىسىن ءار تۇرعىدان اشۋعا ءمان بەرەدى. يسلانديا فۋتبول كومانداسى فۋتبولشىسىنىڭ رەجيسسەرلىك قىزمەت اتقارعانى اقىلعا سيمايتىنداي. ءىس جۇزىندە، يسلانديادا ءبىر ۋاقىتتا بىرنەشە كاسىپپەن شۇعىلداناتىندار از ەمەس. بۇل ەلدىڭ ادامدارى تۇرمىس بارىسىندا «سەگىز قىرلى» بولۋدى ۇستانادى، قىزمەتتەن سىرت، ءوز اۋەسىنىڭ ءورىسىن كەڭەيتۋگە قۇلشىنىپ، كوپ جاقتان ءوز اۋەسىن جەتىلدىرەدى. تۇرمىستى قىزۋ ءسۇيىپ، بەيمالىم دۇنيەگە قۇمارتۋدان تانبايدى، بۇل ءوز كەزەگىندە يسلانديالىقتارعا اناعۇرلىم كوڭىلدىلىك سيلاپ، ولاردى تۇرمىستى ونان ارى ءساندى وتكىزۋگە جەتەلەيدى.
بىرىككەن مەملەكەتتەر ۇيىمى جىل سايىن جاريالايتىن «دۇنيە جۇزىلىك باقىت كورسەتكىشى مالىمەتىندە» يسلانديانىڭ ءارقاشان الدىڭعى قاتاردان كورىنەتىنى جۇرتقا ايان. مۇنىڭ سەبەبى كۇردەلى ەمەس، سەبەبى تەك ولاردىڭ كوڭىلدىلىكتى جاراتۋعا، كوڭىلدىلىكتى جوسپارلاۋعا دەگەن وجەتتىگىندە بولسا كەرەك. يسلانديالىقتاردىڭ باقىتتى تۇرمىسىنان ۇعىناتىنىمىز، جان دۇنيەڭىز شاتتىققا تولى بولسا، سىرتقى دۇنيەنىڭ بوران – شاشىنىنا سىر بەرمەي شىداۋعا بولادى، بۇل ءومىر ءسۇرۋ ساپاسىن جوعارىلاتۋداعى ماڭىزدى بەلەس بولىپ تابىلادى. يسلانديالىقتاردا «جالاڭ اياق قالسام دا كىتاپسىز قالمايىن» دەگەن ءسوز بار، بۇل سوزدە باسپادان شىعاتىن كىتاپتىڭ ورتا ەسەپپەن كىسى باسىنا تيەتىن مولشەرى دۇنيە جۇزىندە ءبىرىنشى ورىندا تۇراتىن ەلدىڭ حالقىنىڭ كىتاپقا دەگەن قۇشتارلىعى عانا ەمەس، ءوزىنىڭ رۋحاني الەمىن تاپجىلماي قورعاپ، جۇرەك قالاۋىن قايراتتانا ىزدەۋ سىندى ءومىر ۇستانىمدارى بەينەلەنگەن. ادام تەك رۋحاني الەمىن بايىتقاندا عانا، ءومىردىڭ حيكىمەتىن، قادىر – قاسيەتىن تەرەڭ ۇعىنا الادى.
ءبىز ۇنەمى باقىتتىڭ ءمانى تۋرالى ويلانامىز. فينلانديالىقتار «باقىت دەگەن جاز كۇنىندە كۇركەشەڭ مەن كارتوپ اتىزىڭنىڭ بولعانى» دەپ قارايدى؛ شۆەتسيالىقتار «اقشانى ساقتاۋعا بولادى، ۋاقىتتى ساقتاۋعا بولمايدى، ۋاقىتتى قالاي وتكىزسەڭ، عۇمىرىڭنىڭ سولاي وتكەنى» دەگەن كوزقاراستى ۇستانادى؛ نورۆەگيالىقتار «اۋا رايىنىڭ جامانى جوق، كيىمنىڭ جامانى بار» دەپ تۇيسىنەدى؛ دانيالىقتار اۋەلى راحات، مەيىرىم مەن قاسىندا بىرگە بولۋدى بىلدىرەتىن «Hygge» دەگەن تەرمين جاراتقان. مەيلى، باقىتقا قانداي انىقتاما بەرسەك تە، ءبارىنىڭ ءبىر ۇقساس تۇسى بار: باقىتتى ادامنىڭ ءبارى جايدارى دا ىنتالى كەلەدى. وزگەلەرمەن ءوزىن سالىستىرمايدى، ءوزىنىڭ قابىلەتىن جوعارىلاتۋعا، رۋحاني جاقتان جەتىلۋگە، شاڭىراقتىڭ شاتتىعىنا اناعۇرلىم ءمان بەرەدى، ۋاقىت ۇزارا كەلە، كوڭىلدى كۇندەردە باقىتتىڭ ءوزى كەلىپ ەسىك قاعادى.
سوندىقتان، باقىتتىڭ نە ەكەنىن انىق ءبىلۋ ءۇشىن، الدىمەن وزىمىزدەن شاتتىقتى سەزىنە الامىز با، شاتتىقتى جاراتۋعا جۇرەكتىمىز بە، شاتتىقتى بۇزباۋعا قاجىرلىمىز با دەپ سۇراعانىمىز ءجون. يسلانديالىقتار سياقتى «عۇمىر مەنى قيناسا دا، مەن جىرىممەن جاۋاپ قاتتىم» دەيتىن كوڭىلدى كۇيمەن تابيعات سيلاعان سۋىق پەن قاراڭعىنى، داۋىل مەن قۇلازۋدى جاي كوڭىلمەن قابىلداۋ كەرەك؛ قاجىماي – تالماي ۇيرەنۋ جانە جاسامپازدىق بارىسىندا ، شىنايى شاتتىققا ۇمتىلۋ، تالپىنعىش قايرات بولۋ كەرەك، وسىنداي تۇرمىس ءتاسىلى بىزگە وزگەشە كوڭىلدىلىك پەن تارتىمدى عۇمىر سيلايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
