بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كىتاپ وقۋ — شاشىراعان ويدى شوعىرلاندىراتىن شيپالى ءدارى

جاڭ سايفىڭ

2018.09.04 13:25     كەلۋ قاينارى : حالىق تورابى

  بۇگىنگى تاڭدا، جۇرتتىڭ ءبارى ينتەرنەت الەمىنەن ايىرىلا المايتىن بولدى، قولفون ادامداردىڭ كۇندەلىكتى قاجەتىنە اينالدى. وتە – موتە، جاستار جاعى تىپتەن وسىلاي، ولار تيتتەي بوس ۋاقىتى بولسا قولفون شۇقىعانعا ادەتتەندى، وسىلاي ىستەگەندە جاھانداعى ىستەردى جان قيناماي – اق ءبىلىپ الۋعا بولادى دەپ قارايدى.


  وكىنەرلىگى، قولفونمەن قابىلداعان ينفورماتسيالار ۇنەمى شاشىراڭقى كەلەدى، كوپ ادامداردىڭ مۇنداي ينفورماتسيالاردىڭ مازمۇنىنا جىنتىكتەي وي جۇگىرتەتىن ۋاقىتى جوق، اۋەلى، ونىڭ شىن – جالعان ەكەنىن پارىقتاۋعا دا ۋاقىتى جوق، ول جونىندە دەربەس وي جۇگىرتۋى دە، تۇجىرىم جاساۋى دا جەتكىلىكسىز. كەي ادامدار قابىلداعان ينفورماتسياسىنىڭ بىرتىندەپ مولايا تۇسكەنىمەن، ۇيرەنگەن ءبىلىمىنىڭ بارعان سايىن ازايعانىن سەزىنىپ، ويىن شوعىرلاندىرا المايتىن قيىن حالگە تۇسەدى.


  مۇنداي مۇشكىل حالدەن قالاي ارىلۋعا بولادى؟ بالكىم، كىتاپ وقۋ ارقىلى بۇل ماسەلەنى شەشۋگە بولادى.


  كىتاپ وقۋ ادامنىڭ ويىن شوعىرلاندىرادى. ۋىن يدو كىتاپ وقۋعا قۇمارتىپ، كىتاپ وقىعاندا شاتتىققا شوماتىن، ول ۇيلەنگەن كۇنى تۋىستارى مەن دوستارى ۇيىنە قۇتتىقتاي كەلەدى، قالىڭدىق كۇيمەسى كەلگەن كەزدە جۇرت كۇيەۋ جىگىتتى تابا الماي، جان – جاقتان ىزدەستىرەدى، سوڭىنان ونى كىتاپ ۇيىنەن تاۋىپ الادى. قاراسا ول كونە شاپانىن كيىپ، قولىنداعى كىتابىن ىجداعاتپەن وقىپ تۇر ەكەن، ءوزىنىڭ ۇيلەنۋ تويى ءوتىپ جاتقانىن دا ۇمىتىپ كەتكەن. «كىتاپ وقىعان ادام ۋاقىتتىڭ وتكەنىن سەزبەيدى، ءار مينۋتى التىنعا بەرگىسىز» دەگەن ءسوز بار. بۇل سوزدەن ءبىز كىتاپ وقۋدىڭ ادامنىڭ ويىن

  شوعىرلاندىرا الاتىنىن بىلەمىز. كوڭىلىڭدى بۇرىپ، ءسوز مانىنە ۇڭىلگەن كەزىڭدە، ويىڭ دا ءبىر تۇيىنگە شوعىرلانادى، بار نازارىڭدى كىتاپتاعى كوركەم سوزدەر باۋرايدى، ويىڭدى شوعىرلاندىرۋدىڭ ارقاسىندا كىتاپتىڭ مازمۇنى قيال الەمىڭدەگى ىستەرمەن ۇشتاسىپ، اۆتوردىڭ جەتەلەۋىندە، ءبىز ونىڭ وي جەلىسىمەن داڭعىل جولعا تۇسەمىز، سونىمەن بىرگە، ءوزىمىزدىڭ ويىمىز بەن تۇسىنىگىمىز تۋىنداپ، وزىمىزگە ءتان «اقىل – وي گۇلى» قاۋاشاعىن جارادى. سول كەزدە، سول ساتتە، سول جەردە كىتاپپەن جەكە – دارا قالاسىڭ.


  كىتاپ وقۋ — ادامدى ويلانۋعا جەتەلەيدى. نيەل پوستماننىڭ «ولە – ولگەنشە ساۋىق – سايران قۇرۋ» اتتى كىتابىندا مىناداي سوزدەر بار: «وقۋ بارىسىندا بايىپتىلىقپەن ويلانۋعا بولادى ... كىتاپ وقۋ بارىسىندا كىتاپتىڭ وي جەلىسىنە ەرىپ وتىرۋ كەرەك، بۇل وقىرماننىڭ تۇرگە ءبولۋ، پايىمداۋ جانە تۇجىرىمداۋ قابىلەتىنىڭ كۇشتى بولۋىن تالاپ ەتەدى». كولەمى ىقشام حابارلاندىرۋ سيپاتىندىق ينفورماتسيالارمەن، كورۋ تۇيسىگىنە اسەر ەتەتىن سۋرەتتەرمەن، قىزىقتى كەسكىندەرمەن سالىستىرعاندا، كىتاپ ادامنىڭ ويلاۋ لوگيكاسىن اناعۇرلىم جەتىلدىرەدى. كىتاپتاعى وقيعانىڭ جۇلگەسىن قانىق ءبىلۋ ءۇشىن، وقىرمان سويلەمدەر اراسىنان وقيعا دامۋىنىڭ سەبەبى مەن سالدارىن ىزدەيدى، كىتاپتاعى كەيىپكەردىڭ وي الەمىن قۋالايدى، كەلەسى وقيعانىڭ قالاي تۋىندايتىنىن تۇسپالدايدى. وقىرمان ماقالانىڭ تۇتاس مازمۇنىن مەڭگەرۋ بارىسىندا ءوزىنىڭ ويلاۋ قابىلەتىن جاتتىقتىرادى.


  بايىپتىلىقپەن ويلانۋ، دەربەس وي جۇگىرتۋ، وي جەلىسى انىق بولۋ ءاربىر ادام ءۇشىن توتەنشە ماڭىزدى. كىتاپ وقۋ — ماعىنالى ءىس، مىناۋ قىم – قۋىت الەمدە ويدى سەرگەك ۇستاۋدىڭ شيپالى ءدارىسى، وتە – موتە، ۇزاق ۋاقىت بويى ينتەرنەت الەمىنەن شىقپايتىن جاستار ءۇشىن كىتاپ وقۋ سىندى ماعىنالى ءىس، شيپالى ءدارى توتەنشە قاجەتتى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار