بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كەيبىرەۋلەر نەلىكتەن ۋيچاتتاعى سۋرەتىن ءجيى اۋىستىرادى

مەملەكەتتىك ەكىنشى دارەجەلى پسيحولوگيالىق كەڭەس بەرۋشى تاڭ يچىڭ

2018.11.30 13:48     كەلۋ قاينارى : حالىق تورابى

  قازىر جۇرت ينتەرنەتتە ءبىر – بىرىمەن حابارلاسقاندا ۇنەمى ۋيچاتتى قولدانادى. ۋيچاتتاعى سۋرەتىمىز بەينە تانىستىقتىڭ العاشقى باسپالداعى ىسپەتتى. بىرەۋلەر ۋيچاتتا ۇزاق ۋاقىت بويى ءبىر عانا سۋرەتتى پايدالانادى، بىرەۋلەر سۋرەتىن ۇنەمى اۋىستىرعاندى ۇناتادى. دوستار شەڭبەرىندەگى الەۋمەتتىك قارىم – قاتىناس ادامداردىڭ وزدەرىن جۇرتقا ايگىلەيتىن ءتاسىلى، ۋيچاتتاعى سۋرەتى ادامداردىڭ شىنايى كوڭىل – كۇيىن بەينەلەپ بەرەدى. وسى تۇرعىدان الىپ قاراعاندا، ۋيچاتتاعى سۋرەتىن ۇنەمى اۋىستىرۋدىڭ مىناداي ءۇش ءتۇرلى سەبەبى بولۋى مۇمكىن:


  بىرىنشىدەن، ءوزىن – ءوزى تەڭشەپ وتىرۋداعى يكەمدىلىگى جوعارى. ءوزىن – ءوزى تەڭشەپ وتىرۋداعى يكەمدىلىگى جوعارى دەگەنىمىز وبيەكتيۆ جاعدايداعى وزگەرىستەرگە ساي، ءوزىنىڭ ارەكەتىن دەر كەزىندە وزگەرتىپ، وسى ارقىلى اينالاداعى وزگەرىستەرگە اناعۇرلىم جاقسى ۇيلەسە الۋ قابىلەتىن كورسەتەدى. الەۋمەتتىك جەلىدەگى ۋيچات سۋرەتى باسقالارعا كورسەتۋگە ارنالادى، بەيىمدەلۋ قابىلەتى جوعارى ادامدار ورتاداعى وزگەرىسكە ساي «وزگەرىپ» وتىرادى، وسى ارقىلى ءوزىنىڭ سىرتقى وبىرازىن ۇزدىكسىز رەتكە سالىپ، ءوزىن ءتۇرلى تۇرعىدان جۇرتقا ايگىلەپ، جۇرتتىڭ ۇناتۋىنا يە بولادى.


  مۇنداي ادامدار جونىنەن العاندا، ۋيچاتتاعى سۋرەتىن وزگەرتۋ تەك ءبىر ءتۇرلى الەۋمەتتىك ۇيلەسۋ بارىسى ەسەپتەلەدى، بەينە ءتۇرلى الەۋمەتتىك ورتادا تۇرلىشە كيىم كيگەنمەن ۇقساس، سۋرەتىن وزگەرتۋ ارقىلى وزگەلەردىڭ وزىنە دەگەن اسەرىن مەڭگەرىپ وتىرۋعا بولادى.


  ەكىنشىدەن، مۇنداي ادامداردىڭ كوڭىل – كۇيى اسا ورنىقتى بولمايدى. كوڭىل – كۇيدىڭ ورنىقتىلىعى دەگەنىمىز قارىم – قاتىناس بارىسىندا كوڭىل – كۇيدىڭ كۇرت بۇزىلۋىنان ساقتانۋ قابىلەتىن كورسەتەدى، مۇنداي قابىلەت ساتسىزدىككە جولىققاندا توزىمدىلىك تانىتۋ مەن ءتۇرلى قىسىمعا ۇشىراعاندا تاباندىلىق كورسەتۋدى بىلدىرەدى. كوڭىل – كۇيى ورنىقسىز ادامدار سەزىمتال كەلەدى، سىرتقى اسەردىڭ كەدەرگىسىنە وڭاي ۇشىرايدى. كەي ادامدار ساتسىزدىككە ۇشىراعان كەزدە ءبىر ۇيىقتاپ ويانسا، بوز – بورانى شىعىپ جىلاسا بولعانى «ماسەلە شەشىلەدى»، دەگەنمەن، كوڭىل – كۇيى ورنىقسىز ادامدار جونىنەن العاندا، مۇنداي ساتتە ءوز قالپىنا تۇسۋىنە ۋاقىت قاجەت بولادى. مۇندايدا كوڭىل – كۇي وزگەرىسىنە ساي قايتا – قايتا سۋرەتىن الماستىرۋى مۇمكىن، سىرتتاي قاراعاندا ەشتەمە بولماعان سياقتانعانىمەن، مۇنىڭ ارعى جاعىندا ەشكىمگە ايتىلمايتىن ىشكى سىرلار جاتادى.


  دەگەنمەن، مۇنداي ادامداردىڭ دا ءبىر ارتىقشىلىعى بولادى: كوڭىل – كۇيدىڭ ورنىقسىزدىعى ولارعا اسا كۇشتى تىكە تۇيسىك پەن بايقامپازدىق قابىلەتىن سيلايدى، مۇنداي ادامداردا تالانت ساۋلەسى مەن كوركەمونەرشىلەرگە ءتان تابيعات بولادى.


  ۇشىنشىدەن، تۇرمىسىندا كۇرت وزگەرىس بولعان بولۋى مۇمكىن. كۇرت وزگەرىس دەپ وتىرعانىمىز پسيحولوگيالىق جاقتا ءارقانداي ۇيلەسۋدى قاجەت ەتەتىن ورتا وزگەرىسىن بىلدىرەدى، ماسەلەن: باسقا جەرگە كوشۋ، مەكتەپكە ءتۇسۋ نەمەسە وقۋ تاۋىسۋ، قىزمەت اۋىستىرۋ نەمەسە قىزمەتتەن بوساۋ، وتباسىنداعى اداممەن ايىرىلىسۋ، وتباسىندا نارەستە دۇنيەگە كەلۋ نەمەسە وتباسى مۇشەسىنىڭ ومىردەن وزۋى قاتارلىلاردى قامتيدى. وسىنداي كۇرت وزگەرىستەر كوڭىل – كۇيگە ىقپال جاساپ، پسيحولوگيالىق جاقتا ۋاقىتتىق وزگەرىستەردى تۋىنداتادى، ۋيچاتتاعى سۋرەتىن وزگەرتۋى وسى كوڭىل – كۇي وزگەرىسىنىڭ سىرتقى الەمگە بەينەلەنۋى بولىپ تابىلادى.


  جوعارىدا باياندالعان سەبەپتەرگە ساي، ەگەر بىرەۋ ادەتتە جۇرتقا جىلپوس كورىنەتىن بولسا، ونىڭ وزىندىك بەيىمدەلۋ قابىلەتى جوعارى بولعانى، ۋيچاتتاعى سۋرەتىن وزگەرتۋى تەك ونىڭ ۇيرەنشىكتى «ويىن قويۋى»، ونىڭ كوڭىل – كۇيىندە پالەندەي زور وزگەرىس بولعانىن بىلدىرمەيدى. دەگەنمەن، ونىڭ وسىنداي ءتاسىل ارقىلى دوستار شەڭبەرىندەگى جانە ءىس جۇزىندەگى دوستار اراسىنداعى قارىم – قاتىناسقا ىرىقتى تۇردە ۇيلەسۋگە قۇلشىنىپ جاتقانىن دا جوققا شىعارۋعا بولمايدى.


  ەگەر بىرەۋ ادەتتە باسقالارعا سەزىمتال دا ساقتانعىش، تىنىشتىقتى جانى قالايتىن بولىپ سەزىلسە، ول ۋيچاتتاعى سۋرەتىن دە ۇنەمى وزگەرتپەيدى. ەگەر ول ۋيچاتتاعى سۋرەتىن قايتا – قايتا وزگەرتسە، وندا ول كوڭىل - كۇي جاقتا ساتسىزدىك پەن وزگەرىسكە ۋاقىتشا ۇيلەسە الماي قالعانىن ءبىلدىرۋى مۇمكىن. مۇنداي ساتتە ونىمەن ىرىقتى تۇردە حابارلاسىپ، حال – جايىن ۇعىسساڭىز، ول ءۇشىن قيىن كەزدە قول ءۇشىن بەرگەنمەن بىردەي، مۇنداي كومەك ونىڭ كۇل تالقانى شىققان سەنىمىن قايتا تاۋىپ، تەز ارادا قالپىنا كەلۋىنە جانە ەسەيۋىنە پايدالى.


  ەگەر جوعارىدا ايتىلعانداي ەكى ءتۇرلى جاعدايعا سايكەس كەلمەسە، وندا ونىڭ ۋيچاتتاعى سۋرەتىن وزگەرتۋى، ونىڭ شۇعىل جاعدايعا ءدوپ كەلگەنىن، ءبىر ءىستى اياقتاتىپ، تاعى ءبىر ءىستى باستاعانىن، قىسقاسى، جاڭا ءبىر رايمەن جاڭا تۇرمىستى قارسى الۋعا بەكىنگەنىن تۇسىندىرەدى. ءبىر ءىستى باستاۋ مەن اياقتاتۋ بارىسىندا ادامدار ىشتەي «ىرىمدايدى»، ۋيچاتتاعى سۋرەتىنىڭ وزگەرىسى دە كىشى - گىرىم «ىرىم» ەسەپتەلەدى، بۇل ونىڭ ءوز دوستارىنا: «مەن دايىنمىن، وتكەندەگى وزىمە حوش دەمەكپىن»، — دەگەن ەمەۋرىن تانىتقانى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار