ۇساق مال ۇرىقتاندىرۋدا كوڭىل بولەتىن ىستەر
تۇركىستان قايىسپاي ۇلى
2018.12.03 16:48 كەلۋ قاينارى : شينجياڭ گازەتى
كەزەكتە ۇساق مال ۇرىقتاندىرۋدىڭ سەزوندىق ۋاقىتى جەتىپ كەلدى. مىنە بۇل مالشىلار ءۇشىن كەزەك كۇتتىرمەيتىن مەزگىل. سوندىقتان ۇساق مال ۇرىقتاندىرۋ قىزمەتىنىڭ تەحنيكالىق قىرى مەن سىرىنا نازار اۋدارىپ، مۇقيات ىستەگەن ءجون. مۇندا تومەندەگى ءبىرقانشا تۇيىندەرگە كوڭىل ءبول كەرەك:
1.ۇساق مال ۇرىقتاندىرۋدا، ەڭ اۋەلى، قوشقار، تەكە جانە ساۋلىق قوي، ەشكىلەردى سۇرىپتاۋدا ءناسىلى، تۇلعاسى، دەنە ءبىتىمى، ءتۇسى، جاسى، كۇيلىلىگى سياقتى جاقتارىنا كوڭىل ءبولۋ قاجەت.
2. قوي، ەشكىنىڭ كۇيلەۋ جاعدايىن ويداعىداي تەكسەرۋ كەرەك. ساۋلىق پەن ەشكىنىڭ كۇيلەگەن - كۇيلەمەگەنىنە قاراماي ۇرىقتاندىرا بەرۋگە نەمەسە قوشقار، تەكەنى قالاي بولسا سولاي قوسا سالۋعا بولمايدى. ساۋلىقتىڭ كۇيلەۋ بەلگىلەرى مىناداي بولادى: ءوربۋ مۇشەسى قىزارادى، كىلەگەي قابىق پايدا بولادى، جاتىر موينى بوساپ سۇيىقتىق اعادى، جۇردەك كۇيگە اۋىسادى. قوشقارعا جاقىنداسادى، كۇيلەۋ ۋاقىتى 24 تە 30 ساعاتقا دەيىن جالعاسادى، ساۋلىقتى كۇيلەگەندە عانا ۇرىقتاندىرسا ىشتىلىگىن جوعارلاتۋعا بولادى.
3.ۇساق مالدى ۇرىقتاندىرۋ مەزگىلىن ويداعىداي مەڭگەرۋ قاجەت. ۇرىقتاندىرۋ ۋاقىتى وتە ەرتە بولسا، تولدەۋ مەزگىلى كوكتەمنىڭ جاۋىن - شاشىن مەزگىلىنە تۋرا كەلىپ، ءتولدىڭ قاتارعا قوسىلۋى تومەندەيدى، ال وتە كەشەۋىلدەتىپ ۇرىقتاندىرۋ ءتولدىڭ ەرتەرەك مارقايۋىنا ىقپال جەتكىزەدى. سوندىقتان جەر - جەر ءوز جەرىنىڭ اۋا كليماتى، جەم - ءشوپ، قورا - قالتقى، ەڭبەككۇش جاعدايىن ەسكەرۋ كەرەك.
4. قانداس مالداردى ءوزارا ۇرىقتاندىرۋدان ساقتانۋ كەرەك. ءبىر قوشقار، تەكەنى ءبىر پۋنكتكە ۇرىقتاندىرۋعا 3 جىلدان ارتىق قاتىناستىرماعان ءجون، ولاي بولماعاندا قانداس مالدار ۇرىقتانادى دا، ءتول ساپاسىز تۋىلادى.
5. ۇساق مالدى ۇرىقتاندىرۋدان بۇرىن جانە ۇرىقتاندىرۋ بارىسىندا قوشقار، تەكە، ساۋلىق جانە ەشكى تالاپ بويىنشا ءنارلى ازىقتىقتارمەن ازىقتاندىرىلۋى، شۇرايلى جايلىمدا باعىلۋى قاجەت، وتە - موتە، قوشقاردى، تەكەنى ويداعىداي كۇتىمگە العان ءجون. وسىلاي ىستەگەندە عانا قوشقار مەن تەكەنىڭ ۇرىق مولشەرى ارتادى، ۇرىقتاندىرۋ ءونىمى جوعارىلايدى.
6. ۇساق مال ءناسىلىن بەتالدى ارالاستىرماۋ كەرەك. ۇرىقتاندىرىلاتىن ساۋلىق قايسى ناسىلدە بولسا، سول ناسىلدەگى قوشقارمەن ۇرىقتاندىرسا بولادى. ۇرىقتاندىرۋدى ءناسىل وزگەرتۋ، ءناسىل جاقسارتۋ جوسپارى بويىنشا جۇرگىزۋ قاجەت. قان الماستىرۋعا تۋرا كەلگەندە، ونىڭ عىلميلىعىنا نازار اۋدارۋ ءتيىس.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
