تىنىس جولى تارالعىش اۋرۋىنان ساقتانىڭىز
2018.12.07 14:32
12 ـ ايدىڭ 3 ـ كۇنى ءتىلشىنىڭ قۇلجا قالالىق اۋرۋدىڭ الدىن الۋ جانە ونى تىزگىندەۋ ورتالىعىنان ۇعىسۋىنشا، قىس كىرىسىمەن تەمپەراتۋرا قاۋىرت تومەندەگەندىكتەن، قالا تۇرعىندارىنىڭ تىنىس جولى تارالعىش اۋرۋلارىنا باسا نازار اۋدارۋ ءارى ونىڭ الدىن الۋ تانىمى جوعارىلاعان.
تارالعىش اۋرۋلار جونىندەگى دوكلاد ـ ينفورماتسيانى باسقارۋ سيستەماسىندا كورسەتىلۋىنشە، جاقىنعى مەزگىلدەن بەرى قۇلجا قالاسىنىڭ سۋ شەشەك سياقتى تىنىس جولى اۋرۋلارى كورنەكتى جوعارىلاعان. قىس ماۋسىمى تارالعىش تۇماۋ، تارالعىش شىقشىت بەزى قابىنۋى، نوعاي ۆيرۋسىندىق ءىش ءوتۋ، نارەستەلەردىڭ ءىش ءوتۋى سىندى تارالعىش اۋرۋلار كوپ تارالاتىن مەزگىل. قالالىق اۋرۋدىڭ الدىن الۋ جانە ونى تىزگىندەۋ ورتالىعى قالا تۇرعىندارىنا وسى سەكىلدى اۋرۋلاردىڭ الدىن الۋدا تارالعىش اۋرۋلاردان ساقتانۋ جانە تىزگىندەۋ جونىندە بەلگىلى ساۋاتقا يە بولۋ كەرەكتىگىن ەسكەرتەدى.
سۋ شەشەك ـ ۇشپالى شەشەك پەن بەلدەۋلەنگەن ۇشىق ۆيرۋسىنان قوزاتىن تىنىس جولى تارالعىش اۋرۋى. ول قىزۋ (دەنە تەمپەراتۋراسى 38 سەلتسي گرادۋستان اسادى)، تۇلا بويىنا قىزىل بورتكەن شىعۋ، كۇلدىرەمە ۇشىق پەن قارا قوتىر بورتپەسى شىعۋ سىندى ەرەكشەلىككە يە. ادەتتە تۇيدەك ـ تۇيدەك بولادى. سۋ شەشەكتىڭ اسەر ەتەتىن وبيەكتىلەرى نەگىزىنەن بالالار باقشاسىنداعى، وقۋ جاسىنان بۇرىنعى جانە وقۋ جاسىنداعى بالالار. سۋ شەشەكتىڭ تارالعىشتىعى كۇشتى، تىنىس جولى نەمەسە كۇندەلىكتى تۇرمىستاعى جاناسۋدان وڭاي جۇعىمدالىپ، ءتۇرلى تارالعىش اۋرۋلارىن كەلتىرىپ شىعارادى.
نوعاي ۆيرۋسىندىق ءىش ءوتۋ: نوعاي ۆيرۋسىندىق قوزدىرعىش سيپاتىنداعى ءىش ءوتۋ بۇكىل دۇنيە ءجۇزى كولەمىندە تارالعان، اۋرۋ ۆيرۋسى تۇتاس جىل بويى تارالادى. دەسە دە، ءار جىلدىڭ 10 ـ ايىنان كەلەسى جىلدىڭ 3 ـ ايى ارالىعىنداعى مەزگىل اۋرۋ ۆيرۋسى ەڭ كوپ تارالاتىن مەزگىل ەسەپتەلەدى. مۇندا كوبىنەسە قۇسۋ، ءىش ءوتۋ سىندى اۋرۋ بەلگىلەرى بولادى. ەرەسەكتەر مەن وقۋ جاسىنداعى بالالاردى نەگىزگى جۇعىمدالۋ وبيەكتىسى ەتەدى. نوعاي ۆيرۋسىنىڭ جۇعىمتالدىعى كۇشتى، ىشەك جولىن نەگىز ەتىپ تارالادى. لاستانعان سۋ قاينارى، ازىقتىق، زات، اۋا ارقىلى دا تارالادى. ادەتتە مەكتەپ، اسحانا، شيپاحانا، بالالار باقشاسى، پاناسىز قارتتار كۇتىمحاناسى جانە اسكەري قوسىن سياقتى ورىندار توپتىق تارالاتىن ورىندار ەسەپتەلەدى. الدا ـ جالدا قۇسۋ، ءىش ءوتۋ سياقتى اۋرۋ بەلگىلەرى بايقالسا دەر كەزىندە ەمدەتۋ كەرەك.
بۇدان تىس، تارالعىش تۇماۋ مەن سۋىق تيۋدەن بولعان تۇماۋ دا وسى مەزگىلدەگى كوپ قوزاتىن اۋرۋ. سوندىقتان جەكە تازالىققا كەپىلدىك ەتىپ، بولمە ءىشى اۋاسىن الماستىرۋ جانە ادام شوعىرى مول الەۋمەتتىك ورىندارعا از بارۋ ـ وسى تەكتەس اۋرۋلاردان ساقتانۋدىڭ نەگىزگى جولى.
قۇلجا قالالىق اۋرۋدىڭ الدىن الۋ جانە ونى تىزگىندەۋ ورتالىعى دا باستاۋىش مەكتەپتەر مەن بالالار باقشاسىنىڭ تارالعىش اۋرۋلارىنان ساقتانۋ قىزمەتىن كۇشەيتىپ، ساقتىق ۆاكسيناسىن قۇيدىرۋ، تاڭەرتەڭگى تەكسەرۋ ءتۇزىمىن تياناقتاندىرۋ، اۋرۋدىڭ الدىن الۋ تانىمىن جوعارىلاتۋ سياقتى شارالار ارقىلى اۋرۋدىڭ تارالۋىن ءونىمدى تىزگىندەپ، جۇعىمدالعاندار سانىن كورنەكتى تومەندەتكەن. «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
