نازار اۋدارىڭىز: مىنا بىرنەشە ءتۇرلى جەمىستىڭ ۇرىعىن ەڭ ابزالى جۇتپاعانىڭىز ءجون
2018.12.10 14:02 كەلۋ قاينارى : حالىق تورابى
حەيلۇڭجياڭ تەلەۆيزياسىنىڭ حابارلاۋىنشا، حۋنان ولكەسى چاڭشا قالاسىنداعى شياۋ مىرزا ماندارين (ءجۇيزى) جەمىسىن جەگەندى ۇناتادى، ول كۇنىنە ون نەشە تال ماندارين جەمىسىن جەيدى، دەگەنمەن، ول جەمىستىڭ ۇرىعىن الىپ تاستاعاندى اۋرە كورىپ، ۇرىعىمەن قوسىپ جەي بەرەدى ەكەن، ول 10 كيلوگرام ماندارين جەمىسىن جەگەن سوڭ، اقىرى ەمحاناعا تۇسكەن. رەنتىگەن سۋرەتى ارقىلى تەكسەرۋ ناتيجەسىنە قاراعاندا، مانداريننىڭ ۇرىعى ونىڭ ىشەگىنە جينالىپ قالعان، جينالعان ۇرىق ىشەكتى بارعان سايىن كەرىپ، قان جەتىسپەۋدەن ىشەكتىڭ ولەتتەنۋىنە اپارىپ سوعۋى مۇمكىن، ەگەر دەر كەزىندە ەمدەلمەسە، قان كەتۋى، ومىرىنە حاۋىپ ءتونۋى مۇمكىن، سوندىقتان دەرەۋ تازالاۋ قاجەت بولعان. جەدەل ەمدەۋ ءۇشىن شيپاگەرلەر ءتىپتى قولمەن دە تازالاعان، قازىر شياۋ چياڭ ومىرىنە تونگەن قاتەردەن اراشالانعان.
كەي ادامدار جەمىستى ۇرىعى بار – جوعىنا قاراماي، قاربىتا اساپ، شالا شايناپ جۇتادى؛ كەيبىرەۋلەر جەمىس ۇرىعىنىڭ حورەكتىك قۇنى جوعارى دەپ قاراپ، ونى تاستاۋدى ىسىراپشىلدىق دەپ ەسەپتەيدى، الايدا، مۇنداي ىستەۋ بەلگىلى دەڭگەيدە قاتەر توندىرەدى! يۇيلين قالالىق 2 – حالىق ەمحاناسى اس قورىتۋ جولى ىشكى اۋرۋلار ءبولىمى مەڭگەرۋشىسىنىڭ ورىنباسارى چىن شىچي مىنانى اتاپ كورسەتتى: داربىز ۇرىعى، ءۇزىم ۇرىعى، شيە ۇرىعى، الما ۇرىعى قاتارلىلاردى بايقاماي جۇتىپ الساڭىز ەشتەڭە ەتپەيدى، ءبىراق، دەنساۋلىققا پايدالى ەكەن دەپ جەمىس ۇرىعىن جۇتساڭىز، ويلاعانىڭىزداي رولى بولماعانىمەن قويماي، دەنساۋلىعىڭىزعا كەسىرى تيۋى مۇمكىن.
1. ءۇزىم ۇرىعى: ءۇزىم ۇرىعىنىڭ حورەكتىك قۇرامى دەنەگە وڭاي سىڭبەيدى، ونى ۇساقتاپ شايناعانمەن دە دەنەگە سىڭەتىن حورەكتىك زاتتىڭ مولشەرى وتە از بولادى، ونىڭ ۇستىنە ءدامى دە اشتى كەلەدى. ۇيتكەنى، ءۇزىم ۇرىعىنداعى كوپ مولشەردەگى تاننين قىشقىلى ءتىلدىڭ، اۋىز قۋىسىنىڭ جانە قىزىل وڭەشتىڭ بەتىندەگى بەلوكتى قاتايتادى.
2. انار ۇرىعى: انار ۇرىعىنىڭ قۇرامىندا كوپ مولشەردە جەمىس قىشقىلى بولادى، بۇل ىشەك پەن اسقازاندى زاقىمداۋى مۇمكىن.
3. شيە: شيە جەمىسىنىڭ ۇرىعىن تالقانداعاندا، شايناعاندا، نەمەسە وعان تەك ازداعان زاقىم جەتكەننىڭ وزىندە سياند قىشقىلى پايدا بولادى. ودان جەڭىل دارەجەدە ۋلانۋ بەلگىلەرى بايقالادى، جۇيەدەن، باس اۋرۋ، باس اينالۋ، ەسىنەن اداسۋ، مازاسىزدانۋ جانە قوبالجۋ، قۇسۋ قاتارلىلار. كوپ مولشەردەگى سياند قىشقىلى تىنىس الۋدىڭ قيىنداسۋىنا، قان قىسىمىنىڭ جوعارىلاۋىنا، جۇرەك قاعىسىنىڭ تەزدەۋىنە جانە بۇيرەكتىڭ السىرەۋىنە سوقتىرادى. مۇنان باسقا رەاكسيا بەلگىلەرى ەسى اۋۋ، قۇرىسۋ قاتارلىلاردى قامتيدى، ەڭ اۋىر بولعاندا تىنىس جۇيەسىنىڭ السىرەۋى سەبەپتى ولىمگە دۋشار ەتۋى مۇمكىن.
ادەتتە بۇلدىرگەن ۇرىعى، سيىربۇلدىرگەن ۇرىعى، ءپاميدور ۇرىعى جانە پيتايا ۇرىعى قاتارلى جەمىس ەتىمەن ارالاسقان ۇساق ۇرىقتاردى جەي بەرۋگە بولادى، تەك بۇل جەمىستەردىڭ ۇرىقتارىن اسقازان قورىتا المايدى. ال، اناناس پەن دۋريان (ليۋليان) جەمىستەرىنىڭ ۇرىقتارىن پىسىرىپ جەسە وتە ءدامدى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
