بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

زامانىمىزداعى جاستاردىڭ باقىتتى سەزىنۋىنە قانداي فاكتورلار ىقپال جاسايدى؟

2018.12.11 15:44     كەلۋ قاينارى : حالىق تورابى

  پارتيانىڭ 19 – قۇرىلتايىنىڭ بايانداماسىندا «حالىقتىڭ قول جەتكىزۋ سەزىمىن، باقىتتى سەزىنۋىن، حاۋىپسىز سەزىنۋىن اناعۇرلىم كۇشەيتۋ، وعان اناعۇرلىم كەپىلدىك ەتۋ، ونى اناعۇرلىم باياندى ەتۋ كەرەك» دەپ اتاپ كورسەتىلگەن. بۇل «ءۇش ءتۇرلى سەزىم» حالىقتىڭ تاماشا تۇرمىسقا تالپىنعان تىلەگىنىڭ جالپى تۇلعالىق جاقتان ايگىلەنۋى. حالىق جۇرتشىلىعىنىڭ قول جەتكىزۋ سەزىمىن، باقىتتى سەزىنۋىن جانە حاۋىپسىز سەزىنۋىن كۇشەيتە الۋ – الماۋدىڭ ءوزى رەفورمانىڭ ءساتتى بولۋى، ياكي، ءساتسىز بولۋىنا ساياتىن نەگىزگى كورسەتكىشكە اينالارى داۋسىز.


  «ءۇش ءتۇرلى سەزىمگە» جان – جاقتىلى فاكتورلار ىقپال ەتەدى، الايدا، قايسى فاكتورلار «ءۇش ءتۇرلى سەزىمگە» ەلەۋلى ىقپال جاسايتىنىن انىق بىلگەندە عانا، حالىقتىڭ «ءۇش ءتۇرلى سەزىمىن» اناعۇرلىم كۇشەيتۋدەگى ماسەلەنىڭ ءتۇيىنىن ءداپ باسقان، اناعۇرلىم ناقتى ءارى اتقارۋعا بولاتىن ۇسىنىس – پىكىر بەرە الامىز.


  جۇڭگو جاستارى گازەتى «جۇڭگو ەرىكتىلەرى» جانە جۇڭگو كوممۋنيستىك جاستار وداعى ورتالىق كوميتەتى رەسمي ميكروبلوگىمەن سەلبەسە وتىرىپ، جاستار اراسىندا «رەفورما جاساپ، ەسىك اشۋدىڭ 40 جىلدىعى» اتتى كولەمدى ساۋالناما قيمىلىن جۇرگىزىپ، «ءۇش ءتۇرلى سەزىمگە» ىقپال ەتەتىن كوپتەگەن فاكتورلارعا ىشكەرىلەي تالداۋ جاسادى، وسى رەتكى ساۋالناما قيمىلى بارىسىندا ايتىلعان فاكتورلار ىشىندە قول جەتكىزۋ سەزىمىنە ەڭ زور ىقپال ەتەتىن فاكتورلار «تۇراقتى قىزمەتتىڭ بولۋى» جانە «كىرىستىڭ جوعارىلاۋى»، باقىتتى سەزىنۋگە ەڭ زور ىقپال ەتەتىن فاكتورلار «قوعامداعى تەڭدىك پەن ادىلدىك» جانە «ادامداردىڭ دەنساۋلىعىنىڭ اقاۋسىزدىعى»، حاۋىپسىز سەزىنۋىنە ەڭ زور ىقپال ەتەتىن فاكتور «بولاشاقتاعى تۇرمىستىڭ قامتاماسىزداندىرىلۋى» ەكەنى بەلگىلى بولدى.


  قول جەتكىزۋ سەزىمىنە ەڭ زور ىقپال ەتەتىن فاكتورلار: «تۇراقتى قىزمەتتىڭ بولۋى» مەن «كىرىستىڭ جوعارىلاۋى»


  بۇل رەتكى ساۋالناما قيمىلىندا قول جەتكىزۋ سەزىمىنە ىقپال ەتەتىن فاكتورلارعا مۇقيات ساراپتاۋ جۇرگىزىلدى. ساندى دەرەكتەرگە قاراعاندا، ساۋالناماعا قاتىناسۋشىلاردىڭ كوبى وتكەن 40 جىلداعى «مەديتسينالىق قىزمەت وتەۋ ورەسىنىڭ» جوعارىلاعانىنا ريزالىق ءبىلدىردى، وسىنداي جاۋاپتى تاڭداعانداردىڭ سانى %88.6 بولدى، ساۋالناماعا قاتىناسۋشىلاردىڭ %86.9ى «تۇرعىن ءۇي شارت – جاعدايى جاپپاي جوعارىلادى» دەگەن جاۋاپتى تاڭدادى، %86.7ى «الۋمەتتىك قامتاماسىزداندىرۋ بۇرىنعىدان اناعۇرلىم سەنىمدى بولدى» دەگەن جاۋاپتى، %84.1ى «وقۋ – اعارتۋ ورەسى جان – جاقتىلى دامىدى» دەگەن جاۋاپتى، %78.8ى «كىرىسىمىز بۇرىنعىدان زور مولشەردە ارتتى» دەگەن جاۋاپتى، %78.5ى «ەكولوگيالىق ورتا قۇرىلىسى اناعۇرلىم ويداعىداي جۇرگىزىلدى» دەگەن جاۋاپتى، «جۇرتشىلىقتىڭ قىزمەتى بۇرىنعىدان اناعۇرلىم ورنىقتى بولدى» دەگەن جاۋاپتى تاڭدادى.


  ىشكەرىلەي تالداۋ جاساۋ بارىسىندا، ءبىز ساۋالناماعا قاتىناسۋشىلاردىڭ قول جەتكىزۋ سەزىمىن تاۋەلدى اينىمالى شاما ەتىپ، قول جەتكىزۋ تانىمىن ايگىلەيتىن ءتۇرلى فاكتورلاردى تاۋەلسىز اينىمالى شاما ەتىپ، كوپ نەگىزدى قايتالامالى تالداۋ جۇرگىزدىك، مودەل مەن ءارقايسى كوەففيتسەنتەر تۇگەل تەكسەرۋدەن وتكىزىلدى. وسىعان نەگىزدەلە وتىرىپ: «تۇراقتى قىزمەت» فاكتورى ساۋالناماعا قاتىناسۋشىلاردىڭ قول جەتكىزۋ سەزىمىنە ەڭ زور ىقپال ەتەدى، «كىرىستىڭ ارتۋى» ەكىنشى ورىندا تۇرادى دەگەن قورىتىندى شىعارۋعا بولادى.


  سوندىقتان، جۇرتشىلىقتىڭ قول جەتكىزۋ سەزىمىن كۇشەيتۋ ءۇشىن، كۇشتى شوعىرلاندىرا وتىرىپ «اناعۇرلىم تۇراقتى قىزمەت» جانە «اناعۇرلىم قاناعاتتانارلىق كىرىس» فاكتورلارىن ازىرلەۋ كەرەك، بۇل شارالاردىڭ ونىمدىلىگى اناعۇرلىم تەز ءارى پارمەندى بولارى داۋسىز.


  باقىتتى سەزىنۋىنە ەڭ زور ىقپال ەتەتىن فاكتورلار: «الەۋمەتتىك تەڭدىك پەن ادىلدىك» جانە «ادامداردىڭ دەنساۋلىعىنىڭ اقاۋسىزدىعى»


  بۇل رەتكى ساۋالناما قيمىلىندا باقىتتى سەزىنۋگە ەڭ زور ىقپال ەتەتىن فاكتورلارعا مۇقيات ساراپتاما جۇرگىزىلدى. وتكەن قىرىق جىلعا بايلانىستى ساۋالناماعا قاتىناسقانداردىڭ %90.6ى «ادامداردىڭ زاتتىق ونىمدەرگە دەگەن قاجەتسىنۋى بۇرىنعىمەن سالىستىرعاندا اناعۇرلىم ويداعىداي قاناعاتتاندىرىلدى» دەگەن جاۋاپتى، %89.4ى «الەۋمەتتىك ءتارتىپ اناعۇرلىم تىنىش بولدى» دەگەن جاۋاپتى، %86.1ى «ەلىمىزدىڭ شەكارا ىرگەسى بۇرىنعىدان كورى اناعۇرلىم تىنىش بولدى» دەگەن جاۋاپتى، %82.6ى «قوعامدا اناعۇرلىم ويداعىداي تەڭدىك جانە ادىلەتتىلىك جاعدايى ورنادى» دەگەن جاۋاپتى تاڭدادى، «ەكولوگيالىق ورتانىڭ كوركى اناعۇرلىم ارتا ءتۇستى» دەگەن جاۋاپتى تاڭداعاندار %80.0، «ادامداردىڭ دەنساۋلىق جاعدايى بۇرىنعىمەن سالىستىرعاندا اناعۇرلىم جاقساردى» دەگەن جاۋاپتى تاڭداعاندار %77.1 بولدى.


  ىشكەرىلەي تالداۋ جاساۋ بارىسىندا، ءبىز ساۋالناماعا قاتىناسۋشىلاردىڭ باقىتتى سەزىنۋىن تاۋەلدى اينىمالى شاما ەتىپ، باقىتتى سەزىنۋىن ايگىلەيتىن ءتۇرلى فاكتورلاردى تاۋەلسىز اينىمالى شاما ەتىپ، كوپ نەگىزدى قايتالامالى تالداۋ جۇرگىزدىك، مودەل مەن ءارقايسى كوەففيتسەنتەر تۇگەل تەكسەرۋدەن وتكىزىلدى. وسىعان نەگىزدەلە وتىرىپ مىناداي قورىتىندى شىعارۋعا بولادى: «الەۋمەتتىك تەڭدىك پەن ادىلدىك» فاكتورى ساۋالناماعا قاتىناسۋشىلاردىڭ باقىتتى سەزىنۋىنە ەڭ زور ىقپال ەتەدى، «ادامداردىڭ دەنساۋلىعىنىڭ اقاۋسىزدىعى» ەكىنشى ورىندا تۇرادى.


  بىلايشا ايتقاندا، وسى ەكى كورسەتكىشتىڭ وزگەرىسى ادامداردىڭ باقىتتى سەزىنۋىنە ەڭ زور ىقپال ەتەتىن ەڭ ماڭىزدى فاكتورلار ەسەپتەلەدى. ەگەر قوعامدا تەڭدىك اناعۇرلىم ويداعىداي ورىن تەۋىپ، قوعام اناعۇرلىم ءادىل بولسا، مەديتسينالىق قىزمەت وتەۋ ورەسى اناعۇرلىم جوعارىلاسا، ادامداردىڭ باقىتتى سەزىنۋى دە زور دارەجەدە كۇشەيۋى مۇمكىن.


  حاۋىپسىز سەزىنۋىنە ەڭ زور ىقپال ەتەتىن فاكتور: «بولاشاقتاعى تۇرمىستىڭ قامتاماسىزداندىرىلۋى»


  بۇل رەتكى ساۋالناما قيمىلىندا حاۋىپسىز سەزىنۋىنە ەڭ زور ىقپال ەتەتىن فاكتورلارعا مۇقيات ساراپتاما جۇرگىزىلدى. وتكەن قىرىق جىلعا بايلانىستى ساۋالناماعا قاتىناسقانداردىڭ %96.2ى «مەملەكەتتىڭ قورعانىس حاۋىپسىزدىگىنە سەنىمدى ەكەنىن» ايقىن ءبىلدىردى، ساۋالناماعا قاتىناسقانداردىڭ %89.5ى «قوعام جاراسىمدى دا ورنىقتى» دەگەن جاۋاپتى، %83.7ى «ءوزىمنىڭ بولاشاقتاعى تۇرمىسمدى قامتاماسىزداندىرۋعا سەنىمىم كامىل» دەگەن جاۋاپتى، %82.4ى «بولاشاقتاعى الەۋمەتتىك تەڭدىك پەن ادىلدىك جونىندە سەنىمىم كامىل» دەگەن جاۋاپتى، %80.7ى «ءادىليا بۇرىنعىمەن سالىستىرعاندا اناعۇرلىم ءادىل بولا ءتۇستى» دەگەن جاۋاپتى، %79.9ى «ەلىمىزدىڭ ءوندىرىس حاۋىپسىزدىگى جاعىندا قولدانعان شارالارى بارعان سايىن جاقساردى» دەگەن جاۋاپتى، %69.4ى «ينتەرنەت حاۋىپسىزدىگى سەزىمى وتە جوعارى» دەگەن جاۋاپتى، %68.3ى «قازىر فينانس ورتاسى وتە حاۋىپسىز» دەگەن جاۋاپتى تاڭداعان.


  ىشكەرىلەي تالداۋ جاساۋ بارىسىندا، ءبىز ساۋالناماعا قاتىناسۋشىلاردىڭ حاۋىپسىزدىك تانىمىن تاۋەلدى اينىمالى شاما ەتىپ، حاۋىپسىزدىك تانىمىن ايگىلەيتىن ءتۇرلى فاكتورلاردى تاۋەلسىز اينىمالى شاما ەتىپ، كوپ نەگىزدى قايتالامالى تالداۋ جۇرگىزدىك، مودەل مەن ءارقايسى كوەففيتسەنتەر تۇگەل تەكسەرۋدەن وتكىزىلدى. وسىعان نەگىزدەلگەندە، مىناداي قورىتىندى شىعارۋعا بولادى: «ءوزىنىڭ بولاشاقتاعى تۇرمىسىن قامتاماسىزداندىرۋعا كامىل سەنۋ» فاكتورى ساۋالناماعا قاتىناسۋشىلاردىڭ حاۋىپسىزدىك سەزىمىنە ەڭ زور ىقپال ەتەدى.


  سوندىقتان، ادامداردىڭ حاۋىپسىزدىك سەزىمىن كۇشەيتۋدە «اناعۇرلىم سەنىمدى الەۋمەتتىك قامتاماسىزداندىرۋمەن» قامداۋعا كۇش سالۋ، جۇڭگوشا الەۋمەتتىك قامتاماسىزداندىرۋ جۇيەسىن جان – جاقتىلى قۇرۋ، جۇرتشىلىقتىڭ بولاشاقتاعى تۇرمىستى قامتاماسىزداندىرۋعا دەگەن سەنىمدىلىگىن جوعارىلاتۋ ارقىلى اناعۇرلىم كورنەكتى ونىمدىلىككە قول جەتكىزۋگە بولادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار