بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تالەيىڭ جانسا تاسىما، باعىڭ تايسا جاسىما

2018.12.14 16:48     كەلۋ قاينارى : حالىق تورابى

  

  1


  قىزمەتتەسىم بەرىك جۋىردا سەرىكتەستىكتىڭ وزىنە جۇكتەگەن مىندەتتەرىن ءساتتى ورىنداپ، سەرىكتەستىككە اجەپتاۋىر پايدا جەتكىزدى. بەرىك سەرىكتەستىكتە بىردەن تانىمالى ادامعا اينالىپ، قىزمەتتەستەردىڭ ءبارى ودان ماقتاۋىن ايامادى، باستىق تا وعان مول سەنىم ارتا باستادى، بۇل ونىڭ كوڭىل كۇيىن تاسىتتى. بىرنەشە كۇن وتپەي جاتىپ، بەرىك باستىقتىڭ كەڭسەسىنە بارىپ، ءوزىنىڭ ەڭبەكاقىسىن جوعارىلاتۋدى تالاپ ەتتى.


  باستىق ءلام – ءميم دەمەستەن بەرىكتىڭ قىزمەتكە قابىلدانعاننان بەرگى ەڭبەكاقى كەستەسىن تاۋىپ شىعىپ، كەستەنى بەرىككە ۇسىنىپ، ودان كەستەدەن نەندەي ماسەلە بايقاعانىن سۇرادى.


  بەرىك كەستەنى جاي عانا ءبىر شولىپ شىقتى تا، نىق سەنىممەن: بۇل كەستەدەن مەن قىزمەت ناتيجەمنىڭ كۇرت جوعارىلاعانىن، بۇل رەتكى قيمىلدى وتە ءساتتى ۇيىمداستىرعاندىقتان، سەرىكتەستىكتىڭ ماعان 3000 يۋان سيلىق اقشا بەرگەنىن بايقادىم، — دەدى.


  باستىق ودان: وندا الدىڭعى بىرنەشە ايداعى احۋالدى قالاي تۇسىندىرەسىڭ؟ — دەپ سۇرادى.


  بەرىك باستىقتىڭ ءسوزىنىڭ ءمانىسىن تۇسىنبەي قالدى، باستىق ءسوزىن جالعاستىردى: الدىڭعى ءتورت ايداعى باعالاۋدا بىرنەشە جەردەن تولىمسىز بولدىڭ، سەن وتكىزگەن قيمىلدان اعاتتىق تۋىلدى، قىزمەتكە قابىلدانعاننان بەرى ەڭبەكاقىڭدى تولىق الىپ كورگەن جوقسىڭ، ەندى، مىنە، ءبىر رەتكى قيمىلدى ءساتتى ۇيىمداستىرعانىڭا بولا ءوزىڭدى كەرەمەت ساناپ تۇرسىڭ.


  سەن ءوزىڭنىڭ قابىلەتىڭ قازىرگىدەن جوعارى ەڭبەكاقى الۋعا لايىق دەپ ويلايسىڭ، الايدا، وسىنىڭ الدىندا سەرىكتەستىكتىڭ جۇمىسىن قانشا جەردەن اقساتقانىڭدى ويلاپ كوردىڭ بە، سەن قىزمەتىڭدى تولىق ورىنداماعاندىقتان، سەرىكتەستىكتەگى بارلىق قىزمەتكەرلەردىڭ ۇستەمە جۇمىس ىستەپ، ءتۇن ورتاسىنا دەيىن جوبا جاساعانىن ويلاپ كوردىڭ بە، بايسالدىلىقپەن تاجىريبە قورىتىندىلاپ، ءوزىڭنىڭ قابىلەتىڭدى جوعارىلاتىپ، ءوزىڭنىڭ ارتىقشىلىعىڭدى ۇزدىكسىز ساۋلەلەندىرۋدى تىپتەن ويلاپ كورمەگەن شىعارسىڭ.


  باستىقتىڭ سىنىنا ۇشىراعان بەرىك قايرىلا ويلانعاندى قويىپ، سەرىكتەستىك ەڭبەكاقىمدى جوعارىلاتپادى دەگەن سىلتاۋمەن سەرىكتەستىكتەگى قىزمەتىن تاستاپ كەتتى، ەستۋگە قاراعاندا، ول ءالى كاسىپسىز ءجۇر ەكەن.


  ءبىر جۇمىستى ءساتتى تىندىرىپ، قاسىڭداعى ادامداردىڭ ءبارى سەنى قولپاشتاعان كەزدە، ءوزىڭدى ءور ساناعان ويلار ساناڭدى ازدىرا باستاعاندا، اسقاقتاۋ مەن داندايسۋدىڭ قۇيىنا باتپاعايسىڭ.


  امالياتتا، ارتىق ماساتتانۋ قادامىڭنان جاڭىلدىرىپ، وڭاي داندايسىتىپ، جولىڭنان اداستىرادى.


  2


  مەن ەكى اۋىز ءسوزىنىڭ بىرىندە ءوزىن كەرەمەت ەتىپ كورسەتەتىن ادامدارعا ەشقاشان قىزىقپايمىن، مىنەزى سالماقتى، ءۇن – ءتۇنسىز قۇلشىناتىن ادامداردى ۇناتامىن. ويتكەنى، اۋىزبەن وراق ورعان ەڭ وڭاي، جۇمىستى بايسالدىلىقپەن ىستەۋ ەڭ قيىن.


  ايگۇلمەن قىزمەتكە شىققاننان كەيىن تانىستىم، بيىل 6 – ايدىڭ باس شەنىندە، سەرىكتەستىك قارجىلىق جاقتا قيىنشىلىققا ۇشىراپ، ءبىراز قىزمەتكەرلەردى بوساتتى، ولاردىڭ اراسىندا ايگۇل دە بار، سەرىكتەستىك ونى قىزمەت قابىلەتى ايتاقالارلىقتاي ەمەس دەگەن سىلتاۋمەن قىزمەتتەن شىعاردى.


  بۇل حاباردى اياق استىنان ەستىگەن كەزدە، وعان جانىم اشىدى، وسى ساتتە ايگۇل ويلاماعان جەردەن مەنى جۇباتىپ: مەيلى، قانداي ساتتە بولسىن، بايىپتى بولعان ءجون، ۇشقالاقتىق جولىڭنان اداستىرادى، — دەدى.


  جۇمىستان بوساتىلعاننان كەيىن ايگۇل ءوزىنىڭ نەلىكتەن ساتسىزدىككە ۇشىراعانىن بايىپتىلىقپەن ويلاندى، ءوزىنىڭ بولاشاعى جايلى تولعاندى، ءوزىنىڭ قابىلەتىن جوعارىلاتۋدىڭ جولىن قاراستىردى. بوس ۋاقىتى بولا قالسا مەنىمەن بىرگە كىتاپ كورەدى، ماقالا جازادى، ول ۇزدىكسىز ۇيرەنىپ، ۇيرەنگەن ءبىلىمدى ۇزدىكسىز قولدانعاندا عانا، شىنايى باسەكەلىك قابىلەتتى ارتتىرۋعا بولادى دەگەن ءسوزدى ۇنەمى ايتادى.


  ول بۇرىن ءوزىنىڭ جاي ىستەردى مەنسىنبەي، قيىن ىستەرگە قابىلەتى جەتپەي، اقىرى وڭباي سۇرىنگەنىن ءتۇسىنىپ جەتتى، بۇل جولى ول اقىرىن ءجۇرىپ، انىق باسىپ، قاي جەردەن جىعىلسا، سول جەردەن قايتا تۇرۋعا بەل بايلادى.


  بايسالدىلىقپەن ىسكە كىرىسكەن ايگۇل 8 – ايدىڭ باسىندا بەلگىلى مەديا سەرىكتەستىگىنە جوبا جاساۋشى بولىپ ورنالاستى. جوبانىڭ ونىمدىلىگىن ەڭ جاقسى دەڭگەيگە جەتكىزۋ ءۇشىن ول ءتۇرلى مىسالداردى وقىپ، كوشەگە شىعىپ تەكسەرۋ جۇرگىزىپ، جازعان جوباسىنىڭ بارعان سايىن جاقسى بولۋىنا كۇش سالدى.


  بۇلت سەيىلسە، كۇننىڭ كوزى جارقىراپ كورىنەدى، ايگۇل تالەيى جانباعان ساتتەردە جاسىمادى، ەلدىڭ سوزىنە كوزسىزدىكپەن ەرمەدى، قايتا بەلسەندى پوزيتسيامەن، ۇمىتكەرلىكپەن العا ۇمتىلىپ، ءوزىنىڭ قابىلەتىن دالەلدەدى.


  3


  كەيبىرەۋلەردىڭ «ويداعىداي قىزمەت تابا الامىن با، ۇلكەن قالادا ورنىعىپ قالا الامىن با، وزىمە ساي كەلەتىن جار تابىلار ما ەكەن ...» دەپ ۋايىممەن كۇن وتكىزىپ جۇرگەنىن ۇنەمى ەستيمىز، نەمەسە كوزىمىز شالادى.


  كەيبىرەۋلەر قيىنشىلىق پەن ساتسىزدىككە جولىققان ساتتەردە: نەگە پالەنىڭ ءبارى مەنى اينالدىرىپ الدى، — دەپ كەيىپ جاتادى.


  ۋايىمنان ەشتەڭە ونبەيتىنىن ءبارىمىز بىلگەنىمىزبەن، كەيبىرەۋلەر بىلە تۇرا وسىنداي تالعاممەن ءوزىن – ءوزى قالىڭ ويدىڭ شۇڭەتىنە بارعان سايىن باتىرادى.


  سۇرىنگەن كەزدە قاپالانبا دا قامىقپا، قايتا ورنىڭنان تۇرۋدىڭ قامىن قىل. ءبىر ءسات تالەيىڭنىڭ جانباعانىنا بولا قاسىرەتتەنىپ، ومىردەن تۇڭىلمە، ونان گورى بايىپتىلىقپەن ءوزىڭ جايلى تولعانىپ، وزىڭدە نە بارىن، وزىڭە نە قاجەت ەكەنىن، قالاي قۇلشىنۋ كەرەك ەكەنىن ويلانعانىڭ ابزال.


  مەن مىناداي ءبىر اۋىز ءسوزدى ۇناتامىن: «ومىردە ادامنىڭ تالەيى وڭىنان كەلمەي قالاتىن ساتتەر بولادى، كۇننىڭ كوزىن ماڭگى بۇلت كولەگەيلەمەيدى دەۋگە بولمايدى، قيىنشىلىق تا ءبىر ادامنىڭ باسىندا ماڭگى تۇرا بەرمەيدى. بىردە تالەيىڭ جانباسا، بىردە ايىڭ وڭىڭنان تۋادى، مۇنىڭ ءبارى، بالكىم، سەن ءۇشىن شىنىعۋدىڭ ورايى بولۋى مۇمكىن. سوندىقتان، تالەيىڭ جانعان كەزدە تاسىما، باعىڭ تايعان كەزدە جاسىما».


  كەلۋ قاينارى: حالىق گازەتىنىڭ ۋيچات تەكشەسى


  اسىلگى كەلۋ قاينارى: ي – ان بيكەش تەكشەسى (ID:chenyian629) اۆتورى: چىن ي – ان


  ەسكەرتۋ: ماقالاداعى ادام اتتارى قازاقشالاستىرىپ الىندى


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار