كەشكى تاماق ىشپەي ارىقتايمىن دەۋ قۇر قيال
2018.12.21 11:05 كەلۋ قاينارى : حالىق تورابى
قازىر كوپ ادامدار ارىقتاۋ ءۇشىن كەشكى تاماق ىشپەيتىن بولدى. كەشكى تاماق ىشپەۋ ارقىلى شىنىندا دەنە سالماعىن جەڭىلدەتۋگە بولادى، ءبىراق، مۇنداي تاسىلمەن دەنەدەگى «ماي» قۇرامىن ەمەس، «سۋ» قۇرامىن جوعالتىپ الاسىز.
كەشكى تاماق ىشپەۋ ارقىلى ماي قۇرامىن ازايتۋ وتە قيىن، دەنە سالماعى ءبىر مەزگىل جەڭىلدەگەنىمەن، قايتا جوعارىلاعان كەزدە سالماقتى جەڭىلدەتۋ ءتىپتى قيىنداسادى. ءبىراق، مۇنداي اقىل – كەڭەس سۇلۋلىق پەن سىمباتقا جانى قۇشتار بوز بالالار مەن بويجەتكەندەردىڭ قۇلاعىنا كىرىپ – شىقپايدى، ولار سىناپ كورمەيمىن بە دەگەن نىسايمەن: «تاماقتى از جەۋ ارقىلى ارىقتاۋعا بولاتىن بولسا، دەنە سالماعىم قايتا جوعارىلاسا تاعى دا تاماقتى ازايتسام بولدى ەمەس پە!» — دەپ ويلايدى. ءىس جۇزىندە، كەشكى تاماقتى جەمەۋ ارقىلى ارىقتاۋعا بولمايدى، اۋەلى ساۋ باسىڭا ساقينا تىلەپ الۋىڭ مۇمكىن.
بىرىنشىدەن، ۇزاق ۋاقىت بويى كەشكى تاماقتى جەمەۋ دەنساۋلىققا ىقپال ەتەدى. اسقازان ۇزدىكسىز قىشقىل ءبولىپ شىعاراتىندىقتان، كەشكى تاماقتى جەمەيتىن ادام اسقازان ويىق جاراسىنا وڭاي شالدىعادى، قۇر ارامتەر بولعانى بىلاي تۇرسىن، اۋرۋ تاۋىپ الادى.
ەكىنشىدەن، تاماقتى تارتا جەۋ نەگىزدىك زات اينالىسىن تومەندەتەدى. نەگىزدىك زات الماسۋ دەگەنىمىز تۇسىنىكتى سوزبەن ايتقاندا، دەنەنىڭ كۇنىنە سارىپ ەتەتىن ەڭ تومەنگى ەنەرگيا مولشەرى دەگەن ءسوز، نەگىزدىك زات الماسۋدى تومەندەتۋ دەنەنىڭ وزىندىك قورعانىسى ەسەپتەلەدى، ەگەر دەنەگە قابىلدانعان ەنەرگيا مولشەرى ازايسا، ادام دەنەسى وتە اقىلدىلىقپەن نەگىزدىك زات الماسۋدى تابيعي تۇردە تومەندەتەدى، كۇندەردىڭ كۇنىندە كەشكى تاماق جەۋدى قالپىنا كەلتىرگەن كەزدە، سارىپ ەتەتىن ەنەرگيا مولشەرى وزگەرمەيتىندىكتەن، ادام دەنەسى قالعان ەنەرگيانى ساقتاپ قالىپ، ونى ماي قۇرامىنا اينالدىرادى. كەيبىرەۋلەردىڭ ءبىر ارىقتاپ، ءبىر سەمىرىپ، ەكى ورتادا ارىپتالاسىپ جۇرەتىنى وسىدان.
كەشكى تاماقتى بابىندا جەۋ ارقىلى ارىقتاۋعا بولادى. بىرىنشىدەن، كەشكى تاماقتى وتە جاي جەمەۋ كەرەك. كەشكى تاماقتى ۇيىقتاۋدان كەمىندە 3 ساعات بۇرىن جەۋ كەرەك، كەشكى ساعات 11دە ۇيىقتايتىن بولساڭىز، ەڭ كەش بولعاندا 8دەن بۇرىن كەشكى تاماق جەۋىڭىز كەرەك، سوندا عانا دەنەڭىز قابىلدانعان ەنەرگيانى سارىپ ەتە الادى. ەگەر تاماقتى وتە جاي جەسەڭىز، جاستىققا باس قويعان كەزىڭىزدە اسقازانىڭىز ءالى اس قورىتۋمەن ابىگەر بولىپ جاتادى، مۇنداي ادەت وڭاي سەمىرتەدى ءارى ۇيقىڭىز دا شالا بولادى. ەكىنشىدەن، كەشكى استى تويا جەمەۋ كەرەك. تاماقتى قارنىڭىز قامپايعانشا جەي بەرمەي، جەتپىس پايىزداي تويعانداي سەزىنگەنىڭىزدە تاماق جەۋدى توقتاتىڭىز.
كۇندىز ادامدار جۇمىسپەن قاربالاس بولاتىندىقتان، تاماقتى اسىقپاي وتىرىپ جەۋگە ۋاقىت جار بەرمەيدى، كەشكى تاماق ۋاقىتى كۇندىزگى تاماق ۋاقىتىنان گورى ۇزاعىراق بولاتىندىقتان، تاماقتى بايقاماي كوپ جەپ قويۋىڭىز مۇمكىن، دەنەگە قابىلدانعان ەنەرگيا ارتىق بولسا، وڭاي سەمىرىپ كەتەسىز. ۇشىنشىدەن، كەشكە مايلى تاماقتى كوپ جەمەگەن ءجون، دەنەگە سىمىرىلگەن ماي قۇرامى كوپ بولسا، قانداعى ماي قۇرامىندا قالىپسىزدىق تۋىلادى، وسىنىڭ سەبەبىنەن ارتەريانىڭ قاتايۋى جانە جۇرەك اۋرۋى تۋىلۋى مۇمكىن. تورتىنشىدەن، تاماق جەۋدىڭ رەتىن ەستە بەرىك ساقتاعان ءجون. سورپا بولسا، الدىمەن سورپا ءىشۋ، سورپادان كەيىن كوكونىس، ەت جەۋ، نەگىزگى ازىقتىقتى (كۇرىش، ءبيداي قاتارلىلاردان جاسالعان) ەڭ ارتىنان جەۋ كەرەك. بەسىنشىدەن، كەشكى تاماقتا مىنالاردى جەسەڭىز ارىقتايسىز: ەگەر، كۇندىز كوكونىستى از جەگەن بولساڭىز، كەشتە كوكونىستى كوبىرەك جەڭىز، قارا كەسەك ەت پەن بالىق ەتىن ۇيلەسىمدى تۇتىنىڭىز، ءتاتتى كارتوپ، كارتوپ، كوكونىس، جەمىس – جيدەك قاتارلى ازىقتىق تالشىعى مول نارسەلەردى جەڭىز.
سۇلۋلىققا ءبارىمىز قۇشتارمىز. دەسەدە، ارىقتايمىن دەپ ءجۇرىپ دەنساۋلىعىڭىزدان ايىرىلىپ قالماڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
