بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كەشكى تاماق ورنىنا جەمىس – جيدەك قانا جەۋ ارقىلى ارىقتاۋعا بولا ما؟

ماماندار بۇلاي ىستەگەندە زات الماسۋدىڭ بۇلىنۋىنە اپارىپ سوعاتىنىن ەسكەرتەدى

2019.01.08 13:20     كەلۋ قاينارى : حالىق تورابى

  كەيدە ارىقتاۋدى اڭساپ جۇرگەن دوس – جاراندارىڭنان كەشكى تاماققا نە جەپ ءجۇرسىڭ دەپ سۇراساڭ، كەشتە تاماقتىڭ ورنىنا جەمىس – جيدەك قانا جەپ جۇرگەنىن ايتادى. كەشكى تاماقتىڭ ورنىنا جەمىس – جيدەك جەۋ ارقىلى ارىقتاۋعا بولا ما؟


  تويتارىس بەرۋشى مامان: بەيجيڭ شيەحى ەمحاناسى حورەكتىك ءبولىمىنىڭ مەڭگەرۋشى شيپاگەرى يۇي كاڭ


  جۋىردا «ءبىر اي بويى كەشكى تاماق ۋاقىتىندا تەك جەمىس – جيدەك قانا جەگەن حاڭجوۋلىق 21 جاستاعى جىگىت ەمحانانىڭ ICU بولىمىنەن ءبىراق شىقتى» دەگەن حابار ۋيچاتتا تارالىپ كەتتى، بۇل كوپشىلىكتىڭ كوڭىل – كۇيىن ەلەڭدەتىپ، جەمىس – جيدەك قانا جەۋ ارقىلى ارىقتاۋعا بولادى دەگەن كوزقاراستى تالاس تاقىرىبىنا اينالدىردى. بۇل حابارداعى 21 جاستاعى جىگىت كەشكى تاماق رەتىندە جەمىس – جيدەك قانا جەگەندىكتەن قانتتى نەسەپ اۋرۋىنا شالدىققانىمەن، مۇنىڭ باسقا دا ايرىقشا سەبەپتەرى بار. دەگەنمەن، ارىقتاۋ ءۇشىن كەشكى تاماقتىڭ ورنىنا جەمىس – جيدەك قانا جەۋ دەگەنىڭىز اقىلعا سيارلىق تالعام ەمەس ەكەنىن ەسكەرىڭىز.


  ءار كۇنى ءۇش ۋاقىت تاماقتى بابىندا جەپ وتىرۋ دەنساۋلىقتىڭ نەگىزى. اس ىشپەي ارىقتاۋ امالى دۇرىس ەمەس، كوكونىس نەگىزگى تاعامنىڭ ورنىن باسا المايدى، جەمىس – جيدەك تە نەگىزگى تاعامنىڭ ورنىن باسا المايدى. جەمىس – جيدەكتى تەك نەگىزگى تاماقتان سىرتقى تولىقتاۋشى رەتىندە جەۋ كەرەك. قازىر بىزگە بەلگىلى بولعان ادام دەنەسىنە قاجەتتى حورەكتىك زاتتاردىڭ سانى 40 نەشە ءتۇرلى، مۇنداي حورەكتىك زاتتاردى ادام دەنەسى ءتۇرلى ازىقتىقتاردان الادى. بەلوك، ماي، كاربوگيدرازا قوسىلىستارى ادام دەنەسى ەڭ كوپ قاجەت ەتەتىن ءۇش ءتۇرلى حورەكتىك زات بولىپ، ماكرو مولشەرلى حورەكتىك زاتتار دەپ اتالادى، بۇل زاتتار ادام دەنەسىندە كەم بولسا بولمايتىن حورەكتىك زاتتار ەسەپتەلىپ، ماڭىزدى فيزولوگيالىق رول اتقارادى. جەمىس – جيدەكتەردىڭ سۋ قۇرامى مول، قانت قۇرامى دا از بولمايدى، الايدا، بەلوك قۇرامى وتە از، ادام دەنەسىنە قاجەتتى ماي قىشقىلى جوققا ءتان، تەك جەمىس – جيدەك جەۋ ارقىلى ادام دەنەسىنىڭ ماكرو مولشەرلى حورەكتىك زاتقا دەگەن قاجەتتىلىگىن قاناعاتتاندىرۋعا كەلمەيدى. سوندىقتان، جەمىس – جيدەكتى جەمەۋگە بولمايدى، از جەۋگە دە بولمايدى، اس ورنىنا جەۋگە دە بولمايدى.


  جەمىس – جيدەكتى نەگىزگى اس ورنىندا جەۋگە بولمايدى، تەك جەمىس – جيدەك قانا جەپ، نەگىزگى تاماقتى جەمەۋ ارقىلى ارىقتايمىن دەگەن كوزقاراس قاتە. مۇنداي تاسىلمەن ارىقتاماقشى بولىپ جۇرگەندەر جەمىس – جيدەكتىڭ ەنەرگيا مولشەرى از دەپ ويلايدى، الايدا، ءىس جۇزىندە مۇنداي ەمەس. جەمىس – جيدەكتىڭ قۇرامىنداعى قانت مولشەرى ءبىرشاما جوعارى بولادى، ونىڭ ۇستىنە، مۇنىڭ ءبارى وڭاي قورىتىلاتىن قانت تەكتەستەر بولىپ ەسەپتەلەدى، ۇقساس سالماقتاعى جەمىس – جيدەكتىڭ قۇرامىنداعى ەنەرگيا مولشەرى كۇرىشپەن سالىستىرعاندا تومەن بولعانىمەن، ۇقساس سالماقتاعى كوكونىسپەن سالىستىرعاندا الدە قايدا جوعارى بولادى، جەمىس – جيدەكتى ۇيلەسىمدى مولشەردە تۇتىنعان ابزال. مۇنان سىرت، ادامدار ادەتتە جەمىس – جيدەكتى بايقاماي كوپ جەپ قويادى، ءدامى ءتىل ءۇيىرىپ تۇرعان جەمىس – جيدەكتى بايقاماي كوپ جەپ قويساڭىز، دەنەگە قابىلداناتىن قانت قۇرامى ارتادى، ناتيجەدە ارىقتاۋدىڭ ورنىنا ونان ارى سەمىرىپ كەتۋىڭىز مۇمكىن، سونىمەن بىرگە، حورەكتىك تەپە - تەڭدىگى بۇزىلۋ سىندى ماسەلەنى تۋىنداتادى. جەمىس – جيدەك جەۋ ارقىلى ارىقتايمىن دەگەن كوزقاراس وتە قاتە ۇعىم بولىپ ەسەپتەلەدى.


  كوكونىس پەن جەمىس – جيدەك ۆيتامين، مينەرالدى زات، ازىقتىق تالشىق جانە فيتوحيميالىق زاتتاردىڭ نەگىزگى كەلۋ قاينارى. كوكونىس پەن جەمىس – جيدەكتىڭ كوپتەگەن ۇقساستىقتارى بولعانىمەن، ولار ۇقساماعان ازىق – تۇلىك تۇرلەرىنە جاتادى، حورەكتىك قۇنى جاعىنداعى باسىمدىلىقتارى ۇقسامايدى. كوكونىستەر، وتە – موتە، ءتۇسى قانىق جاسىل كوكونىستەردىڭ قۇرامىنداعى ۆيتامين، مينەرالدى زات، ازىقتىق تالشىق جانە فيتوحيميالىق زاتتاردىڭ مولشەرى جەمىس – جيدەكتەردەن جوعارى بولادى، سوندىقتان، جەمىس – جيدەكتەر كوكونىستەردىڭ ورنىن باسا المايدى. ەندى ءبىر جاعىنان ايتقاندا، جەمىس – جيدەكتەر كوكونىستەردەن قابىلداۋعا بولمايتىن زاتتاردىڭ ورنىن تولىقتايدى، جەمىس – جيدەكتەردىڭ قۇرامىندا كاربوگيدرازا قوسىلىستارى، ورگانيكالىق قىشقىل، حوش ءيىستى زات مولشەرى كوكونىستەرمەن سالىستىرعاندا كوپ بولادى، ونىڭ ۇستىنە، جەمىس – جيدەك جەۋگە قولايلى، پىسىرۋدىڭ، جىلىتۋدىڭ قاجەتى جوق، پىسىرۋ بارىسىندا حورەكتىك قۇرامى بۇلىنبەيدى، سوندىقتان، كوكونىس دە جەمىس – جيدەكتىڭ ورنىن باسا المايدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار