كۇننىڭ سۋىتۋىنىڭ دەنساۋلىققا جەتى ءتۇرلى پايداسى بار
2019.01.31 14:47 كەلۋ قاينارى : حالىق تورابى
اق كورپەگە ورانعان قىس مەزگىلى ايرىقشا كوركەم بولعانىمەن، ادامدى مەزى ەتەتىن قاقاعان ايازى دا بىرگە كەلەدى، ءبىراق، كۇننىڭ سۋىتۋىنىڭ دەنساۋلىققا پايداسى دا بار. جۋىردا ا ق ش – تىڭ «وقىرمان» جۋرنالى قىس مەزگىلىندەگى كۇننىڭ سۋىتۋىنىڭ دەنساۋلىققا جەتى ءتۇرلى پايداسى بار ەكەنىن قورىتىندىلاپ شىققان.
1. ميدىڭ قىزمەتىن جاقسارتادى. بەلگىلى ءبىر شەشىم جاساۋ ۇستىندە جۇرگەن نەمەسە كوڭىل كۇيىن ورنىقتىرا الماي جۇرگەن ادامنىڭ تەمپەراتۋرا ءبىرشاما تومەن بولعان ورتادا ءوزىن مەڭگەرۋ قۋاتى ءبىرشاما كۇشتى بولادى، بىلايشا ايتقاندا، مۇنداي كەزدە ادام وڭاي البىرتتىققا سالىنبايدى. مۇنان سىرت، ادامداردىڭ جاز كەزىندە كۇردەلى ىستەردى ءبىرجاقتى ەتۋ قۋاتى ادەتتە قىس مەزگىلىندەگىگە جەتپەيدى، مۇنىڭ باستى سەبەبى، ميدىڭ قىزمەتىن قالىپتى اتقارۋىنا گليۋكوزا قاجەت بولادى، تەمپەراتۋرا ءبىرشاما جوعارى بولعان كەزدە، مي اناعۇرلىم مول گليۋكوزانى قاجەت ەتەدى، وسى ارقىلى ميدىڭ ىشكى بولىمىندەگى تەمپەراتۋرانىڭ وتە جوعارى بولىپ كەتپەۋىنە كەپىلدىك ەتەدى، وسى سەبەپتەن ميدىڭ ويلانۋىنا قاجەتتى ەنەرگيا جەتىسپەۋ جاعدايى جارىققا شىعادى.
2. ارتىق جىلۋ مولشەرىن سارىپ ەتەدى. ادام دەنەسىنىڭ قالىپتى تەمپەراتۋراسى ادەتتە ℃37 اينالاسىندا بولادى، تەمپەراتۋرا ءبىرشاما تومەن بولعان كەزدە، دەنە تەمپەراتۋراسىن جانە دەنەدەگى اۋانىڭ ىلعالدىلىعىن ساقتاۋ قاجەت بولادى، بۇل كوپ مولشەردەگى جىلۋدى سارىپ ەتەدى. ا ق ش – تىڭ زەرتتەۋىنە قاراعاندا، نولدەن تومەن ℃5تان نولدەن تومەن ℃10 ارالىعىنداعى ورتادا جاياۋ جۇرگەن كەزدە، نولدەن جوعارى ℃10تىق ورتادا جاياۋ جۇرگەنمەن سالىستىرعاندا، ادام دەنەسى %34 جىلۋ مولشەرىن ارتىق سارىپ ەتەدى.
3. قانداعى قانت قۇرامىن تەجەۋگە پايدالى. تەمپەراتۋرا ءبىرشاما تومەن ورتادا تۇرعان كەزدە، ادام دەنەسىندەگى «سۇر ماي (جىلۋ شىعاراتىن كلەتكا)» اناعۇرلىم بەلسەندى قىزمەت اتقارىپ، قانداعى ارتىق قانت قۇرامىن سىمىرۋگە كومەكتەسەدى. قانتتى نەسەپ اۋرۋى جوق ادامدار جونىنەن ايتقاندا، قايتا – قايتا تومەن تەمپەراتۋرالى ورتاعا شىققان كەزدە، دەنەنىڭ ينسۋليندى ءبولىپ شىعارۋىن قوزدىرۋى اناعۇرلىم بەلسەندى بولادى. كانادانىڭ تورونتو ۋنيۆەرسيتەتىنىڭ زەرتتەۋ ناتيجەسىنە قاراعاندا، جۇكتى ايەلدەر تومەن تەمپەراتۋرالى اۋا رايىندا سىرتتا ارەكەتتەنسە، جۇكتىلىك مەزگىلىندە قانتتى نەسەپ اۋرۋىنا شالدىعۋ ىقتيمالدىعى اۋا رايى جىلى ورىنداعى جۇكتى ايەلدەرمەن سالىستىرعاندا تومەن بولادى.
4. رەاكسيا بەلگىسىن باسەڭدەتەدى. كوپتەگەن ادامدارعا گۇل توزاڭى جاقپايدى، قىستا اۋادا تارالاتىن گۇل توزاڭى ءبىرشاما از بولاتىندىقتان، گۇل توزاڭدارىنا سەزىمتال ادامداردىڭ رەاكسياعا ۇشىراۋ بەلگىسى باسەڭدەيدى. الايدا، ناۋقاس ادامعا زەڭ جاقپايتىن بولسا، وندا قىستا ناۋقاس جاعدايى اۋىرلاسۋى مۇمكىن.
4. ۇيقى جاقسى بولادى. ادام ۇيىقتاعان كەزدە، دەنە تەمپەراتۋراسى ازداپ تومەندەيدى. جاز مەزگىلىندە بۇل بارىسقا ەكى ساعات ۋاقىت كەتەدى. قىستا سىرتقى تەمپەراتۋرا تومەن بولاتىندىقتان، دەنە تەمپەراتۋراسى دا تەز تومەندەيدى.
6. وڭاي جۇعىمدالمايدى. قىستا جۇقپالى تۇماۋ ۆيروسى كەڭىنەن تارالعانىمەن، زەرتتەۋ ناتيجەلەرىنە قاراعاندا، ادام دەنەسىنىڭ يممۋنيتەت جۇيەسى اۋا رايى سۋىق كەزدە تىپتەن بەلسەندى رول اتقارادى، سوندىقتان، جۇعىمدالۋعا توتەپ بەرۋ قۋاتى دا ءبىرشاما كۇشتى بولادى.
7. جۇرەك قىزمەتى ءبىرشاما كۇشەيەتىن بولادى. تەمپەراتۋرا سۋىتقان كەزدە قان اينالىسى باياۋلايتىندىقتان، بۇكىل دەنەگە دەر كەزىندە قان جەتكىزىپ، دەنە تەمپەراتۋراسىن ساقتاۋ ءۇشىن، جۇرەك اناعۇرلىم بەلسەندى قىزمەت اتقارادى. كۇن سۋىقتا سىرتتا ارەكەتتەنۋ ارقىلى جۇرەك قىزمەتىن كۇشەيتۋگە بولادى. كوڭىل بولۋگە تاتيتىنى، ارەكەتتەنگەن كەزدە قان قىسىمى جوعارىلاپ، ميدى وتتەگىمەن قامداۋ مولشەرى تومەندەيدى، سونىمەن بىرگە، بۇل كەزدە جۇرەككە تۇسەتىن سالماق تا ارتادى. جۇرەك – قان تامىر اۋرۋى بار ادامدار قىستا ارەكەتتەنگەن كەزدە اباي بولۋى، شۇعىل ارەكەت جاساماۋى، ارەكەتتەنۋ ۋاقىتى دا وتە ۇزاق بولىپ كەتپەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
