كۇيزەلىسكە ۇشىراتاتىن بەس ءتۇرلى جاعداي
[انگليا] انگليا پسيحولوگيا عىلىمي قوعامىنىڭ سەلبەستىك جونىندەگى ەرەكشە رۇقساتىن العان زەرتتەرمەنى جەنبەي تەرمان / حانزۋشاعا اۋدارعان ۋ چياۋچي / قازاقشاعا اۋدارعان نۇرعيسا قۇرمانجان ۇلى
2019.02.20 13:47 كەلۋ قاينارى : حالىق تورابى
ماڭايىڭىزداعى ادامداردىڭ نەمەسە ءوزىڭىزدىڭ ءجيى جابىرقايتىن بولعانىڭىزدى بايقاعان شىعارسىز. 2000 ەرەسەك ادامعا جۇرگىزىلگەن ساناققا قاراعاندا، ولاردىڭ 62 پايىزى تۇرمىستا بارعان سايىن ۋايىمشىل بولىپ بارا جاتقانىن مويىنداعان. ساۋالناماعا قاتىناسۋشىلاردىڭ 54 پايىزى وتكەن بەس جىل ىشىندە اقشا ءۇشىن ۋايىمداعان؛ قارتتىق (40 پايىز)، سىرتقى كەلبەت (32 پايىز) جانە كاسىپتىك دامۋ (30 پايىز) ءۇشىن ۋايىمداۋ كۇيزەلىستىڭ باستى كەلۋ قاينارى ەسەپتەلەدى، مۇنان سىرت، كۇيزەلىستىڭ مىناداي بىرنەشە ءتۇرلى قوعامدىق سەبەبى بار:
1. سمارتفوننان ايرىلا الماۋ. قازىر سيفرلانعان داۋىردە جاساپ جاتىرمىز، دۇنيە جۇزىندە بولىپ جاتقان ءىرى ىستەردىڭ بارلىعىن قولىمىزداعى سمارتفوننان وقي الامىز. ادامدار اراسىنداعى بايلانىس بۇرىنعىدان گورى قولايلى بولعان سياقتانعانىمەن، ادامدار بۇرىنعىدان دا جالعىزسىرايتىن بولدى. ادامدار سەزىم جۇيەسى ارقىلى — سيپاۋ، كورۋ، يىسكەۋ جانە باسقا تاسىلدەر ارقىلى ءبىر – بىرىمەن بايلانىس جاساۋدى قاجەت ەتەدى، مىسالى: كۇلۋ، اۋەلى دەسەڭىز، جىلاۋدىڭ ءوزى وسىنىڭ قاتارىندا. سيفرلانعان قارىم – قاتىناس بارىسىندا وسىنىڭ بارىنە نەمقۇرايدى قارايتىن بولدىق.
2. «ەكى ءتۇرلى تۇرمىس» وتكىزۋ. كلينيكالىق پسيحولوگتاردىڭ بايقاۋىنشا، كوپتەگەن ادامدار ەكى ءتۇرلى تۇرمىس وتكىزۋدە: ولار ءبىر جاعىنان «باسقالارمەن بىرگە بولعان كەزدە كوڭىلدى كۇي كەشكەن» بەينە كورسەتۋگە تىرىسادى، ەندى ءبىر جاعىنان وڭاشا قالعان كەزدە شاراپ ءىشۋ، استا – توك تاماقتانۋ نەمەسە جۇبايىنىڭ كوزىنە ءشوپ سالۋ ارقىلى كۇيزەلىستەن قۇتىلماق بولادى. مۇنداي ادامدار ۇنەمى ۇزاق ۋاقىت بويى قاربالاس جۇمىس ىستەيتىندىكتەن، كورنەۋدە ءبىر ءتۇرلى، كومەسكىدە ءبىر ءتۇرلى بەينەدە بولىپ، كۇيزەلىستىڭ قۇيىنا بارعان سايىن باتادى.
3. دەنساۋلىعىنان ارتىقشا الاڭداۋ. ادامدار ءوز دەنساۋلىقتارىنان بارعان سايىن الاڭدايتىن بولدى. بۇل ءبىر جاعىنان ءبىزدىڭ دەنساۋلىق جونىندەگى تانىمىمىزدىڭ ارتقانىن كورسەتەدى، دەگەنمەن، دەنساۋلىقتان ارتىقشا الاڭداۋدىڭ ءوزى كۇيزەلىسكە دۋشار ەتۋى مۇمكىن. ەمحانادان ۇنەمى مىناداي ءبىر توپ ادامدى كورەمىز، ولار تەكسەرۋ ناتيجەسى شىعاردان بۇرىن، وزدەرىنىڭ دەنساۋلىعىندا وتە زور ماسەلە بار ما ەكەن دەپ كۇدىكتەنەدى. مىسالى: ۇلكەن – كىشى دارەتىندە بولعان وزگەرىس، تاماقتانعاننان كەيىن اسقازانىنىڭ كەبۋى نەمەسە دەنە سالماعىنىڭ جەڭىلدەۋى، وسى وزگەرىستەرگە قاراپ، ءوزىن ىشەك راگىنا شالدىققان بولۋىم مۇمكىن دەپ قارايدى.
4. «كورەر كوزگە كەمەلدى كورىنۋ» ادامعا قىسىم تۇسىرەدى. ساۋالناماعا قاتىناسقانداردىڭ ۇشتەن ءبىرى سىرتقى كەلبەتىنەن، وبرازىنان ۋايىمدايتىنىن ايتقان. ءبىز قازىر ايگىلى ادامدار مەن تانىمالى ادامدار شوۋى سىندى مادەنيەت وركەن جايعان الەمدە جاساپ جاتىرمىز. مۇنداي مادەنيەت ورتاسىندا جاساعان «قاراپايىم ادامدار» دا جۇرت نازارىنداعى تانىمالى ادامدار سياقتى بولۋدى كوكسەيدى، ادامدار ءوزىنىڭ سىرتقى كەلبەتىنە بارعان سايىن ءمان بەرە باستادى. كوپتەگەن ادامدار ءوزىنىڭ «ەل قاتارى» كەلبەتىن جەك كورەدى، بۇل ونى كۇيزەلىسكە جەتەلەيدى. الەۋمەتتىك جەلى دە وسىنداي كۇيزەلىستى اسقىندىرادى.
5. جاستارعا تۇسەتىن قىسىم بارعان سايىن ارتۋدا. تەكسەرۋ ناتيجەسىنە قاراعاندا، كۇيزەلىس ناۋقاسىنا شالدىققانداردىڭ نەگىزگى ناۋقاس بەلگىلەرى 22 جاستان باستاپ بايقالادى، 32 جاسقا جەتكەن كەزدە ەڭ جوعارى شەككە جەتەدى. بۇل ا ق ش پسيحولوگيا مامانى ەريك ەريكسوننىڭ «پسيحولوگيالىق دامۋدىڭ سەگىز كەزەڭى» نازارياسىنا ساي كەلەدى: ادامدار 20 – 30 جاستا جاقىندىق پەن جالعىزدىق سىندى قوس قىسىمعا ۇشىرايدى. وسى كەزەڭدە ادامدار وزىنە ساي كەلەتىن جار تابۋدى ويلايدى، ەندى ءبىر جاعىنان جۇبايلىق قارىم – قاتىناستى ويداعىداي ساقتاي الماۋ سەبەبىنەن جالعىز ءومىر كەشۋدەن الاڭدايدى.
كۇيزەلىس پەن قىسىمعا ءدوپ كەلگەن كەزدە، مۇنى شەشۋدىڭ جولى كوپ، تەرەڭ تىنىس الۋ، تىنىش دەمالۋ، ارەكەتتەنۋ، باسقالارمەن سىرلاسۋ تاسىلدەرىن كوبىرەك سىناپ كورىپ، ءوزىنە ءونىمدى ءتاسىلدى تابۋى كەرەك، كۇزەلىستى ەلەمەي قويۋعا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
