تەكسەرۋ مىنانى ايگىلەگەن:
بالانىڭ قاجەتىنە نەمقۇرايدى قارايتىن، اتا – انا دارا بيلەيتىن وتباسىنداعى بالالار تور ويىنىنا ءتىپتى دە وتە وڭاي قۇمارتادى
2019.02.27 14:22 كەلۋ قاينارى : حالىق تورابى
شينحۋا تورابى، بەيجيڭ، 2 - ايدىڭ 25 - كۇنى (چىن مىڭياۋ) ورتا - باستاۋىش مەكتەپ وقۋشىلارى توراپقا جانە تور ويىنىنا قالاي قارايدى؟ ولاردىڭ تور ويىنىنداعى ارەكەتتەرى قالاي؟ ولاردىڭ تور ويىنىنا ارالاسۋىنا ىقپال ەتەتىن باستى فاكتورلار قايسىلار؟ نەشە اي تەكسەرىپ - زەرتتەۋ ارقىلى، 2 - ايدىڭ 22 - كۇنى جۇڭگو جاستار مەن ورەندەردى زەرتتەۋ ورتالىعى «ورتا - باستاۋىش مەكتەپ وقۋشىلارىنىڭ تور ويىنى جونىندەگى تانىمىن، پوزيتسياسىن، ارەكەتىن زەرتتەۋ تۋرالى مالىمەتتى» جاريالادى. زەرتتەۋگە قاراعاندا، ورتا - باستاۋىش مەكتەپ وقۋشىلارىنىڭ جەتپىس پايىزدان استامى تور ويىنىن جاقسى كورەدى، توراپ جونىندە جاپپاي ۇنامدى تانىمدا بولعان، ونىڭ ۇستىنە، وقۋ جىلدىقتارىنىڭ جوعارىلاۋىنا بايلانىستى ءتىپتى دە بەلسەندى بولعان.
ۇعىسۋعا قاراعاندا، بۇل رەت «ورتا - باستاۋىش مەكتەپ وقۋشىلارى مەن اتا - انالاردىڭ تور ويىنى جونىندەگى تانىمى جانە پوزيتسياسى تۋرالى زەرتتەۋدە» نەگىزىنەن ناقتى دالەلدەۋ ءتاسىلىن قولدانىپ، ەكونوميكا مەن جان سانى فاكتورىنا نەگىزدەلە وتىرىپ، ەكونوميكالىق وڭىرگە ءبولۋ مەن اكىمشىلىك وڭىرگە بولۋگە ۇشتاستىرىپ، بۇكىل مەملەكەتتەن بەيجيڭ، گۋاڭجوۋ، حىفەي، چىڭدۋ، باۋجي، لياۋنيڭ قاتارلى التى قالانى تاڭداپ الىپ، ءاربىر قالاداداعى تۇرلىشە رايوننان، اۋداننان قالالىق ءۇش مەكتەپ، اۋىل - قىستاقتان ءۇش مەكتەپ تاڭداپ الىپ، نىسانالى ۇلگى الۋ مەن كەزدەيسوق ۇلگى الۋ ارقىلى ورتا - باستاۋىش مەكتەپ وقۋشىلارى مەن اتا - انالاردان ءبىر – بىرلەپ سۇراۋ قاعاز ارقىلى تەكسەرۋ جۇرگىزگەن.
تەكسەرۋدە مىنالار بايقالعان: ورتا - باستاۋىش مەكتەپ وقۋشىلارىنىڭ جارىمىنان كوبى تور ويىنىن جاقسى كورەدى. ولاردىڭ جاقسى كورەتىن تور ويىنى الۋان ءتۇرلى ەرەكشەلىككە يە بولىپ، ونەر باسەكەسى، جارىس ماشينالارى، رەلدىققا ەلىكتەۋ قاتارلى ءۇش ۇلكەن ءتۇر ەڭ ۇناتاتىن تۇرلەرى. بۇدان سىرت، ورتا - باستاۋىش مەكتەپ وقۋشىلارىنىڭ تەك وتىز پرانسەنتتەن كوبىرەگى (%33.3) وقۋ - اعارتۋ سيپاتىندىق ويىندى جاقسى كورەتىن بولىپ، بۇل بارلىق تۇردەگى تور ويىندارعا قاراعاندا سالىستىرمالى تۇردە تومەن بولعان. كوپ ساندى وقۋشىلار باستاۋىش، تولىقسىزدان باستاپ تور ويىنىنا ارالاسىپ، جيىرما پرانسەنتكە جۋىق وقۋشىلار باستاۋىشتىڭ تومەن جىلدىعىنان باستاپ تور ويىنىنا ارالاسقان، سونىمەن بىرگە، كوپ ساندى وقۋشىلار تور ويىننىڭ پايدا - زيانىنا وبيەكتيۆتىك تۇردە قاراي الادى.
ءداستۇرلى جاماعاتتىق حابارلاۋ، قوعامدىق قارىم - قاتىناس مىنبەسى، حابار تەرمينالى مەن جارناما ورتا - باستاۋىش مەكتەپ وقۋشىلارىنىڭ تور ويىنىن بىلۋىندەگى ماڭىزدى جول بولسا كەرەك. الايدا وسى رەتكى سىناقتا بايقالۋىنشا، ورتا – باستاۋىش مەكتەپ وقۋشىلارىنىڭ تور ويىنىنا قاتىستى ينفورماتسياعا يە بولۋداعى ەڭ ماڭىزدى دانەكەرى — قۇرداستارى. ورتا - باستاۋىش مەكتەپ وقۋشىلارىنىڭ سەكسەن پايىزدان استامى (83.8 پايىز) ساباقتاستارى نەمەسە دوستارى ارقىلى تور ويىنى ينفورماتسياسىن تۇسىنەتىن بولىپ، بۇل ءتۇرلى ارنادا مۇلدە باسىم ورىندى يەلەيدى. ءمالىم ماعىنادان الىپ ايتقاندا، تور ويىنى ازامات جاسىنا تولماعانداردىڭ قوعامدىق قارىم – قاتىناس ءتاسىلى. تور ويىنى، كوبىندە، جاستار مەن ورەندەردىڭ قۇرداستارىمەن قارىم - قاتىناس ورناتاتىن جەلىسى بولىپ، ورتا - باستاۋىش مەكتەپ وقۋشىلارى كەيدە ساباقتاستارى نەمەسە دوستارىمەن تور ويىنى جايلى اڭگىمە قوزعاعاندا مۇراتتاستىق جانە باعىنشتىلىق سەزىمدە بولىپ، كەيبىرەۋلەرى ءتىپتى قۇرداستارىنىڭ مويىنداۋىنا يە بولۋ ءۇشىن، تور ويىنىن وينايدى.
تەكسەرۋ ارقىلى، بالالاردىڭ تور ويىنىن ويناۋ ۋاقىتىن بەلگىلەۋ اتا - انالار ەڭ جالپىلىق قولداناتىن باقىلاپ - باسقارۋ ءتاسىلى ەكەنى، اتا - انالار بالالارىنىڭ تور ويىنىن ويناۋىن باسقارۋداعى باستى تاسىلدەرى شەكتەۋ، باقىلاۋدى نەگىز ەتەتىندىگى، سونىمەن بىرگە، نەگىزىنەن ۋاقىتتى جانە جۇمسايتىن قاراجاتتى شەكتەۋ ەكەنى بايقالعان. اشىق ويلى وتباسىندا، اتا - انالار ۇنەمى ءتارتىپ بەلگىلەۋ ءتاسىلىن قولدانادى، ماسەلەن، تور ويىنى ۋاقىتىن بەلگىلەۋ، تور ويىنىن ويناۋ ۋاقىتىن باقىلاۋ، كەيبىر ۇلگىدەگى تور ويىنىن ويناۋعا رۇقسات ەتپەۋ قاتارلىلار. قاۋلا بەيسەن قىزى (پراكتيكانت) اۋدارعان
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
