جۇرەك قىزمەتىنىڭ ناشار بولۋى مىنا توعىز جاقتان بايقالادى
2019.03.21 14:51 كەلۋ قاينارى : حالىق تورابى
جۇرەكتىڭ جۇگى اۋىرلاعان نەمەسە بۇلشىق ەت زاقىمدالعان كەزدە، ونىڭ قاندى ىعىستىرىپ شىعارۋ قۋاتى تومەندەپ، قان شىعارۋ مولشەرى مۇشەلەر مەن تىكانداردىڭ قاجەتىن قاناعاتتاندىرا المايدى، سونىمەن بىرگە ولارداعى قان دا جۇرەككە ءساتتى تۇردە قايتىپ قۇيىلا المايدى، مۇنداي جاعداي جۇرەكتىڭ السىرەۋى دەلىنەدى. ەگەر مىناداي اۋرۋ بەلگىلەرى بايقالسا، جۇرەك قۋاتىنىڭ زاقىمدالعاندىعىن بىلدىرەدى.
ءبىرىنشى، جاتا سالا تىنسى تارايۋ. ناۋقاس ادام شالقاسىنان جاتقاننان كەيىن بىرنەشە مينۋت وتىسىمەن تىنىسى تارايىپ، باسىن كوتەرىپ وتىرعاننان كەيىن ءبىراز باسەڭدەيتىن بولسا، جۇرەكتىڭ السىرەۋى ناۋقاسىنا شالدىققانىنان دەرەك بەرەدى. شالقاسىنان جاتقاندا جۇرەككە قايتاتىن قان مولشەرى كوبەيىپ، تىنىس جولىنىڭ كەدەرگىسى ارتىپ، ناۋقاستىڭ تىنىس جولى تارايادى. بۇل كەزدە دەرەۋ جۇرەك ىشكى اۋرۋلار بولىمىنە بارىپ ەمدەلۋ، سونىمەن بىرگە، وكپە قۋاتىندىق اۋرۋلاردىڭ سەبەبىنەن ەمەس ەكەندىگىن تۇراقتاندىرۋ كەرەك.
ەكىنشى، كەۋدەنى قارا تاس باسىپ تۇرعانداي سەزىنۋ. ادەتتە ايتىلاتىن «كەۋدەنىڭ قىسىلۋى»، ەگەر كوڭىل – كۇي فاكتورى مەن باسقا ىشكى مۇشەلەردىڭ تىنس الۋ جۇيەسىنىڭ قىزمەتىندەگى وزگەرىسىنەن بولماعان بولسا، وندا ناۋقاستىڭ جۇرەك بۇلشىق ەتىنە قان جەتىسپەۋ احۋالى بار دەپ مەجەلەۋگە بولادى. ەگەر جۇرەكتىڭ قىسىلۋى بىرنەشە مينۋت ىشىندە باسىلماسا، ءتىپتى كەۋدە قاتتى اۋىرسا، جۇرەك شانشۋى،شۇعىل حارەكترلى جۇرەك ەتىنىڭ ولەتتەنۋى بولۋى مۇمكىن. مۇنداي كەزدە دەرەۋ 120 عا تەلەفون جالعاپ، تەزدەن جاقىن ماڭداعى ەمحاناعا بارۋ، شارت – جاعدايى جار بەرەتىن جاعدايدا، ازوت قىشقىلدى گليتسەرين تابلەتكاسىن نەمەسە قونىمى تەز جۇرەك قۇتقارۋ ءدارىسى قاتارلى دارىلەردى سورۋى كەرەك.
ءۇشىنشى، كيىم – كەشەك پەن اياق كيىمنىڭ كەنەتتەن تار كەلۋى. كيىم – كەشەك پەن اياق كيىم تار كەلگەندەي بولعاندا، كوپتەگەن ادامدار ءوزىن سەمىرگەن ەكەنمىن دەپ قارايدى، ءبىراق جۇرەك اۋرۋىنا شالدىعۋشى جونىنەن ايتقاندا، بۇل جۇرەك قىزمەتىنەن اقاۋ بايقالعانىن ەسكەرتەدى. جۇرەكتىڭ قان شىعارۋ مولشەرى تومەندەپ، بۇيرەكتەگى قان اعىسى ازايىپ، دەنە سىرتىنا شىعارىلاتىن سۋ قۇرامى ازاياتىندىقتان اياقتىڭ ءىسۋىن، دەنە سالماعىنىڭ ارتۋىن كەلتىرىپ شىعارادى، (اسىرەسە 3 كۇن ىشىندە 2 كيلودان ارتىپ كەتسە)، دەر كەزىندە ەمحاناعا بارىپ كورىنگەن ءجون.
ءتورتىنشى، اسقا تابەتى تارتپاۋ. جۇرەك اۋرۋىنا كىرىپتار بولعان ناۋقاستىڭ اسقا تابەتى تارتپاۋمەن بىرگە، ءىشى كەبۋ، جۇرەگى اينۋ، قۇسۋ، ءىشى قاتۋ، ءىشى اۋىرۋ قاتارلى اۋرۋ بەلگىلەرى بايقالۋى مۇمكىن، مۇنداي جاعدايلار كوبىنەسە جۇرەكتىڭ وڭ جاق بولەگىنىڭ قىزمەتىنىڭ السىرەۋىنەن، اسقازان – ىشەك جولدارىنا قان ۇيۋدان بولادى.
بەسىنشى، باسى اينالۋ. باس اينالۋ كۇندەلىكتى تۇرمىستا كوبىرەك كەزىگەدى، ۇيقىنىڭ ناشارلىعى، مويىن – ومىرتقا اۋرۋى، جوعارى قان قىسىمى قاتارلىلار ۇنەمى كەزىگەتىن سەبەپتەر. ءبىراق، باس اينالعان كەزدە وسىمەن ىلەسە قان قىسىمى دا كورنەكتى تومەن بولسا، جۇرەك قىزمەتىنىڭ ىقپالعا ۇشىراعانىنان بولۋى مۇمكىن، سالماقتى بولعاندا ەسىنەن تانۋ، جۇرەك قاينارىندىق ەسىنەن تانۋ قاتارلى ومىرگە حاۋىپ توندىرەتىن جاعدايلار تۋىلۋى مۇمكىن، مۇنداي جاعدايدا دەرەۋ ەمدەلۋ كەرەك.
التىنشى، مازاسىزدانۋ. قالىپتى ادامداردىڭ مازاسىزدانۋى كوبىندە كوڭىل – كۇيمەن قاتىستى بولادى، ال كەيبىرەۋلەر كوڭىل – كۇيى ورنىقتى كەزدە دە جۇرەگى قىسىلعانداي بولىپ، قوبالجىپ، مازاسىزدانادى، مۇنداي جاعدايدا جۇرەك اۋرۋى بار – جوعىن ويلاستىرۋ كەرەك. جۇرەك سوعۋى تەزدەۋ، جۇرەك ريتىمى بىركەلكى بولماۋ جۇرەك قوبالجۋداعى ۇنەمى كەزدەسەتىن سەبەپتەر بولىپ، كوبىنەسە، جۇرەك قىزمەتىندىك نەمەسە مۇشەدەگى وزگەرىس سالدارىنان بولادى، مۇندايدا ەرتە باستان الدىن الۋ، اۋرۋدىڭ اسقىنىپ كەتۋىنەن ساقتانۋ كەرەك.
جەتىنشى، توقتاماي جوتەلۋ. كوپتەگەن ادامداردا تۇماۋراتقاندا جوتەلۋ، قىزۋ قاتارلى اۋرۋ بەلگىلەرى كورىنەدى، ونىڭ ۇستىنە كۇندىز - ءتۇنى ونشا پارىق بولماستان، ۇقساس جوتەلە بەرەدى. ءبىراق، كەيبىر ادامداردا قىزۋ قاتارلى تۇماۋدىڭ بەلگىلەرى بايقالمايدى، تەك جوتەلى باسىلمايدى، اسىرەسە ءتۇن جارىمىندا، جاتقان كەزدە وتىرعانعا قاراعاندا كوپ جوتەلەدى، مۇنداي جاعدايدا جۇرەك قىزمەتىنىڭ زاقىمدالعان – زاقىمدالماعانىنان ساق بولۋ كەرەك. بۇل بالكىم وكپەگە قان ۇيىپ، تىنىس جولىن تىتىركەندىرىپ، جوتەلگەندە اق كوبىك قاقىرىق، قاقىرىقتا قان جىپشەلەرى بولادى، شۇعىل قوزعالعاندا ءتىپتى قىزعىلتىم كوبىك تارىزدى قاقىرىق پايدا بولادى.
سەگىزىنشى، وڭاي قالجىراۋ نەمەسە ۇنەمى شارشاپ تۇرۋ. جۇرەك اۋرۋىنا شالدىققان كوپتەگەن ناۋقاستاردىڭ اۋرۋى قالجىراۋ نەمەسە وڭاي شارشاۋدان باستالادى، بۇل كوبىنشە جۇرەكتىڭ سول جاعىنىڭ قىزمەتىنىڭ زاقىمدالۋىنان، جۇرەكتىڭ قان ىعىستىرۋ مولشەرىنىڭ تومەندەۋىنەن، سىرتقى تىكانداردىڭ قۇيىلۋىن قاناعاتتاندىرا الماۋدان بولادى.
توعىزىنشى، نەسەپتىڭ از بولۋى ءارى اياقتىڭ ءىسىنۋى. نەسەپتىڭ از بولۋى مەن اياقتىڭ ءىسىنۋى بايقالعاندا، كوپتەگەن ادامدار بۇيرەك قىزمەتىندە ماسەلە بار دەپ قارايدى. ءىس جۇزىندە، جۇرەك قىزمەتى بۇزىلسا، بۇيرەكتىڭ قان اعىسى جەتكىلىكتى بولمايدى نەمەسە اياق - قول ۆەناسىنىڭ قىسىمى وتە جوعارى بولادى دا، نەسەپتىڭ ازايۋى جانە اياقتىڭ ءىسىنۋى تۋىلادى. ۇزاق ۋاقىت بۇيرەككە قان جەتىسپەسە، بۇيرەك قىزمەتى ناشارلاپ، بەلوكتى نەسەپ پايدا بولىپ، قانداعى كراتينين جوعارىلايدى ءارى جۇرەكتىڭ السىرەۋى اۋىرلاسۋ سىندى قاتەرلى اينالىس قالىپتاستىرادى.
جوعارىدا ايتىلعانداي «جۇرەك السىرەۋىن» كورسەتەتىن اۋرۋ بەلگىلەرىنىڭ بىرەۋى نەمەسە بىرنەشەۋى بايقالسا، دەر كەزىندە ەمحاناعا بارىپ ەمدەلگەن ءجون. شيپاگەردىڭ ورنالاستىرۋىنا ساي قاتىستى اۋرۋلار سەبەبىنەن ەمەس ەكەنىن تۇراقتاندىرۋ كەرەك. دياگنوزدى انىقتاعاننان كەيىن ءدارىنى شيپاگەردىڭ ايتۋى بويىنشا ىستەتۋ كەرەك، ءدارىنى ءوز قالاۋى بويىنشا وزگەرتۋگە نەمەسە ءدارى ءىشۋدى توقتاتۋعا بولمايدى. اۋدارعان قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
