تاماشا كوڭىل – كۇيدە بولا وتىرىپ، ومىرگە ءورىس اشا ءبىلىڭىز
جى يۇڭ
2019.04.01 15:26 كەلۋ قاينارى : حالىق تورابى
كوڭىل – كۇيىڭىزدى بارىنشا بابىنا كەلتىرىپ، ونان سوڭ رەال ومىردەگى قۇلشىنىستارعا بەلسەندىلىكپەن ارالاسىڭىز
حابارعا قاراعاندا، جۋىردا «القاۋشىلار توبى» دەگەن جاڭا ءبىر ءسوز مودا بولىپ جاتىر ەكەن. بۇل ءسوزدىڭ ءمانى نە؟ ءىشىنارا جوعارى مەكتەپتەردە وقۋشىلار ۋيچات توبىن قۇرعان، بۇل توپقا كىم قوسىلسا دا، ول قانداي كوڭىلسىز ىسكە جولىقسا دا، ءبارى تۇس - تۇستان ونىڭ كوڭىلىن اۋلايدى ەكەن. كوپشىلىك بىرىنەن – سوڭ ءبىرى سەنىڭ جولىققان كوڭىلسىزدىگىڭدى جاقسىلىققا جەتەلەي «تۇسىندىرەدى»، اقشا قاپشىعىڭىز جوعالدى ما؟ ەمتيحاندا تومەن ءنومىر الىپ قالدىڭىز با؟ تاماشا ورايدان ايىرىلىپ قالدىڭىز با؟ الاڭداماڭىز، بىردەمنەن سوڭ قارا بۇلتتىڭ شەتىنەن قىلت ەتكەن كۇن ساۋلەسىن كورىپ، كوڭىلسىز ءىستىڭ استارىندا جاتقان ورايدى كورەسىز؛ جالعىز بۇل عانا ەمەس، تاعى ءبىر «مىنەۋشىلەر توبى» دا بار ەكەن، ءىسىڭىز قانشالىق ءساتتى بولسا دا، ءبىر توپ ادام جابىلىپ، جۇمىسىڭنان ءمىن تابادى، ولاردىڭ ءسوزىن ءبىراز تىڭداعان سوڭ، ءوزىڭنىڭ تابىستى ساتتەرىڭدى «تۇككە تۇرعىسىز» سەزىنەسىڭ ...
العاش ەستىگەندە قىزىق سەزىلەدى. ويلانىپ كورسەڭىز، بۇل كوڭىل اۋلاۋدىڭ ءبىر ءتۇرلى جاي ءتاسىلى عانا، ازداپ پايداسى بولعانىمەن، ايتارلىقتاي ونىمدىلىگى بولمايتىنى ءشۇباسىز. ەگەر راسىندا كوڭىلسىز ىسكە جولىقساڭىز، بىرنەشە اۋىز سوزگە بولا كوڭىل – كۇيىڭىز جاقسى بولىپ كەتپەيدى. دەگەنمەن، مۇقيات ويلانساق، «القاۋ» مەن «مىنەۋدى» ويداعىداي پايدالانۋدىڭ ءوزى كوڭىل – كۇيدى مەڭگەرۋدىڭ جاقسى ءتاسىلى بولىپ تابىلادى.
ادامنىڭ اقىل – پاراساتى كوڭىل – كۇيدىڭ ىقپالىنا بارىنشا ۇشىرايدى. كۇننىڭ باتقانى مەن گۇلدىڭ سولعانى قامىقتىرادى، كوكتەم كەلىپ، كۇن شۋاعىن شاشقاندا كوڭىل – كۇي كوتەرىڭكى بولادى. كوڭىل – كۇيدى بابىندا ۇستاۋ قىزمەت پەن تۇرمىسقا كومەگىن تيگىزەدى.
ادامنىڭ ەسەيىپ - ەرجەتۋى شابىتتاندىرۋدى قاجەت ەتەدى. ءىشىنارا تابىسقا جەتكەن جاندار تاجىريبەلەرىن قورىتىندىلاپ، «ساتتىلىك ەستەلىگىن» جازىپ وتىرادى، بەلگىلى مەرزىم ىشىندە ءوزىنىڭ ءساتتى ورىنداعان ىستەرىن جازىپ، ءوزىن شابىتتاندىرىپ، بەلسەندى پسيحيكالىق كۇيمەن ءوزىن جەبەپ وتىرادى. قينالعان سايىن ناتيجەلەرى مەن شۇعىلالى ساتتەرىن ەسىنە الىپ، ءوزىنىڭ جىگەرىن جانىپ وتىرادى.
ادامنىڭ ەسەيىپ – ەرجەتۋى قايرىلا تولعانۋدى دا قاجەت ەتەدى. تەك ءوزىن جىگەرلەندىرىپ، كوڭىل – كۇيدى جەلپىندىرگەنمەن، جاقسى حاباردى عانا تىڭداپ، جامان حاباردى تىڭداماسا، بۇل ءوز اعاتتىعىن جاسىرۋ بولىپ ەسەپتەلەدى. «ادام ومىرىندە جاسىماۋى كەرەك، سونىمەن بىرگە، اسىپ – تاسپاۋى دا كەرەك» دەگەن ءسوز بار، بۇل جانى بار ءسوز. ءومىر، بەينە، شوشىرە پىسىرعاندا اندا – ساندا سۋىق سۋ قۇيىپ وتىرعان سياقتى. ءوز ارەكەتىن جونگە سالىپ، وتكەندەگى تاجىريبەلەرىن قايتادان تەكسەرىپ، قاتەلىكتەردى، اۋەلى، ناتيجەنىڭ كولەڭكەسىندە كومەسكىلەنىپ قالعان كەمشىلىكتەردى بايقاپ، دەر كەزىندە تۇزەتىپ وتىرعان ادام ۇلكەن ءىس تىندىرا الادى.
القاۋ مەن مىنەۋ، جىگەرلەندىرۋ مەن قايرىلا تولعانۋ، اينانىڭ ەكى بەتى ءتارىزدى. ەكەۋىنە ورتاق ءبىر ءتۇيىن بار، ول — ءىس ءبىتىرۋ. كوپشىلىك القاعان سوڭ، كوڭىل – كۇيىڭىز جاقسى بولادى، ونان سوڭ شى؟ «سامال سوققاندا ورايدان پايدالانىپ باتپىراۋىق ۇشىر» دەگەندەي، وسىنداي كوڭىل – كۇيمەن جۇمىسقا كىرىسۋ كەرەك؛ قايرىلا تولعانۋ دا وسى سياقتى، تەك ءوزىڭنىڭ كەمشىلىگىڭدى عانا ءبىلىپ، ونى وزگەرتۋگە باتىلىڭ جەتپەسە، ونى سوزباقتاتىپ، يۋان شاۋ سياقتى «امالىڭ كوپ بولعانى مەن باتىلدىعىڭ بولماسا» ونىڭ نە پايداسى بار؟ ويلانۋمەن بىرگە ارەكەتتەنۋ كەرەك، سوندا عانا ويلانۋدىڭ قۇنى بولادى.
مەيلى، ءىرى ىستەر بولسىن، مەيلى، ۇساق ىستەر بولسىن، ادامدا ومىرگە دەگەن دۇرىس كوزقاراس بولۋى، قول جەتكىزگەنى مەن جوعالتقانىنا كەڭ پەيىلدىكپەن قاراي ءبىلۋى، ءوزىنىڭ كوڭىل – كۇيىن مەڭگەرىپ، تاماشا كوڭىل كۇيدى ساقتاي ءبىلۋى كەرەك. ىرىلەتىپ ايتار بولساق، ومىرگە ءورىس سيلاۋ، جەڭسە پاڭدانباۋ، جەڭىلسە شامدانباۋ، كوڭىل – كۇيدى بارىنشا بابىندا ساقتاپ، قۇلشىنا ءتۇسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
