التى جاستان تومەنگى بالالار ەلەكتروندىق بۇيىمداردان اۋلاق بولعانى ءجون
مو پىڭ
2019.04.11 16:33 كەلۋ قاينارى : حالىق تورابى
«قولفونشىلار اۋلەتى» بارعان سايىن تومەن جاستاعىلاردى شارپىعان بۇگىنگى تاڭدا، قولفوننىڭ بالالار دەنساۋلىعىنا جاسايتىن ناشار ىقپالى ءار كىمنىڭ دە نازارىن اۋدارىپ وتىرعانى ءشۇباسىز. جۋىقتا، مەملەكەتتىك دەنساۋلىق ساقتاۋ جانە سالاماتتىق كوميتەتى جاريالاعان بالالار مەن جاس وسپىرىمدەردىڭ الىستى كورە الماۋىنان ساقتانۋ جونىندەگى دەنساۋلىق ساقتاۋ تاربيەسىنىڭ وزەكتى ينفورماتسياسىندا: التى جاستان تومەنگى بالالاردىڭ قولفون جانە كومپيۋتەر ىستەتۋىنەن بارىنشا ساقتانۋ كەرەك. ۇيرەنۋدەن سىرت ۋاقىتتاردا ەلەكتروندىق بۇيىمداردى قولدانۋ سانى ءبىر رەتتە 15 مينۋتتان اسىپ كەتپەگەنى ءجون، ءبىر كۇن ىشىندە ءبىر ساعاتتان اسپاۋى كەرەك. اتا – انالار بالالارىنىڭ الدىندا ەلەكتروندىق بۇيىمداردى از پايدالانۋلارى كەرەك، — دەپ كورسەتىلگەن.
راكەتا ارمياسى ەرەكشە مەديتسينا ورتالىعى بالالار ءبولىمىنىڭ اعا شيپاگەرى لي فاڭ پروفەسسور بىلاي دەيدى: قولفون قاتارلى ەلەكتروندىق بۇيىمداردىڭ بالاعا كوپتەگەن كومەسكى زيانى بار.
1. ميدىڭ جەتىلۋىنە ىقپال كورسەتەدى. بالالار ەلەكتروندىق بۇيىمدارمەن تىم ەرتە ويناسا، ولاردىڭ نازارى بولىنەدى، اقىل – ويىنىڭ جەتىلۋى كەشەۋىلدەيدى، ۇيرەنۋ قابىلەتى تومەندەيدى، تىم البىرت بولادى، ءوزىن تەجەۋ قۋاتىنان ايىرىلادى، اشۋشاڭ مىنەز قالىپتاستىرادى.
2.رادياتسيادان «ۋلانادى». ءارقانداي ەلەكتروندىق بۇيىمدارىڭ رادياتسيالىق اسەرى بولادى، ەرەسەكتەر كۇندەلىكتى ىستەتكەندە ەشقانداي ماسەلە بولماعانىمەن، بالالاردىڭ ميى مەن يممۋنيتەت جۇيەسى جەتىلۋ ۇستىندە بولعاندىقتان، رادياتسيانىڭ اسەرىنە وتە وڭاي ۇشىرايدى.
3. سەمىزدىكتى كەلتىرىپ شىعارادى. ءمالىم زەرتتەۋ ناتيجەسى قولفون مەن تور ويىنى سەمىزدىكتى كەلتىرىپ شىعاراتىنىن دالەلدەگەن، ەگەر بالالار ۇيىقتار الدىندا ەلەكتروندىق بۇيىمداردى ىستەتەتىن بولسا، سەمىزدىكتىڭ تۋىلۋ مولشەرى %30 جوعارىلايدى.
4. ۇيقىسى قانبايدى. تەكسەرۋگە قاراعاندا، ۇنەمى ەلەكتروندىق بۇيىمدارمەن وينايتىن بالالاردىڭ 70 پايىزىنىڭ ۇيقىسى قانبايدى، بۇل ءوسىپ - جەتىلۋىنە ىقپال كورسەتەدى.
5. قۇمارلىق پايدا بولادى. كوپتەگەن جاس اتا – انالار عىلىم - تەحنيكالىق بۇيىمدارعا قۇمار، بالاعا قارايلاۋعا ءسال قارايدى، بۇدان بالانىڭ دا ەلەكتروندىق بۇيىمدارعا قۇمارتۋىن كەلتىرىپ شىعىپ، ولاردى وقۋدان جالىقتىرادى.
6. رۋحاني جاقتاعى ماسەلەلەردى كەلتىرىپ شىعارادى. قولفون قاتارلى ەلەكتروندىق بۇيىمداردى قالىپتان تىس پايدالانۋ، بالالاردىڭ جابىرقاۋ اۋرۋىنا شالدىعۋ قاتەرىن اۋىرلاتىپ، مازاسىزدانۋ، زەيىنى شاشىراۋ، تۇيىقتالۋ قاتارلى ماسەلەلەردى قوسا تۋدىرادى.
7. الىستى كورمەۋ اۋرۋىن كەلتىرىپ شىعارادى. بالالار قولفون، كومپيۋتەر قاتارلى ەلەكتروندىق بۇيىمدارعا ارتىق جۋىق بولسا، دەنە تۇرقى جاعىنان سۇيەكتەرىندە وزگەرىس بولىپ قالماستان، الىستى كورمەۋدى كەلتىرىپ، وتە ەرتە كوزىلدىرىك تاعادى.
قايتكەندە بالالاردى ەلەكتروندىق بۇيىمداردان اۋاشالاۋعا بولادى؟ لي فاڭ بىلاي دەپ ۇسىنىس ءبىلدىردى: التى جاستان تومەن بالالار ەلەكتروندىق بۇيىمداردى، ءسوزسىز، قالىپتى پايدالانۋى كەرەك، قولفوننان ءلاززاتتانۋدىڭ ورنىنا تومەندەگى امالداردى قولدانىپ، بالالاردىڭ نازارىن اۋدارۋ كەرەك.
بالالاردى كوپ ارەكەتتەندىرۋ كەرەك. بالالار ءار كۇنى كەمىندە ءبىر ساعات لايىقتى ارەكەت جاساۋى، اتا – انالار ۋاقىت اجىراتىپ، بالالارمەن بىرگە سەيىل قۇرۋى، دوپ ويناۋى، باقشاعا بارۋى نەمەسە سايران الاڭىنا، حايۋاناتتار باقشاسىنا بارۋى كەرەك. ايتەۋىر، ارەكەت جاساۋعا وتباسىندا كەم بولسا بولمايتىن قيمىل رەتىندە قاراۋ كەرەك.
وتباسىلىق باس قوسۋ ۋاقىتىن بەلگىلەۋ كەرەك. كوپتەگەن وتباسى تاماقتانعاندا تەلەۆيزور كورگەندى ۇناتادى، ءبىراق، استە بۇلاي ىستەۋگە بولمايدى. قايتا وسى ارەدىك ۋاقىتتان پايدالانىپ، بالالارمەن كوبىرەك اڭگىمەلەسۋ كەرەك. بالالارعا بەتپە – بەت اڭگىمەلەسۋدىڭ قاجەتتىگىلىن سەزىندىرۋ ءارى وعان ىنتالاندىرۋ قاجەت.
جاتىن بولمەگە ەلەكتر بۇيىمدارىن قويماۋ كەرەك. قولفون ەكرانىنا از قاراۋدىڭ جاقسى ءادىسى بالالاردىڭ جاتىن بولمەدە قولفون ۇستاۋىن، كومپيۋتەر ويناۋىن شەكتەۋ كەرەك. جاتىن بولمە ولاردىڭ دەمالىپ، تىنىعۋ ورنى بولعانى ءجون.
بەگىلەمە شىعارىپ، ىستەتۋ ۋاقىتىن شەكتەۋ كەرەك. بالالارعا ەلەكتروندىق بۇيىمداردى لايىعىندا قولدانۋدىڭ قاجەتتىلىگىن ۇعىندىرۋ كەرەك. كەيبىر بەلگىلەنگەن ۋاقىتتاردا پايدالانۋدى شەكتەۋ كەرەك، مىسالى، تاماق جەگەندە، دەمالعاندا، تاپسىرما ورىنداعاندا، ت.ب.
كەلۋ قاينارى: حالىق تورابى
جاۋاپتى رەداكتورى : قاۋلا بەيسەن قىزى (پراكتيكانت)
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
