قىزمەت باسىمىنان ارىلۋدىڭ جەتى ءتۇرلى ءتاسىلى
مىندەتتى ناقتىلاندىرۋ، ءبىر - بىرلەپ اتقارۋ، سول ساتتەگى جۇمىسقا نازاردى شوعىرلاندىرۋ، وزىنە سەنۋ
2019.04.16 15:13 كەلۋ قاينارى : حالىق تورابى
ءار كۇنگى ۋاقىتىمىزدىڭ ۇشتەن ءبىرىن قىزمەتپەن وتكىزەمىز، قىزمەتكە بارىپ – قايتۋدىڭ ءوزى – اق ادامدى دىڭكەلەتىپ تاستايتىنى راس. بۇعان اقشا، دەنساۋلىق، بالا تاربيەسى سياقتىلاردى قوسساڭىز، يىقتان ءزىل باتپان قىسىمنىڭ باسقانىن سەزىنەسىز. وتە – موتە، وزىنە جوعارى تالاپ قوياتىندار، باسەكە ۇدەپ تۇرعان سالادا جۇمىس ىستەيتىندەر قىزمەت بارىسىندا زور قىسىمعا ءدوپ كەلەدى. قىزمەتتەگى باسىمنان ادا – كۇدە ارىلامىن دەۋ قيىن، ادەتتە مىناداي بىرنەشە ءتاسىل ارقىلى باسىمدى جەڭىلدەتۋگە بولادى.
1. ناقتى جۇمىسقا كىرىسۋ، بارىنە باس اۋىرتپاۋ كەرەك. ادەتتە كوڭىل – كۇيى ناشارلاپ، وڭاي جابىعاتىن ادامداردىڭ «بار – جوقتى تۇگەل ەسىنە ساقتايتىن» ادەتى بولادى، اتاپ ايتار بولساق، ەستە ساقتايتىن، ويلاناتىن ىستەردى كۇڭگىرت، جالپىلىق سيپاتىمەن بەينەلەيدى، ءدال دە ناقتى تاسىلمەن ىسكە كىرىسپەيدى. مىسالى: «ىستەيتىن ىستەرىم كوپ – اق» دەپ ويلاۋدان ارىلىڭىز، قانداي ناقتى ىستەر ىستەۋ كەرەك ەكەنىن ويلاڭىز، «2000 ارىپتىك ماقالا جازۋىم كەرەك» دەگەن سياقتى. ءىستى ناقتى تۇراقتاندىرۋدىڭ پايداسى، الدىڭىزدا تۇرعان مىندەت شىنايى دا ورىنداۋعا بولاتىنداي كورىنەدى. «2000 ارىپتىك ماقالا جازۋىم كەرەك» دەگەن مىندەت ناقتى، ونى ورىنداۋعا مۇمكىندىك بار. ال، «كوپ جۇمىس» دەگەن ءسوز ابستراكت، كۇڭگىرت، بۇل ءسىزدىڭ ونسىز دا قوبالجىعان كوڭىل – كۇيىڭىزگە «وتقا ماي قۇيعانداي» كەرى ىقپال جاسايدى. سوندىقتان، قاربالاستىقتان ابىرجىعان كەزدە نە ىستەۋىڭىز كەرەك ەكەنىن ناقتى ويلانىڭىز، جالپىلىق سيپات الاتىن، كۇڭگىرت ويلاردان ارىلىڭىز.
2. ءىرى مىندەتتى ۇساق باسقىشتارعا ءبولىپ ىستەڭىز. شيپاگەر سىزگە كۇنىنە 8 ستاكان سۋ ءىشۋدى ەسكەرتتى دەيىك. الداعى 50 جىلداعى سۋ ءىشۋ مىندەتىن قالاي ورىنداۋدى ويلاپ كورىڭىز، الدىڭىزعا ءبىر جولدا 146 مىڭ ستاكان سۋ قويىلادى دا، مۇنى ءىشىپ بولۋدىڭ قيىننىڭ – قيىنى ەكەنىن سەزەسىز. الايدا، ساعات سايىن ءبىر ستاكان سۋ ءىشىپ وتىرۋدى جوسپارلاساڭىز، بۇل مىندەتتى ورىنداۋ وڭايعا تۇسەدى. سول سياقتى، الدىڭىزعا قويىلعان ءىرى مىندەتتى ۇساق باسقىشتارعا ءبولىپ، ءبىر – بىرلەپ ورىنداساڭىز، كوڭىل – كۇيگە تۇسەتىن قىسىىم جەڭىلدەيدى.
3. ءبىر ۋاقىتتا ءبىر عانا ءىستى ىستەڭىز. ءبىر مەزەتتە ءبىر عانا ىسكە نازاردى شوعىرلاندىرىڭىز، ول جۇمىستى تىندىرعاننان كەيىن، باسقا جۇمىسقا مويىن بۇرىڭىز. نازاردى شوعىرلاندىرا المايتىنداردىڭ ويى ون ساققا ءبولىنىپ، مىنا جۇمىستى ءبىر، انا جۇمىستى ءبىر ىستەپ، جۇمىسىنىڭ بەرەكەتى كەتەدى. ەسىڭىزدە بولسىن، ءبىر مەزەتتە ءبىر عانا جۇمىس ىستەڭىز، سوندا ءىسىڭىز ءوندىپ، قىسىمنان ارىلاسىز.
4. مۇلتىكسىز بولۋدى ماقسات تۇتپاڭىز، قاناعات ەتكەننىڭ قايعىسى بولمايدى. ءوز كۇيىنە وبيەكتيۆ، ءىس جۇزىندىككە ساي كەلەتىن دەڭگەيدە قارايتىندار %100 مۇلتىكسىز بولۋدى تالاپ ەتەتىندەردەن گورى قىسىمعا شىدامدى كەلەدى. «مىنسىزدىككە بوي ۇراتىندار» مەن «قاناعاتشىلدار» جونىندەگى زەرتتەۋگە قاراعاندا، ۇنەمى ەڭ جاقسى ناتيجەنى كوكسەيتىن «مىنسىزدىككە بوي ۇرۋشىلار» وڭاي ريزا بولمايدى، ۇنەمى ءارى – ءسارى بولادى، وكىنىشى دە كوپ بولادى. كوكەيدەگى ءۇمىتتى «كەمەلدى دە ءمىنسىز» دەگەن ولشەمنەن «ريزا بولارلىق» دەگەن دەڭگەيگە تومەندەتسەڭىز، قاجەتى جوق قىسىمنان ارىلاسىز.
5. قابىلەتىڭىزدىڭ جوعارىلايتىنىنا سەنىڭىز. كوپتەگەن ادامداردىڭ قىسىمعا دۋشار بولۋىنىڭ قاينار كوزى، ولار قابىلەتىمنىڭ جەتكەن جەرى وسى، ەندى قابىلەتىم وسپەيدى، قۇلشىناتىن ءورىسىم وسىمەن ءبىتتى دەپ قارايدى. تەكسەرۋ ناتيجەسىنە قاراعاندا، ەگەر ادام ءوزىنىڭ قابىلەتى ەندى جوعارىلامايدى دەپ قارايتىن بولسا، وندا ول «جازمىشقا» سەنىپ، قۇلشىنۋ مەن تاباندىلىق كورسەتۋدەن ەشتەڭە ونبەيدى دەپ سەزىنەدى. ەگەر ادام ءوزىنىڭ قابىلەتى ۇزدىكسىز جوعارىلاتىنىنا سەنسە، وندا ول ۋاقىتىن جاڭا نارسەلەر ۇيرەنۋگە، ماسەلەنى بەلسەندىلىكپەن شەشىم ەتۋگە جۇمسايدى، ۋايىمنىڭ شۇڭەتىنە ءتۇسىپ تىقىرشىمايدى.
6. «ءوزىڭىزدى ويداعىداي كورسەتە الماعانىڭىزعا» دۇرىس كوزقاراستا بولىڭىز. ءوزىڭىزدىڭ قابىلەتىڭىزدى ەڭ جاقسى دەڭگەيدە كورسەتە الماعان كەزدە قانداي كوڭىل – كۇيدە بولاسىز؟ قۇلشىنۋدىڭ جەتكىلىكتى بولماۋىنان، قابىلەتتىڭ جەتپەۋىنەن نەمەسە تالەيدەن كورەسىز بە؟ ياكي، بۇل مىندەت ءارقانداي ادامعا دا وڭايعا سوقپايدى دەپ قارايسىز با؟ ەگەر مىندەتتى ورىنداۋدا ساتسىزدىككە جولىققاندا، بارلىعىنىڭ سەبەبىن قابىلەتتىڭ جەتپەۋى دەپ قاراساڭىز، وندا ءوزىڭىزدى دارمەنسىز، امالسىز سەزىنىپ، ۇمىتسىزدەنەسىز؛ ەگەر ساتسىزدىككە ۇشىراۋدىڭ سەبەبىن «مىندەت وتە قيىن» دەپ تۇسىنسەڭىز، وندا وزىڭىزدەن ونشا تۇڭىلىپ كەتپەيسىز، ءبىراق، بارلىق ىسكە نەمقۇرايدى قارايتىن بولىپ قالۋىڭىز دا مۇمكىن؛ ەگەر مۇنىڭ سەبەبىن «دەرلىك قۇلشىنباۋ» دەپ ۇقساڭىز، وندا كۇش سالا قۇلشىنىپ، قيىنشىلىقتاردى جەڭۋىڭىز مۇمكىن.
7. قىزمەتكە وبيەكتيۆ كوزقاراستا بولىڭىز. ەگەر قىزمەتتى بارىنەن جوعارى قوياتىن بولساڭىز، وزىڭىزگە قىسىم ءتۇسىرىپ الاسىز. مىسالى: ءبىر جاس قىزمەتكەر مىندەتتى ورىنداعاندا قوجايىن ريزا بولماسا، ءوزىن جەڭىلۋشى سەزىنىپ، قىزمەتتەن ايرىلىپ قالۋدان، وتباسىنداعىلار مەن دوستارىنىڭ الدىندا باس كوتەرە الماي قالۋدان الاڭداۋى مۇمكىن. شىنتۋايتىندا، قىزمەتتى مۇنشالىق ماڭىزدى ورىنعا قويۋعا بولمايدى، قىزمەتتەن تىس، ءبىزدىڭ تالاپتانۋىمىزعا تاتيتىن ءلاززاتتى ىستەر كوپ. ءبىر مەزگىل وتكەن سوڭ قايرىلىپ قاراساڭىز، كەزىندە اسا زور قىسىم سەزىنگەن مىندەتتىڭ ونشالىق قيىن ەمەس ەكەنىن سەزىنەسىز. قىزمەتكە وبيەكتيۆ كوزقاراستا بولۋ قىسىمدى جەڭىلدەتەدى، وسى ارقىلى بار نازاردى شوعىرلاندىرىپ قىزمەت ىستەۋگە ءتيىمدى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
