2018 – جىلى قانشا كىتاپ وقىدىڭىز
16 – كەزەكتى بۇكىل حالىقتىق كىتاپ وقۋدى تەكسەرۋ ناتيجەسىنە قاراعاندا، ەرەسەكتەردىڭ قاعاز كىتاپ وقۋ مولشەرى ورتا ەسەپپەن 4.67 كىتاپ بولعان
حالىق گازەتىنىڭ ءتىلشىسى جاڭ حى
2019.04.17 14:53 كەلۋ قاينارى : حالىق تورابى
16 – كەزەكتى مەملەكەتتىك بۇكىل حالىقتىق كىتاپ وقۋدى تەكسەرۋ ناتيجەسى 4 – ايدىڭ 16 – كۇنى جاريالاندى. ساندى دەرەكتەرگە قاراعاندا، ەلىمىزدە 2018 – جىلى ەرەسەكتەردىڭ قاعاز كىتاپ وقۋ مولشەرى ورتا ەسەپپەن 4.67 كىتاپ بولعان، ەرەسەكتەردىڭ ەلەكتروندىق كىتاپ وقۋ مولشەرى ورتا ەسەپپەن 3.32 كىتاپ بولعان.
امبەباپ وقۋ مولشەرى جوعارىلاعان، كىتاپ وقيتىنداردىڭ سانى ۇزدىكسىز ارتقان
كامەلەتكە تولماعانداردىڭ كىتاپ وقۋ مولشەرىنەن ايتقاندا، 2018 – جىلى 0 – 8 جاس ارالىعىنداعى بالالاردىڭ كىتاپ وقۋ مولشەرى %68.0 بولىپ، 2017 – جىلعى %75.8تەن تومەن بولعان؛ 9 – 13 جاس ارالىعىنداعى بالالاردىڭ كىتاپ وقۋ مولشەرى %96.3 بولىپ، 2017 – جىلعى %93.2تەن 3.1 پايىز جوعارىلاعان؛ 14 – 17 جاس ارالىعىنداعى جاستار مەن وسپىرىمدەردىڭ كىتاپ وقۋ مولشەرى %86.4 بولىپ، 2017 - جىلعى %90.4تەن تومەن بولعان. 2018 - جىلى ەلىمىزدەگى 0 – 17 جاس ارالىعىنداعى كالەمەتكە تولماعانداردىڭ كىتاپ وقۋ مولشەرى %80.4 بولىپ، 2017 – جىلعى %84.8تەن تومەن بولعان.
حالىقتىق كىتاپ وقۋ مولشەرىن تەكسەرۋ نىسانى گرۋپپاسىنىڭ جاۋاپتىسى شۇي شىڭگو كامەلەتكە تولماعانداردىڭ كىتاپ وقۋ مولشەرىنىڭ تومەندەۋى، بەلگىلى دەڭگەيدەن ايتقاندا، سيفرلى وقۋدىڭ ىقپالىنا ۇشىراعان دەپ قارايدى. ول مىنانى ءبىلدىردى: جۋىرداعى جىلداردان بەرى تەكسەرۋ بارىسىندا بايقاعان بەتالىس، قولفونمەن وقۋ، تاقتا كومپيۋتەرمەن وقۋ سياقتى سيفرلى وقۋ تاسىلدەرى كامەلەتكە تولماندار اراسىندا كۇن سايىن جالپىلاسىپ كەلەدى، قاعاز كىتاپ وقۋ مولشەرى وسىعان بايلانىستى تومەندەۋدە. ول سيفرلانعان وقۋ ەتەك العان بۇگىنگى تاڭدا، قاعاز كىتاپ وقۋ ءالى دە وتە ماڭىزدى دەپ قارايدى، قاعاز كىتاپ وقۋ كامەلەتكە تولمانداردىڭ كىتاپ وقيتىن تاماشا ادەت قالىپتاستىرۋىنا، نازارىن شوعىرلاندىرۋعا جاتتىعۋىنا پايدالى بولىپ، سيفرلانعان كىتاپ وقۋ ءتاسىلى ونىڭ ورنىن باسا المايدى. بالالار قولفون قاتارلى سيفرلى مەديالاردى وتە ەرتە پايدالانسا، كوڭىل اشۋ سيپاتىندىق مازمۇندار مەن ۇساقتانعان وي جەلىسىنىڭ ىقپالىنا وڭاي ۇشىرايدى.
كامەلەتكە تولمانداردىڭ كىتاپ وقۋ مولشەرى تومەندەگەنىمەن، كامەلەتكە تولماعانداردىڭ وقىعان كىتاپ سانى ءالى دە ارتۋدا، 2018 – جىلى ەلىمىزدە 0 -17 جاس ارالىعىنداعى كامەلەتكە تولمانداردىڭ وقىعان كىتاپ سانى ورتا ەسەپپەن 8.91 كىتاپ بولىپ، 2017 – جىلعى 8.81 كىتاپپەن سالىستىرعاندا 0.10 كىتاپ ارتقان.
ساندى مالىمەتكە قاراعاندا، 2018 – جىلى ەلىمىزدە ەرەسەكتەردىڭ كىتاپ، گازەت - جۋرنال جانە سيفرلى باسلىمداردى قامتىعان ءتۇرلى مەديالار ارقىلى امبەباپ وقۋ مولشەرى %80.8 بولىپ، 2017 – جىلداعى %80.3پەن سالىستىرعاندا ءبىرشاما جوعارىلاعان، سيفرلانعان وقۋ تاسىلىنەن (ينتەرنەتتە تىكەلەي وقۋ، قولفوندا وقۋ، ەلەكتروندىق وقىعىش ارقىلى وقۋ، تاقتا كومپيۋتەر ارقىلى وقۋ قاتارلى) پايدالانۋ مولشەرى %76.2 بولىپ، 2017 – جىلداعى %73.0تەن 3.2 پايىز جوعارىلاعان. كىتاپ وقۋ مولشەرى %59.0 بولىپ، 2017 – جىلداعىمەن نەگىزىنەن تەڭ تۇسكەن؛ گازەت وقۋ مولشەرى %35.1 بولىپ، 2017 – جىلداعىدان 2.5 پايىز تومەندەگەن؛ مەرزىمدىك باسىلىمداردى وقۋ مولشەرى %23.4 بولىپ، 2017 – جىلداعىدان 1.9 پايىز تومەندەگەن. سيفرلانعان وقۋ ءتاسىلىنىڭ دامۋى جۇرتشىلىقتىڭ امبەباپ وقۋ مولشەرى مەن سيفرلانعان وقۋ تاسىلىنەن پايدالانۋ مولشەرىن جوعارىلاتقان، كىتاپ وقيتىنداردىڭ جالپى سانى ۇزدىكسىز ارتقان، الايدا، قاعاز كىتاپ وقۋ مولشەرىنىڭ ارتۋى باسەڭدەگەن جاڭا بەتالىس قالىپتاسقان.
كىتاپتى تىڭداۋدى ۇناتاتىنداردىڭ قاتارى مولايدى، ەرەسەكتەردىڭ جارىمىنان استامى سيفرلانعان وقۋعا بەيىم
قولفون مەن ينتەرنەت ەلىمىزدەگى ەرەسەكتەر ءار كۇنى قولداناتىن نەگىزگى مەديا، قاعاز كىتاپتار مەن گازەت - جۋرنالداردى وقۋ ۋاقىتى ازايۋدا. ادامداردىڭ تۇرلىشە مەديالاردى قولدانۋ ۋاقىتى جونىنەن ايتقاندا، ەرەسەكتەردىڭ ءار كۇنى قولفوندى قولدانۋ ۋاقىتى ورتا ەسەپپەن ەڭ ۇزاق بولعان. ەلىمىزدە ەرەسەكتەردىڭ كۇنىنە قولفون قولدانۋ ۋاقىتى كىسى باسىنا ورتا ەسەپپەن 84.87 مينۋت بولىپ، 2017 – جىلداعىدان 4.44 مينۋت ارتقان؛ ءار كۇنى ينتەرنەتتەن پايدالانۋ ۋاقىتى كىسى باسىنا ورتا ەسەپپەن 65.12 مينۋت بولىپ، 2017 – جىلداعىدان 4.42 مينۋت ارتقان؛ كۇنىنە ەلەكتروندىق وقىعىشتان پايدالانۋ ۋاقىتى كىسى باسىنا ورتا ەسەپپەن 10.70 مينۋت بولىپ، 2017 – جىلداعىدان 2.58 مينۋت ارتقان؛ 2018 – جىلى كۇنىنە تاقتا كومپيۋتەردەن پايدالانۋ ۋاقىتى كىسى باسىنا ورتا ەسەپپەن 11.10 مينۋت بولىپ، 2017 – جىلداعىمەن سالىستىرعاندا 1.51 مينۋت ازايعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
