6 جاستان بۇرىن ءمورال تاربيەسىنە ءمان بەرۋ كەرەك
2019.05.06 15:46 كەلۋ قاينارى : حالىق تورابى
حالىق تورابى، 5 – ايدىڭ 6 – كۇنى، بەيجيڭ. الەۋمەتتىك ورتا − ءمورال سىنعا تۇسەتىن جەر. توراپتا مىنانداي ءبىر بەينە تارالىپ ءجۇر: مەترودا ءبىر كىشكەنتاي ۇل بالا سيىر ءسۇتىن ءىشىپ بولعان سوڭ قالبىرىن لاقتىرا سالادى، ونان سوڭ قارقىلداپ كۇلىپ، مەتروداعى ىلگىشتى ۇستاپ ارلى – بەرلى تەربەلىپ وينايدى؛ وسى كەزدە قاسىندا وتىرعان، بالا كوتەرگەن باسقا ءبىر انا ٶزىنىڭ بالاسىنىڭ ءتاتتى ۇيقىدا جاتسا دا، بۇل بالانىڭ ورىندىقتى اياعىمەن باسىپ بىلعاپ تاستاماۋى ءۇشىن ٶزى اسىنعان سومكاسىن بالانىڭ استىنا سالادى. بارلىعى دا بالا ەرتكەن بولسا دا، ەكى ءتۇرلى ۇقساماعان «وتباسى تاربيەسىنىڭ» بەينەسى.
ادامدار ۇنەمى « اكەگە قاراپ ۇل وسەر، شەشەگە قاراپ قىز وسەر» دەپ ايتادى، جۇڭگو عىلىم اكادەمياسى پسيحولوگيا زەرتتەۋ ورنىنىڭ پسيحولوگيالىق اقاۋسىزدىق قولدانبالى ورتالىعىنىڭ پسيحولوگيالىق كەڭەسشىسى جىڭ ليدىڭ ويىنشا، بۇل ءسوزدىڭ ەرەكشە جانى بار، بالا دەگەن اتا – انانىڭ «كوشىرمەلى نۇسقاسى» دەۋگە بولادى، ولاردىڭ بويىنان ۇنەمى اتا – اناسىنىڭ ساپاسى كورىنىپ تۇرادى. 0 جاستان 6 جاس ارالىعى بالا پسيحولوگياسىنىڭ قالىپتاساتىن ماڭىزدى كەزەڭى، اتا – انانىڭ قوعامدىق ولشەمگە قۇرمەت ەتۋ – ەتپەۋى بالاعا ەرەكشە ۇلكەن اسەر ەتەدى. ويتكەنى بۇل مەزگىلدە بالا اتا – اناسىن ۇلگى تۇتادى، اتا – اناسىنىڭ ءىس – ارەكەتىن باقىلايدى، سونداي – اق سوعان ەلىكتەيدى. سوندىقتان اتا – انا بولعان ادام بالانىڭ ساپالى ءمورال تاربيەسىنە ەرەكشە ءمان بەرۋى كەرەك، كىشكەنەسى داستارقان باسىنداعى يبالىقتان تارتىپ، ۇلكەنى قيىنشىلىققا ءتوزىمدى بولۋ، ۇلكەندى قۇرمەتتەپ، كىشىنى ايالاۋ دەگەن سياقتىلاردى قامتيدى. اتا – انا بولعان ادام بالانىڭ الدىندا ٶزىن ونەگەلى ۇستاپ، ٵرقانداي كەزدە باسقالاردىڭ قامىن ويلاۋى كەرەك، ويلامان جەردەن ءبىر ىزگى نيەتتى ارەكەت ىستەۋ ارقىلى بالانى تاربيەلەي ءبىلۋى كەرەك. تومەندەگى ەكى ءتۇرلى ارەكەتتى بالانى تاربيەلەۋگە پايدالانۋعا ۇسىنامىز.
1. ٶز كوڭىل كۇيىن مەڭگەرە ءبىلۋ. 0 جاستان 6 جاس ارالىعىنداعى بالا كوڭىل كۇيىن جاسىرعاندى بىلمەيدى، كوڭىلسىز بولسا جىلايدى، قۋانسا كۇلەدى، ەگەر وسى كەزدە ولارعا ٶز كوڭىل كۇيىن مەڭگەرە ءبىلۋدى ۇيرەتپەسەڭىز، وقۋعا تۇسكەننەن كەيىن وڭاي توبەلەسەتىن، وقۋعا بارۋدان باس تارتاتىن جاعدايلار بولادى. بالانىڭ كوڭىل كۇيىن مەڭگەرۋ مۇمكىندىگى ۇلكەن جاقتان ٶزىنىڭ اتا – اناسىنا ەلىكتەۋدەن بولادى، اسىرەسە اناسىنىڭ جۇمىستاردى ءبىر جايلى ەتۋ امالى. سوندىقتان اتا – انا بالانىڭ الدىندا ٶزى كوڭىل كۇيىن مەڭگەرە الماعاندا «ەسكە الۋ جاتتىعۋىن» ىستەۋى كەرەك، بار ويىن تىنىس الۋعا اۋدارىپ، ٶزىن اقىرى – اقىرىن تىنىشتاندىرىپ العان سوڭ بارىپ بالامەن سويلەسۋى كەرەك.
2. بالانىڭ قاتەلىگىن ۋاعىندا توقتاتۋ كەرەك. بالا ٶسۋ بارىسىندا قاتەلىك وتكىزۋدەن اۋلاق بولا المايدى، اتا – انا بالانىڭ قاتەلىگىنە اقىلمەن تالداۋ جاساۋ كەرەك، سونداي – اق ۋاعىندا تاربيەلەۋ كەرەك. ماسەلەن، تۇرمىستا بالا ەركەلىكپەن قالايماقان ىستەر ىستەگەندە، ادامدارعا ادەپسىزدىك بايقاتقاندا اتا – انا ءبىرىنشى بولىپ تيۋ كەرەك، سونداي – اق ولارعا قاي جەرىنىڭ قاتە بولعاندىعىن، نە ءۇشىن ۇرىسقاندىعىن، ٵسىلى قالاي ىستەگەندە دۇرىس ەكەندىگىن ايتۋى كەرەك. ەگەر اتا – انا بالانىڭ كىشكەنتاي تەنتەكتىگىن، كىشكەنتاي قاتەلىگىن ەلەڭ قۇرلى كورمەسە، بالانى باسقارۋ بارعان سايىن قيىن بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
