مىنانداي ادەتتەردىڭ اسقازانىڭىزدى زاقىمدايتىنىن بىلەسىز بە؟
اسقازان، ىشەكتى قورعاۋدى كۇندەلىكتى تۇرمىستان باستاۋ كەرەك
ليۋ جيالين
2019.06.04 16:08 كەلۋ قاينارى : حالىق تورابى
حالىق تورابى، 6 – ايدىڭ 4 – كۇنى، بەيجيڭ. قازىرگى ادامدار قوناعاسىعا كوپ بارادى، ۇنەمى ۋاقىتىندا تاماق ىشە المايدى، كوپتەگەن ادامدار اسقازان – ىشەك اۋرۋلارىنا شالدىققاندىعىن وزدەرى دە بايقاماي قالادى. اسقازان – ىشەك اۋرۋلارىنىڭ العاشقى مەزگىلدە قانداي بەلگىلەرى بار، قانداي جاعداي اسقازانعا ءبىرشاما زياندى ەسەپتەلىنەدى؟ ءبىز كۇندەلىكتى تۇرمىستا قالاي ىستەۋىمىز كەرەك؟
حەيلۇڭجياڭ ولكەسى حاربين شۇعىل قۇتقارۋ ورتالىعىنىڭ اس قورتۋ ىشكى اۋرۋلار ءبولىمى مەڭگەرۋشىسىنىڭ ورىنباسارى سۇن پىڭ حالىق تورابىنىڭ جۇڭگوعا عىلىم جالپىلاستىرۋ اتىنداعى ايدارشاسىنىڭ سۇحباتىن قابىلداعاندا بىلاي دەپ تانىستىردى: اسقازان – ىشەك اۋرۋلارىنا شالدىققان ادامداردا ۇنەمى زاپىران قۇسۋدان جۇرەك سوعۋ، كەكىرۋ، ەنتىگۋ، ءىشى كەبۋ، قۇسۋ، ءىشى ٶتۋ، اسقازانى قىشقىلداۋ، اسقازانى اۋرۋ، سونداي – اق اس قورتۋدىڭ ناشارلاۋى سياقتى جاعدايلار بايقالادى، جاڭا باستالعاندا اندا – مۇندا جايسىزداپ قالاۋ جاعدايى بايقالادى، اۋرۋدىڭ اسقىنۋىنا ىلەسىپ، اتالعان جاعدايلار اۋىرلاسا تۇسەدى. سوندىقتان، جوعارىداعى جاعدايلار بايقالعاندا ناشار ازىقتانۋ ادەتىن دەرەۋ وزگەرتۋ كەرەك، قاجەت كەزىندە شيپاحاناعا بارىپ شيپاگەرگە كورىنىپ، قاتىستى تەكسەرۋلەر جۇرگىزىپ ، ۋاعىندا ەمدەلۋ كەرەك.
تۇرمىستا قانداي ارەكەتتەر مەن تۇرمىس ادەتتەرى اسقازانعا ءبىرشاما زياندى؟ سۇن پىڭ مىنانداي بىرنەشە جاعدايدى مىسالعا كەلتىردى:
1. ابىرجۋ. قاتتى ابىرجۋ، مازالانۋ، اشۋلانۋ سياقتى ناشار كوڭىل كۇيلەر نەرۆ تەڭشەۋ جۇيەسىنە اسەر ەتىپ، اسقازان – ىشەك فۋنكتسياسىنىڭ بۇزىلۋىن كەلتىرىپ شىعارادى.
2. ازىقتانۋدىڭ رەتسىز بولۋى، اقاۋسىز بولماۋى. كوپتەگەن ادامدار ازىقتانۋدىڭ رەتىنە كوڭىل بولمەيدى، ۇنەمى بىردە توق، بىردە اش جۇرە بەرەدى. اش كەزدە ازىقتىق از بولعاندىقتان اسقازان قشقىلى مەن باسقا دا فەرمەنت قاتارلىلاردىڭ قويۋلىعى ءبىرشاما جوعارى بولادى، كىلەگەي قابىق وڭاي وزدىگىنەن قورىتىلادى. ارتىق تويا جەپ، تويا ءىشۋ دە اسقازاننىڭ ٶزىن قورعاۋ مەحانيزمىن وڭاي ءبۇلدىرىپ، اسقازاندى زاقىمدايدى. تاعى دا كوپتەگەن ادامدار اشتى جانە سۋىق ازىقتىقتاردى جەگەندى ۇناتادى، مۇنداي تىتىركەندىرگىش ازىقتىقتار اسقازان كىلەگەي قابىعىن قاتتى زياندايدى.
3. ازىقتانۋدىڭ تازا بولماۋى. كوپتەگەن زەرتتەۋلەر، قارىن قاقپاقشاسى تاياقشا باكتەرياسى اسقازان – ىشەك اۋرۋلارىن كەلتىرىپ شىعاراتىن سەبەپ ەكەندىگىن دالەلدەدى، ال مۇنداي باكتەريالار ىدىس – اياق، ءسۇيىسۋ قاتارلى جولدار ارقىلى تارالادى. مۇنان سىرت، سىرتتان الدىرعان تاماق پەن كوشە بويىنداعى كوپتەگەن ازىقتىقتار دەرلىكتەي تازا ەمەس، جەگەننەن كەيىن اسقازاندى وڭاي زاقىمدايدى.
ەندەشە، كۇندەلىكتى تۇرمىستا قالاي ىستەگەن ءجون؟ سۇن پيڭنىڭ كوپشىلىككە بەرگەن كەڭەسى تومەندەگىدەي:
1. ءۇش ۋاقىت تاماقتى ۋاعىندا جەۋ، تاماقتى قالىپتى جەۋ. مەيلى قانشا قاربالاس بولساق تا ۋاقىت شىعارىپ تاماق جەۋىمىز كەرەك. ءۇش ۋاقىت تاماقتى جەگەندە وتە تەز جەمەۋ، جارىم ساعات مولشەرىندە 70 پايىزداي عانا تويا جەۋ ەڭ دۇرىس. تاماق جەگەندە ابدەن شايناپ جەۋ كەرەك، ايتپەگەندە اسقازاننىڭ اۋىرتپالىعى ارتادى.
2. اقاۋسىز تاماقتانۋ كەرەك. تاماقتى ۇنەمى سىرتتان الدىرىپ جەۋ، ۇنەمى قاقتاعان تاعامداردى جەۋ سياقتى ازىقتانۋ ادەتى بولسا، وندا اسقازان اۋرۋلارى سىزگە قاراي جاقىنداپ كەلەدى دەۋگە بولادى. ادەتتە جەڭىل تاعامداردى نەگىز ەتۋ كەرەك، كوكونىس، جەمىس – جيدەكتەر اسقازاندى قورعاۋدىڭ «تاپتىرماس داۋاسى»، سونىمەن بىرگە ءبىز ازىقتىقتاردىڭ كوپ ءتۇرلى بولۋىنا دا كوڭىل ءبولۋىمىز كەرەك، كوجە – كولمەكتى كوپ ءىشۋ اسقازانعا پايدالى ەكەندىگىن ەسكەرۋىمىز كەرەك.
3. تازالىققا ءمان بەرۋ كەرەك. بۇرىنعىلاردىڭ «اۋرۋ استان» دەگەن ءسوزى بار، اسىرەسە، قارىن قاقپاقشاسىنىڭ تاياقشا باكتەرياسىنىڭ جۇعىمدالۋى ەرەكشە جوعارى. تاماقتانۋدىڭ الدىندا قولدى سابىنداپ جۋۋ كەرەك، سىرتتان تاماقتانعا دا تازالىعى جاقسى اسحانانى تاڭداۋ كەرەك، وسىلاي بولعاندا عانا دەنساۋلىق اقاۋسىزدىعىنا كەپىلدىك ەتۋمەن بىرگە، قارىن قاقپاقشاسى تاياقشا باكتەرياسىنىڭ جۇعۋىنان ساقتانۋعا بولادى.
4. كوتەرىڭكى كوڭىل كۇيدى ساقتاۋ. ٵرقانداي ىسكە جولىققاندا بەلسەندى كوڭىل كۇيدى ساقتاۋ كەرەك، وتە ابىرجىپ كەتۋدىڭ قاجەتى جوق. سونىمەن بىرگە جاقسى داعدى قالىپتاستىرىپ، جاي ۇيىقتاماۋ، لايىقتى دەنە شىنىقتىرۋ، جۇمىس پەن دەمالىستى ۇشتاستىرا ءبىلۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
