بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بەس جاستان اسپاعان بالالاردىڭ قۇرامىندا قوسپاسى بار ءسۇتتى ىشپەگەنى ءجون

■  جۇڭگو اۋىل شارۋاشىلىعى ۋنيۆەرسيتەتى ازىق – تۇلىك عىلىمى جانە قورەكتىك ينجەنەرياسى ينستيتۋتىنىڭ دوتسەنتى جۋ ي

2019.11.12 13:08     كەلۋ قاينارى : حالىق تورابى

  جۋىردا، ا ق ش جۇرەك اقاۋسىزدىعىن زەرتتەۋ بىرلەستىگى ا ق ش قورەكتىك عىلىمي قوعامى، ا ق ش بالالار ءتىس اۋرۋى قوعامى، ا ق ش بالالار اۋرۋلارى عىلىمي قوعامىمەن بىرلەسە وتىرىپ، انا ءسۇتى، نارەستەلەرگە ارنالعان ءسۇت تالقانى، سۋ جانە ءسۇت قاتارلىلاردى نەگىز ەتە وتىرىپ، بالانىڭ جاسى نەگىزىندە (تۋعاننان تارتىپ 5 جاسقا دەيىن) ءبىرقىدىرۋ سۋسىندىقتاردى قالاي تۇتىنۋ جونىندە ۇسىنىستى ورتاعا قويدى.

  ۇسىنىستا بىلاي دەلىنگەن: جاڭا تۋعان نارەستەلەردەن تارتىپ، 6 ايلىق نارەستەلەرگە، تەك انا ءسۇتى مەن نارەستەلەرگە ارنالعان ءسۇت تالقانى بولسا جەتەرلىك؛ 6 ايلىقتان 12 ايلىققا دەيىنگى نارەستەلەرگە، انا ءسۇتى مەن نارەستەلەرگە ارنالعان ءسۇت تالقانىنان سىرت، قوسىمشا جەمەكتىكتەردى بەرۋگە تۋرا كەلەدى، بۇل شاقتا نارەستەگە از مولشەردە سۋ ىشكىزسە بولادى، تاماق بەرگەن كەزدە بىرنەشە ۇرتتاسا بولعانى. ءبىر جاستان تومەنگى بالالارعا جەمىس شىرىنىن ىشكىزبەگەن ابزال؛ ءبىر جاستان ەكى جاسقا دەيىنگى ارالىقتاعى بالالارعا، مايىن ارىلتپاعان ءسۇت پەن ادەتتەگى اۋىز سۋدى بەرۋگە بولادى. %100تىك جەمىس شىرىنىنان از مولشەردە ىشكىزۋگە بولادى، دەسەدە، ەگەر جەي السا ءبىر تىستەم جەمىستى تىكەلەي جەسە ءتىپتى جاقسى؛ 2 جاستان 5 جاسقا دەيىنگى بالالارعا، سيىر ءسۇتى مەن سۋ ەڭ قاجەتتى سۋسىندىق ەسەپتەلەدى، قوسپالى ءسۇت ونىمدەرىن، وسىمدىكپەن قاتىستى، سۇتتەن جاسالماعان سۋسىندىقتاردى، كوفە قۇرامى بار سۋسىندىقتاردى، ءتاتتى قۇرامى بار جانە تومەن ەنەرگيالى ءتاتتى سۋسىندىقتاردى ىشكىزبەگەن ابزال.

  ۇسىنىس مازمۇنىنىڭ ماڭىزدى پايدالانۋ ءمانى بار. مىسالى، ءبىر جاستان اسپاعان بالالارعا جەمىس شىرىنىن ىشكىزبەۋ كەرەك، ءبىر جاستان اسقان كۇننىڭ وزىندە دە، از مولشەردە ىشسە بولادى، بۇل بالانىڭ كىشكەنتايىنان «سولعىن» ىشپەك - جەمەككە ۇيرەنۋىنىڭ تەتىگى. مۇنان سىرت، ءىشىنارا اتا – انالار وسىمدىكپەن قاتىستى ءسۇت ونىمدەرىن ءبىرشاما اقاۋسىز دەپ قارايدى، بۇل قاتە تۇسىنىك. ۇنەمى كەزدەسەتىن بۇرشاق ءسۇتىن مىسالعا الساق، وعان سۋ، سويا بۇرشاق جانە اق شەكەر قوسىلادى، كەيبىرەۋىنە وسى نەگىزدە ازىقتىق تۇز، ءسۇت تالقانى قاتارلىلار قوسىلىپ، ءدامى تەڭشەلەدى، شىنتۋايتىندا، مۇندايلاردىڭ قانت قۇرامى مولشەردەن الدە قايدا اسىپ كەتەدى.

  كەيبىر بالالار كوكوس ءسۇتىن ىشكەندى ۇناتادى، مۇنداي سۋسىندىقتا كوكوستىڭ جاعىمدى ءيىسى بار دەپ قارايدى، شىنتۋايتىندا، كوكوس ءسۇتى كوكوس شىرىنىنىڭ تاعى ءبىر اتالۋى، استە، كوكوس شىرىنى مەن سيىر ءسۇتىنىڭ قوسپاسى ەمەس، وعان اق شەكەر جانە دامدەندىرگىش قوسپاسى قوسىلادى. جاڭعاقتى ءسۇت، ورىك ءدانى قوسىلعان ءسۇت، سۇلى قوسىلعان ءسۇت دەگەندەردىڭ بارىنە قانت قوسىلادى، بۇلاردى سيىر ءسۇتىنىڭ ورنىندا تۇتىنۋعا بولمايدى.

  ەگەر، مۇنداي ءتاتتى سۋسىندىقتاردى ۇنەمى تۇتىناتىن بولسا، تىسكە قۇرت ءتۇسىپ، تابەتكە ىقپال ەتەدى. ەگەر بالا سيىر ءسۇتىن وتە ۇناتسا، وعان ايران بەرۋگە، نەمەسە، از مولشەردە تۇندىرىلعان بۇرشاق ۇنتاعىمەن مەن بۇرشاق ۋىزىن بەرۋگە بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار