6 ءتۇرلى سيگنال «تۇتقيىل قازا بولۋدان» قالاتىن تىرشىلىك ورايى
2019.11.28 15:02 كەلۋ قاينارى : حالىق تورابى
حالىق تورابى، 11 – ايدىڭ 28 – كۇنى، بەيجيڭ. كەشە تاڭ سارىدە، توراپتاستار توراپتا بەلگىلى ارتيستىڭ باعدارلاما ءتۇسىرۋ بارىسىندا تۇتقيىل قازا بولعاندىعىن جاريالادى، حابار تارالىسىمەن كوپتەگەن ادامدار قاتتى تىكسىنىپ قالدى، توراپتاستار شۇعىل قۇتقارۋ ناق مايدانىنىڭ سۋرەتىن شىعارىسىمەن، جەلىدە دۇرىلدەپ كەتتى. بۇگىنگى كۇندە، «تۇتقيىل قازا بولۋ» دەگەن ءسوزدىڭ تۇرمىسىمىزدا جارىققا شىعۋ جيىلىگى بارعان سايىن جوعارىلاپ بارا جاتىر ما، جوق پا، ورتا جاستاعىلاردىڭ تۇتقيىل قازا بولۋى جونىندەگى حابارلار دا كوپ كەزدەسەدى، ادام جانىنىڭ السىزدىگىنە قايعىرۋمەن بىرگە، «تۇتقيىل قازا بولۋدىڭ» وزىمىزدەن قانشالىق الىس ەكەنىن ويلاپ كوردىڭىز بە؟
تۇتقيىل قازا بولۋدىڭ ارتىنداعى تاساسىنداعى داعدارىستى بىلەسىز بە؟
جۇڭگو جۇرەكتىڭ تۇتقيىل قازا بولۋىنىڭ الدىن الۋ، قۇتقارۋ ورتالىعى وداعىنىڭ بىرلەستىگىنىڭ ٴءتوراعاسى جين داپىڭنىڭ تانىستىرۋىنشا، ەلىمىزدە ٴءار جىلى جۇرەك اۋرۋىنان تۇتقيىل قازا بولاتىن ادام سانى 540 مىڭعا جەتكەن، ونىڭ ۇستىنە كۇن سايىن ارتىپ ارتۋداي وتىرعان اۋىر جاعداي جارىققا شىققان.
تۇتقيىل قازا بولۋ جونىندە دۇنيە جۇزىلىك دەنساۋلىق ساقتاۋ ۇيىمى مىناداي انىقتاما بەردى: كەنەت تۋىلادى، بولجاۋعا بولمايتىن ءولىم، جايسىزدانۋدان ولگەنگە دەيىنگى ارالىق 6 ساعاتقا جەتپەيدى. تۇتقيىل قازا بولۋدىڭ ەڭ ۇلكەن ماسەلەسى اۋرۋ - سىرقاۋدىڭ سونشالىق قيىن بولۋى ەمەس، قايتا بۇل اۋرۋلار تۇتقيىل شابۋىل جاساۋ تاسىلىمەن جارىققا شىعىپ، ادامدى ەشتەمەگە ۇلگىرتپەيدى.
ءبىر ادامنىڭ دەنە ساپاسى ءالسىز، اۋرۋشاڭ، ءبىر – ەكى كۇندە ءبىر جايسىزداپ، ءدارى ءىشىپ، شيپاحاناعا جۇگىرىپ تۇراتىن بولسا، مۇنداي ادامداردىڭ تۇتقيىل قازا بولۋى كەرىسىنشە ءبىرشاما تومەن بولادى، ويتكەنى مۇنداي ناۋقاستار ۇنەمى ءوزىنىڭ دەنساۋلىعىنا كوڭىل بولەدى، دەنەنىڭ تۇزىمدىلىگىنەن اسىپ كەتۋى مۇمكىن ەمەس؛ بۇدان سىرت، ۇنەمى شيپاحاناعا بارىپ تەكسەرىلىپ تۇراتىن بولسا، وسى مەزگىلدە تۇتقيىل قازا بولۋ مۇمكىندىگى بار كەيبىر سەبەپتەر بايقالسا، شيپاگەر دەرەۋ ەمدەۋ جوباسىن جاسايدى. كەرىسىنشە، ەگەر ءبىر ادامنىڭ دەنساۋلىعى جاقسى بولىپ، جايشىلىقتا اۋرۋ كورسەتۋ، ءدارى ءىشۋ وتە از بولسا، مۇنداي ادامدار «تۇتقيىل قازا بولۋ» وبيەكتىسىنە اينالادى، ويتكەنى، ولار ءوز دەنەسىندە «مەرزىمدى بومبى» بارلىعىن بىلمەيدى، دەنەسىنەن بايقالعان كەيبىر اۋرۋ سيگنالدارىنا دا نازار اۋدارمايدى.
«تۇتقيىل قازا بولۋ» قاپىدا قالۋ بولۋى ەكىتالاي. كوپتەگەن سەبەپ نەگىزىنەن ءبىزدىڭ ٶزىمىزدىڭ دەنساۋلىق جاعدايىمىزعا كوڭىل ءبولۋىمىزدىڭ جەتەرسىزدىگىنەن.
كەيبىر تۇتقيىل قازا بولۋدىڭ قاينارى شارشاۋ نەمەسە ارتىق قيمىلداۋدان، ءمانى جاعىنان العاندا دەنە قىزمەتىنىڭ شەگىنەن اسۋى بولىپ تابىلادى. ال، كوپ ساندى تۇتقيىل قازا بولۋدىڭ سەبەبى جۇرەك - مي قان تامىر اۋرۋلارىنان كەلەدى، مىسالى، ۇلكەن كولەمدەگى جۇرەك بۇلشىق ەتىنىڭ ولەتتەنۋى، قاتەرلى جۇرەك ريتىمىنىڭ بۇزىلۋى، ارتتەريا وسپەسىنىڭ جارىلۋى، مي توسىلۋ جانە ميعا قان قۇيىلۋ قاتارلىلار.
تۇتقيىل قازا بولۋدان ساقتانۋ تۇرمىس ادەتىن وزگەرتۋدەن باستالادى
لايىقتى شىنىعۋ. زەرتتەۋلەرگە قاراعاندا، تومەن نەمەسە ورتاشا كۇشەمەلى ارەكەت مولشەرى جۇرەك قان تامىرلارىن قورعاۋعا پايدالى. (تومەن ارەكەت مولشەرى: اپتاسىنا 4 - 5 رەت، ءار رەتتە 20 - 30 مينۋت جالعاسادى؛ ورتاشا ارەكەت مولشەرى: اپتاسىنا 3 رەتتەن ارتىق بولادى، ءار رەتتە 40 - 60 مينۋتقا جالعاسادى) باياۋ جۇگىرۋ، مالتاۋ، دوپ ويناۋ سياقتى تىنىستى ارەكەتتەر. ءبىراق ەڭ جاقسىسى تاڭەرتەڭ شىنىعۋعا بولمايدى، ويتكەنى تاڭەرتەڭ جۇرەك قان تامىر اۋرۋى ەڭ كوپ قوزاتىن ۋاقىت بولادى، كەشكى تاماقتان كەيىنگى 2 - 3 ساعات ىشىندە لايىقتى ارەكەت جاساعان ەڭ جاقسى.
تاماقتى قاتىقسىز ءىشۋ. ءتاتتى تاعامداردى تەجەۋ، تۇزدى، سۇرىلەنگەن جانە مايعا قۋىرىلعان تاعامداردى از جەۋ، وسىمدىك تالشىعى مول كوكونىستەر مەن قارا استىقتى كوبىرەك جەپ، ۆيتاميندى كوبىرەك قابىلداۋ كەرەك. بۇدان سىرت، ءتاج ارتەرياسىنىڭ قۇرىسۋىنان ساقتانۋ ءۇشىن وتە سۋىق نەمەسە وتە مۇزداي تاعامداردى نەمەسە سۋسىندىقتاردى تۇتىنباۋ كەرەك.
شارشاپ - شالدىعۋدان ساقتانۋ كەرەك. بۇگىنگى تاڭدا قىزمەتتى ۇستەمەلەپ ىستەۋ مەن تۇندەلەتىپ ىستەۋ قازىرگى زامان ادامدارىنىڭ نەگىزگى تۇرمىس ريتىمىنە اينالدى، جاس اق جاعالىلاردىڭ تۇتقيىل قازا بولۋ ۋاقيعاسى تولاسسىز تۋىلۋدا، قاتتى قالجىراۋدىڭ استارىندا اۋىر قاتەر بولۋى مۇمكىن. اقاۋسىز ءومىر ءسۇرۋ − قۇلشىنا قىزمەت ىستەۋدىڭ جانە تۇرمىستان لاززاتتانۋدىڭ العى شارتى. كۇندەلىكتى تۇرمىستا ەڭبەك پەن دەمالىستى ۇشتاستىرۋعا كوڭىل ءبولۋ، اپتا سوڭىندا ءوزى ۇناتاتىن ىستەردى تاڭداپ ىستەۋ، مۇمكىندىكتىڭ بارىنشا كوڭىل كۇيدى جايدارى ۇستاۋ كەرەك؛ كەيدە ازداپ جالقاۋلىققا سالىنىپ ءوزىن دەمالدىرۋعا بولادى.
مەرزىمدى تۇردە دەنساۋلىق تەكسەرتۋ. ادەتتەگى كارديوگراممالىق تەكسەرۋ ارقىلى كومەسكى «تۇتقيىل قازا بولۋ سيگنالىن» بايقاۋعا بولادى، اسىرەسە جۇرەك قان تامىر اۋرۋى تاريحى بار ادامدار ساقتانۋ قىزمەتىن ءتىپتى دە جاقسى ىستەپ، ۋاعىندا دەنساۋلىق تەكسەرتىپ، الدىن الۋى كەرەك.
كوڭىل كۇيدى كوتەرىڭكى ۇستاۋ. كوڭىل كۇيدىڭ تولقۋى ادامنىڭ قان قىسىمىن جوعارىلاتىپ، جۇرەكتىڭ جۇگىن اۋىرلاستىرادى. جۇرەك قان تامىر اۋرۋى بار ادامدار جونىنەن العاندا، جۇرەك ريتىمىنىڭ بۇزىلۋى، جۇرەك بۇلشىق ەتىنىڭ ولەتتەنۋى، مي توسىلۋى نەمەسە ميعا قان قۇيىلۋ سياقتى اۋىر زارداپتاردى وڭاي تۋدىرادى. سوندىقتان، كوڭىل كۇيدى ءبىر قالىپتى ساقتاۋ ءومىر ءسۇرۋدىڭ جولى عانا ەمەس، سونداي - اق، – جۇرەك پەن ميدىڭ تابيعي قورعاۋشىسى.
6 ءتۇرلى سيگنال «تۇتقيىل قازا بولۋدان» قالاتىن تىرشىلىك ورايى
1. كەۋدەسى قىسىلۋەگەر تاياۋ مەزگىلدە تۇتقيىل ارەكەتتەنگەننەن كەيىن، كەۋدەڭىز قىسىلىپ، ءبىر مەزگىل دەمالعاننان كەيىن تاۋىرلەنىپ قالسا، مۇنداي قۇبىلىس ءتاج ءتارىزدى ارتەريانىڭ قاتايۋىنان بولاتىن جۇرەك اۋرۋىنا شالدىعۋ مۇمكىندىگىن بىلدىرەدى.
كەنەت پايدا بولعان اۋرۋ بەلگىلەرى ءتاج ارتەرياسىنداعى قويمالجىڭ ءتارىزدى قاتايۋ داقتارىنىڭ ءالى دە تۇراقسىز ەكەندىگىن، قالاعان ۋاقىتتا جارىلىپ، جۇرەك بۇلشىق ەتىنىڭ ولەتتەنۋىن كەلتىرىپ شىعاراتىندىعىن بىلدىرەدى.
2. ابىرجۋ
ابىرجۋ قاشان دا جۇرەك ريتىمى تەزدەۋدىڭ سۋبيەكتيۆ سەزىمى. تۇراقسىز ۋاقىتتا پايدا بولاتىن جۇرەك سوعۋ جيىلىگىنىڭ تەزدەۋى ادەتتە جەدەل جۇرەك اۋرۋى سيپاتتى جۇرەك ريتىمىنىڭ قالىپسىزدىعىنىڭ ناتيجەسى.
كوپ ساندى جۇرەك ريتىمىنىڭ قالىپسىزدىعىنىڭ قاتەرى ءبىرشاما از بولىپ، تۇتقيىل قازا بولۋدى تۋدىرمايدى، ءبىراق، ۇنەمى قوزاتىن جۇرەك قارىنشاسى سيپاتتى جۇرەك ريتىمىنىڭ قالىپسىزدىعى بولسا، وندا اسقىنىپ، قارىنشا ءدىرىلى پايدا بولۋ حاۋپى بولادى، دەر كەزىندە دياگنوز قويىپ، ەمدەتۋ كەرەك.
3. جۇرەك سوعۋدىڭ باياۋلاۋى
جۇرەكتىڭ سوعۋى ەرەكشە ارەكەت جاسايتىن سوعۋ كلەتكاسىنان باستالادى، سوعۋ كەتكاسى قىزمەتىنىڭ السىرەۋىنەن جۇرەكتىڭ سوعۋ جىلدامدىعى باياۋلايدى، سالماقتى بولعاندا جۇرەكتىڭ سوعۋى توقتايدى.
جۇرەك سوعۋىنىڭ باياۋلاۋى، قان قىسىمىنىڭ تومەندەۋى ۇزاق ۋاقىت جۇرەكتىڭ سوعۋىنىڭ توقتاۋ جاعدايىن وڭاي كەلتىرىپ شىعارادى، تۇتقيىل قازا بولۋدى دا كەلتىرىپ شىعارادى.
4. ەسىنەن تانۋ.
ەسىنەن تانۋ تۇتقيىل قازا بولۋدىڭ ماڭىزدى بەلگىسى، باسىم كوپ ساندى ەسىنەن تانۋ جۇرەك سوعۋىنىڭ كەنەت باياۋلاۋىنان نەمەسە توقتاۋىنان ميعا قان جەتىسپەۋدەن بولادى. ۇنەمى كەزدەسەتىن سەبەپتەر قويناۋ ءتۇيىنى اۋرۋى، بولىمشە - قارىنشا وتكىزگىشتىگىنىڭ توسىلۋى، كەزەگەن نەرۆتىڭ كەرىلۋ كۇشىنىڭ تىم جوعارى بولۋىن قامتيدى.
ەسىنەن تانۋ كەيدە بىرنەشە سەكۋندتان كەيىن وزدىگىنەن قالپىنا كەلەدى، ەگەر قالپىنا كەلە الماسا تۇتقيىل قازا بولۋعا اپارىپ سوعادى.
5. كوزى قاراۋىتۋ جانە قول - اياقتىڭ ۇيۋى
مي اپوپلەكسياسى دا تۇتقيىل قازا بولۋدىڭ باستى سەبەبى، ناۋقاستا كوز قاراۋىتۋ جانە قول - اياق ۇيۋ قاتارلى اۋرۋ بەلگىلەرى بايقالادى.
كەيبىر مي اپوپلەكسياسى باياۋ پايدا بولادى. اسىرەسە قان قىسىمى جوعارى، ءتاج ءتارىزدى ارتەريا قاتايۋىنان بولعان جۇرەك اۋرۋى نەمەسە جۇرەك قارىنشاسى دىرىلدەيتىندەردىڭ مي سوققىسىنىڭ تۋىلۋ مولشەرى ادەتتەگى ادامداردان نەشە ەسە جوعارى بولادى.
ەگەر ءبىر جاق كوزى نارسەنى كورە الماۋ، ءبىر جاق قول - اياق ۇيىپ، دارمەنسىزدەنۋ نەمەسە ءجۇرىسى ورنىقسىز بولۋ، قول - اياق ۇيۋ سەزىمى پايدا بولسا، مي اپوپلەكسياسىنان ساقتانۋ، ەرتە پارىقتاۋ، ەرتە ەمدەۋ كەرەك.
6. تىنىسى تارىلۋ ، ەرىننىڭ كوگەرۋ بەلگىلەرى بايقالۋ
ەگەر ۇزاق وتىراتىن نەمەسە ۇزاق ۋاقىت تىك تۇراتىن قىزمە ىستەسە، قان اينالىسى جاقسى بولمايدى، اۋرۋ قوزعالعاندا، قاقساپ اۋىرۋدان سىرت، تىنىسى تارىلۋ، كوگەرۋ، ەرنى كوگەرۋ ، قانداعى وتتەگى تومەندەۋ سياقتى بەلگىلەر بولسا وكپە تىعىندالۋ جاعدايى بولۋىنان قاتتى ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
