بالالاردى توراپ قۇمارلىقتان اراشالايىق
پىڭ بو
2019.11.29 14:40 كەلۋ قاينارى : حالىق تورابى
كامەلەتكە تولماعانداردى توراپ قۇمارلىقتان ساقتاندىرۋ ءتۇزىمى بىرتىندەپ قالىپتاسىپ كەلەدى، الايدا، مەجەدەگىدەي ناتيجەگە قول جەتكىزۋ ءۇشىن قاتاڭ تياناقتاندىرۋ، بۇلجىتپاي اتقارۋ عانا ءتۇزىمنىڭ رولىن ساۋلەلەندىرۋدىڭ العى شارتى ەسەپتەلەدى
جۋىردا مەملەكەتتىك اقپارات – باسپا ءسوز مەكەمەسى «كامەلەتكە تولماعانداردىڭ توراپ ويىنىنا قۇمارتۋىنان ساقتانۋ جونىندەگى ۇقتىرۋدى» جاريالاپ، توراپ ويىنى اككاۋنتىن شىن اتى بويىنشا تىزىمدەۋ ءتۇزىمىن اتقارۋ، كامەلەتكە تولماعانداردىڭ توراپ ويىنىن ويناۋ مەزگىلىن، ۋاقىتىن قاتاڭ تەجەۋ، كامەلەتكە تولماعاندارعا اقىلى قىزمەت وتەۋدى جۇيەگە ءتۇسىرۋ، كاسىپ سالاسىن باقىلاۋ – باسقارۋدى شىنايى كۇشەيتۋ، جاسىنا ۇيلەسپەيتىنىن ەسكەرتۋ ءتۇزىمىن اتقارۋدا ىزدەنىس جاساۋ، اتا – انالاردىڭ، مەكتەپ قاتارلى قوعامدىق كۇشتەردىڭ كامەلەتكە تولماعاندارعا قامقور بولۋ جاۋاپكەرشىلىگىن اتقارۋىنا بەلسەندى جەتەكشىلىك ەتۋ قاتارلى التى جاقتان كامەلەتكە تولماعانداردىڭ توراپ ويىنىنا قۇمارتۋىنان ساقتانۋ قىزمەتى تۇرلەرى مەن ول جونىندەگى ناقتى ورنالاستىرۋلاردى ورتاعا قويدى.
جاستار مەن وسپىرىمدەردىڭ توراپ حاۋىپسىزدىگىنە قاتىستى 2018 – جىلى مەملەكەت بويىنشا تۇڭعىش رەت جۇرگىزىلگەن «جۇڭگو جاستار مەن وسپىرىمدەردىڭ ينتەرنەتتەن پايدالانۋى جانە توراپ حاۋىپسىزدىگى جاعدايى جونىندەگى تەكسەرۋ – زەرتتەۋ مالىمەتى» اتتى ارناۋلى قوعامدىق ساۋالنامادا: «جاستار مەن وسپىرىمدەردىڭ %24ىنىڭ كۇنىنە توراپقا شىعاتىن ۋاقىتى 2 – 4 ساعاتقا جەتەدى»، — دەپ كورسەتىلگەن. ال، ءىشىنارا ولكەلەردىڭ ساناعىنا قاراعاندا، كامەلەتكە تولماعانداردىڭ توراپقا شىعۋعا بايلانىستى دەنساۋلىق اقاۋسىزدىعىنىڭ، ۇيرەنۋى مەن تۇرمىسىنىڭ ناشار ىقپالعا ۇشىراۋ مولشەرى %40كە جۋىقتاعان.
مۇنان دا سالماقتى ماسەلە، توراپ قۇمارلىق — كامەلەتكە تولماعانداردىڭ قىلمىس وتكىزۋىن تۋدىراتىن باستى سەبەپتەردىڭ ءبىرى. كوپتەگەن مىسالدار مەن ساناق دەرەكتەرىنە قاراعاندا، كامەلەتكە تولماعانداردىڭ قىلمىس وتكىزۋى توراپ قۇمارلىقپەن ەرەكشە تىعىز بايلانىستى ەكەن.
جۋىرداعى جىلداردان بەرى، ەلىمىز كامەلەتكە تولماعانداردىڭ توراپقا قۇمارتۋىنان ساقتانۋ ءۇشىن ۇزدىكسىز جاڭا ساياساتتىق شارالاردى شىعارىپ، ساياساتتىق شارالاردىڭ تەبىنىن ۇزدىكسىز ارتتىردى. جۋىردا مەملەكەتتىك حالىق قۇرىلتايى تۇراقتى كوميتەتى كامەلەتكە تولمانداردى قورعاۋ زاڭىنا وزگەرىس ەنگىزۋ جوباسىن ماقۇلدادى، بۇل زاڭ جوباسىندا «توراپتان قورعاۋ» ارناۋلى تاراۋ رەتىندە قوسىلعان، وسى ارقىلى توراپ مازمۇندارىمەن قامدايتىن جانە قىزمەت وتەيتىن ورىندار كامەلەتكە تولماعانداردى قۇمارلىققا ەلىكتىرەتىن مازمۇنداردى دايىنداماۋى كەرەك ەكەنىن، وتباسى، مەكتەپ جانە قاتىستى قوعامدىق ۇيىمدار ءوزارا سايكەسىپ، كامەلەتكە تولماعانداردىڭ توراپقا قۇمارتۋىنان ساقتانۋ جانە وعان ارالاسۋى كەرەك ەكەنىن باسا دارىپتەگەن. كامەلەتكە تولماعانداردىڭ قىلمىس وتكىزۋىنەن ساقتانۋ زاڭىنا وزگەرىس ەنگىزۋ جوباسىندا «توراپ قۇمارلىق قالىپتى ۇيرەنۋ مەن تۇرمىسقا ىقپال جەتكىزەدى» دەگەن ءسوزدى ارالاسۋعا ءتيىستى ناشار ىقپالداردىڭ ءبىرى رەتىندە اناعۇرلىم ايقىن ورتاعا قويعان.
كامەلەتكە تولماعانداردى توراپ قۇمارلىقتان ساقتاندىرۋ ءتۇزىمى بىرتىندەپ قالىپتاسىپ كەلەدى، الايدا، مەجەدەگىدەي ناتيجەگە قول جەتكىزۋ ءۇشىن قاتاڭ تياناقتاندىرۋ، بۇلجىتپاي اتقارۋ عانا ءتۇزىمنىڭ رولىن ساۋلەلەندىرۋدىڭ العى شارتى ەسەپتەلەدى. كوپتەگەن توراپ ويىندارىندا قۇمارتۋدان ساقتانۋ جۇيەسى جوبالانعان، مۇندا شىن اتى بويىنشا تىزىمدەلۋ، ويىن ۋاقىتىنا شەكتەمە قويۋ، تابىسىنا شەكتەمە قويۋ قاتارلى يقۋاتتار قامتىلادى، بىلاي قاراعاندا بارلىق جاعى تولىق ويلاستىرىلعانداي كورىنگەنىمەن، ءىس جۇزىندە، كامەلەتكە تولماعاندار وزگەلەردىڭ كۋالاندىرۋ تولىمدىلىعىن پايدالانا تۇرۋ، اككاۋنت الماستىرۋ سىندى تاسىلدەر ارقىلى ونىڭ ءادىسىن وڭاي تاۋىپ الادى. ونىڭ ۇستىنە، مۇنداي جاعداي از كەزدەسپەيدى.
كامەلەتكە تولماعانداردىڭ توراپ قۇمارلىقتان قۇتىلۋىنا كومەكتەسۋ ءۇشىن وتباسى، مەكتەپ، قوعام سىندى كوپ جاقتىڭ كۇش قوسۋى شەشۋشى ءتۇيىن ەسەپتەلەدى. كاسىپورىندار جونىنەن ايتقاندا، ەكونوميكالىق پايدانىڭ سوڭىنا تۇسكەندە، قوعامدىق جاۋاپكەرشىلىككە دە نەمقۇرايدى قاراۋىنا بولمايدى، زاڭدىق تۇرعىدان جاۋاپكەرشىلىك تانىمىن كۇشەيتىپ، كامەلەتكە تولماعانداردى قورعاۋدى كۇشەيتۋى كەرەك؛ باقىلاۋ – باسقارۋ تاراۋلارى جونىنەن ايتقاندا، تۇزىمدىك قاتاڭ شەكتەمەلەردى كۇشەيتىپ، كامەلەتكە تولماعانداردىڭ توراپقا قۇمارتۋىنا دۋشار ەتەتىن ولقىلىقتاردى قاينارىنان باستاپ قۇرتۋ، ءتۇرلى تاسىلدەردى قولدانۋ ارقىلى زاڭمەن باسقارۋدىڭ بەدەلىن ايگىلەۋ كەرەك؛ وتباسى جانە مەكتەپ جونىنەن ايتقاندا، جەتەكشىلىك ەتۋدى، تاربيەلەۋدى كۇشەيتىپ، بالالاردىڭ توراپقا اقاۋسىز شىعۋىنا، دۇرىس پايدالانۋىنا كومەكتەسۋ كەرەك. تەك كوپ جاق سەلبەسىپ، بىرگە قۇلشىنعاندا عانا، توراپ قۇمارلىق ماسەلەسىنەن ءونىمدى ساقتانۋعا، بالالارعا پاك توراپ ورتاسىن جاراتۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
