كوكتەم مەرەكەسىندەگى تاسىمالدا جۇقپالى اۋرۋدىڭ تارالۋىنان قالاي ساقتانۋ كەرەك؟
دەنساۋلىق ساقتاۋ، سالاماتتىق كوميتەتى 6 ءتۇرلى شارانى ورنالاستىردى
2020.01.23 11:23 كەلۋ قاينارى : حالىق تورابى
حالىق تورابى، 1 - ايدىڭ 22 - كۇنى، بەيجيڭ. بۇگىن تۇستەن بۇرىن ساعات 10 دا مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن اشتى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى لي بين جاڭا تيپتەگى ءتاج ءتارىزدى ۆيرۋس جۇققان وكپە قابىنۋىنان ساقتانۋ جانە ونى تەجەۋ قىزمەتىنە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
لي بين تانىستىرىپ بىلاي دەدى: تاياۋدا سان وزگەرىسى ءبىرشاما زور بولدى، بۇل ءبىزدىڭ اۋرۋ جونىندەگى تانىمىمىزدىڭ ۇزدىكسىز تەرەڭدەۋىمەن، دياگنوز قويۋ ءادىسىن كەمەلدەندىرۋمەن قاتىستى، سونداي - اق بۇكىل ەلگە دياگنوز قويۋ سىناق ءدارىسىن تاراتۋمەن دە بەلگىلى قاتىسى بار. ماماندار زەرتتەۋ ارقىلى بىلاي دەپ قارادى: اۋرۋ نەگىزىنەن ۋحانمەن قاتىستى، قازىرگە دەيىن ادامنان ادامعا جۇعۋ جانە ەمدەۋ قىزمەتكەرلەرىنە جۇعۋ ءجايتى جارىققا شىقتى، بەلگىلى كولەمدە الەۋمەتتىك اۋماقتا تارالۋ ءجايتى دە بار. جۇقپالى اۋرۋدىڭ تارالۋ جولى تىنىس جولى ارقىلى تارالۋدى نەگىز ەتەدى، ۆيرۋستا وزگەشەلەنۋ مۇمكىندىگى بولادى، جۇقپالى اۋرۋدا ىشكەرىلەي تارالۋ قاتەرى بولادى. قازىر كوكتەم مەرەكەسى تاسىمالى كەزى، ادامداردىڭ جوتكەلۋى قاۋىرت كوبەيىپ، وبيەكتيۆ جاقتان جۇقپالى اۋرۋدىڭ تارالۋ قاتەرى مەن ساقتانۋ، تەجەۋدىڭ قيىندىعىن كۇشەيتتى، بۇعان نەمقۇرايدى قاراۋعا، استە، بولمايدى، بارىنشا قىراعى بولۋ كەرەك.
كەلەسى قادامدا مەملەكەتتىك دەنساۋلىق ساقتاۋ، سالاماتتىق كوميتەتى بىرلەسىپ ساقتانۋ، بىرلەسىپ تەجەۋ قىزمەت مەحانيزمىنە مۇشە ورىندارمەن بىرلەسىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم - ورنالاستىرۋلارىن باتىل دايەكتىلەندىرىپ، حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويىپ، جەر - جەردىڭ قاراستى جەردى باسقارۋ پرينسيبى بويىنشا شىنايى ءونىمدى شارالار قولدانىپ، حالىق بۇقاراسىنىڭ كوكتەم مەرەكەسىن تىنىش، بەرەكەلى وتكىزۋىنە كەپىلدىك ەتەدى.
ءبىرىنشى، وسى اۋرۋدان كوز جۇمۋ جايتىنەن قاتاڭ ساقتانىپ، جۇقپالى اۋرۋ جاعدايىن ۋحاندا تەجەۋ كەرەك.
ەكىنشى، بۇكىل ەل كولەمىندەگى قىزمەتتى قاداعالاپ، جۇقپالى اۋرۋدان ساقتانۋ جانە ونى تەجەۋ شارالارىن باتىل تياناقتاندىرۋ كەرەك.
ءءۇشىنشى، ناۋقاستى بار كۇشپەن ەمدەۋ، قۇتقارۋ كەرەك.
ءتورتىنشى، ينفورماتسيا جاريالاۋ مەن حالىقارالىق سەلبەستىكتى ويداعىداي ىستەۋ كەرەك.
بەسىنشى، جۇقپالى اۋرۋلاردان ساقتانۋ جانە ونى تەجەۋدە، عىلمي زەرتتەۋدە قامال الۋ تەبىنىن ارتتىرۋ كەرەك.
التىنشى، مەملەكەتتىك دەنساۋلىق ساقتاۋ، سالاماتتىق جۇيەسى كەزەكشىلىك مىندەتىن وتەۋدى كۇشەيتۋى كەرەك.
لي بين مىنانى ءبىلدىردى: جۇقپالى اۋرۋدىڭ تۋىلۋى ءاربىر ادامدى الاڭداتادى، ءبىز ساقتانۋ جانە ەمدەۋ قىزمەتىن بار كۇشپەن جاقسى ىستەپ، جۇقپالى اۋرۋدىڭ ءورشۋىن باتىل تەجەيمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، جۇڭگوشا سوتسياليزمنىڭ تۇزىمدىك ابزالدىعىنىڭ، 2003 - جىلى سارس ىندەتى تارالعاننان بەرى قۇرىلعان ءبىرشاما كەمەلدى توسىن، جاڭادان پايدا بولعان جۇقپالى اۋرۋدان ساقتانۋ جانە ونى تەجەۋ جۇيەسىنىڭ، A تيپتى H1N1، قۇس تۇماۋى، ەبولا قىزباسى سياقتى كەلەلى الەۋمەتتىك دەنساۋلىق ساقتاۋ وقيعالارىنا توتەپ بەرۋدە جينالعان امالياتتىق تاجىريبەلەردىڭ ارقاسىندا، قالىڭ حالىق بۇقاراسىنىڭ قولداۋىندا، جۇقپالى اۋرۋدان ساقتانۋ جانە ونى تەجەۋدىڭ جەڭىسىنە قول جەتكىزەتىنىمىزگە كامىل سەنەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
