بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مامانداردىڭ ەسكەرتپەسى

ماسكىنى عىلىمي، ۇنەمدەپ پايدالانۋ كەرەك

2020.02.05 16:14     كەلۋ قاينارى : حالىق تورابى

  حالىق تورابى، 2 ايدىڭ 5 – كۇنى، بەيجيڭ. شينجياڭ گازەتىنىڭ 2 – ايدىڭ 3 - كۇنى ۇرىمجىدەن بەرگەن حابارى. ماسكى تاعىپ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنىڭ ءونىمدى الدىن الۋعا بولادى. ماماندار بىلاي دەپ ەسكەرتەدى: قاراپايىم حالىقتىڭ ماسكىنى ءبىر رەتتە ءبىرىن اۋىستىرۋىنىڭ قاجەتى جوق، ماسكىنى عىلىمي، ۇنەمدەپ پايدالانۋ كەرەك.


  «سىرتقا شىعاردا ماسكى تاعۋ، ۇيگە كىرگەندە قول جۋۋ» بۇكىل حالىقتىق ورتاق تانىمعا اينالدى، ءبىراق كوپتەگەن ادام قايدا بارسا ماسكى تاعىپ الادى، كەيبىرەۋلەر جەكە ءوزى اۆتوكولىك جۇرگىزسە دە نەمەسە ۇيدە وتىرسا دا ماسكى تاعىپ الاتىن بولدى. شينجياڭ مەديتسينا ۋنيۆەرسيتەتىنە قاراستى ءبىرىنشى شيپاحانانىڭ جۇعىمدالۋ ءبىرىنشى ءبولىمى مەڭگەرۋشىسىنىڭ ورىنباسارى تاڭ ليدىڭ تۇسىندىرۋىنشە، ماسكى تاعۋدا، ەڭ الدىمەن، جەكە ادامدا بايقالعان اۋرۋ قاتەرىن ويلاستىرۋدى نەگىز ەتكەن ءجون. الەۋمەتتىك ورىندارعا بارعاندا نەمەسە الەۋمەتتىك قاتىناس قۇرالدارىنا وتىرعاندا، ءسوزسىز، ماسكى تاعۋ كەرەك. ال وڭاشا ورىندا جانە ادامدار تىعىز جاناسپاعان ورىندا ماسكى تاقپاۋعا بولادى.


  تاڭ لي مىنانداي ۇسىنىس بەردى: ىندەت اۋماعى ەمەس جەردە، اشىق نەمەسە اۋا الماسقان ورىنداردا ماسكى تاعۋدىڭ قاجەتى جوق؛ ادامدار تىعىز توپتاسپاعان الەۋمەتتىك ورىنداردا مەديتسينادا ءبىر رەتتىك پايدالانىلاتىن ماسكىنى تاقسا جەتەدى. ال ىندەت ءجيى تۋىلعان وڭىرلەردەگى اشىق نەمەسە اۋا الماسقان ورىنداردا ءبىر رەتتىك مەديتسينادا پايدالانىلاتىن ماسكىنى تاعۋدى ۇسىنىس ەتەمىز؛ ادامدار تىعىز توپتاسقان نەمەسە جابىق الەۋمەتتىك ورىنداردا سىرتقى اۋرۋلارعا پايدالانىلاتىن ماسكىنى نەمەسە شاڭ - توزاڭنان ساقتانۋ ماسكىسىن تاقسا بولادى.


  جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىمەن جۇعىمدالعانداردى تىكە قارايتىن جانە قىزمەت وتەيتىن ەمدەۋ قىزمەتكەرلەرىنىڭ حاۋىپ - قاتەرى ەڭ جوعارى، شيپاحانانىڭ بەلگىلەمەسى بويىنشا قاتاڭ تۇردە جۇعىمدالۋدان ساقتانۋ - تىزگىندەۋ تالابىنا ۇيلەسەتىن ماسكى جانە باسقا دا جەكەلىك ساقتانۋ جابدىقتارىن پايدالانۋ كەرەك.


  تاڭ لي مىنانى ۇسىنىس ەتەدى: جاي ادامدار ماسكىنىڭ تازالىق دارەجەسىنە قاراي اۋىستىرۋ - اۋىستىرماۋدى بەلگىلەۋىنە، ماسكىنى پايدالانۋ رەت سانىن حاۋىپسىز، ۇيلەسىمدى كوبەيتۋىنە بولادى. ول بىلاي دەدى: مەديتسينادا سىرتقى اۋرۋلارعا پايدالانىلاتىن ماسكى جانە مەديتسينادا پايدالانىلاتىن N95 ماسكىسى تۇگەلدەي ءبىر رەتتىك، ءبىراق جوبالاۋشى تۇرعىسىنان قاراساق، شيپاحانا، ۇلكەن ەرەن بازار سياقتى ورىندارعا بارۋ نەمەسە كۇدىكتى اۋرۋلارعا جاناسۋدان سىرت، جاي بۇقارا ساقتىق ماسكىسىن ءبىر - اق رەت پايدالانىپ تاستاي سالۋىنىڭ قاجەتى جوق، ەكى - ءۇش رەت پايدالانۋىنا ابدەن بولادى. سەرۋەندەپ ۇيگە قايتىپ كەلگەن سوڭ ەكى قولمەن قۇلاقتان ماسكىنى الىپ، اۋا الماساتىن جەرگە قويىپ، قۇرامىنداعى سۋدى تابيعي قۇرعاتىپ نەمەسە كەپتىرىپ، بەتىنە ميكروپتىڭ جينالىپ قالۋىنان ساقتانعاندا، سول ادامنىڭ قايتالاي پايدالانۋىنا بولادى.


  تاڭ لي مىناعان ۇندەدى: حاۋىپسىزدىككە كەپىلدىك ەتكەن جاعدايدا، جۇرت ماسكىنى عىلىمي ۇنەمدەپ پايدالانىپ، ءاربىر ماسكىنىڭ ەڭ جوعارى ونىمدىلىكتە پايدالانىلۋىنا مۇمكىندىك جاساۋعا بولادى. جاي بۇقارانىڭ ادەتتە N95 ماسكىسىن تالاسا ساتىپ الۋىنىڭ قاجەتى جوق، سانى شەكتى N95 ماسكىسىن ەمدەۋ قىزمەتكەرلەرىنىڭ الدىمەن ىستەتۋىن قامتاماسىز ەتەيىك!


  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار