ۇيدە سپيرتپەن ديزەنفەكسيالاعاندا قالاي ىستەۋ كەرەك؟ (قىزمەت وتەۋ تەرەزەسى)
حالىق گازەتىنىڭ ءتىلشىسى ديڭ يتيڭ، ني گى
2020.02.10 15:41 كەلۋ قاينارى : حالىق تورابى
● سپيرتتى وت قاينارىنان اۋاشا جەردە ىستەتۋ كەرەك، اس ءۇي سياقتى وت بار، جوعارى تەمپەراتۋرالى قۇرىلعىلار بار جەرلەردە سپيرتتى ىستەتۋگە بولمايدى، سپيرتتى بۇرىككەندە تەمەكى شەكپەۋ كەرەك
● سپيرتتى ءبىرشاما تۇيىق، شاعىن بولمەلەردە كوپ مولشەردە پايدالانعان كەزدە، جوعارى قويۋلىقتاعى سپيرت بۋىن قالىپتاستىرۋدان ساقتانۋ كەرەك
● سپيرتتى كوپ مولشەردە ساقتاماعان ءجون، ساقتاعان كەزدە وشاق، پار قاتارلى جىلۋ قاينارلارىنا جاقىن قويۋدان، كۇن نۇرى تىكە تۇسەتىن جەرگە قويۋدان ساقتانۋ كەرەك
ىندەتتەن ساقتانۋ – تەجەۋ مەزگىلىندە، كوپتەگەن وتباسىلار ۇيلەرىن سپيرتپەن ديزەنفەكسيالايدى. نەشە كۇننىڭ الدىندا، توراپتا ۋحانداعى بەلگىلى الەۋمەتتىك اۋماقتا جوعارى قويۋلىقتاعى سپيرتپەن بولمە ءىشىن ديزەنفەكسيالاۋدان ءورت كەتتى دەگەن حابار تارالعان، ارتىنان بۇل حابارعا تويتارىس بەرىلگەن. قويۋلىعى %75 كەلەتىن مەديتسينالىق سپيرتپەن ديزەنفەكسيالاۋ بارىسىندا ءورت اپاتى تۋىلۋ حاۋپى بولا ما، جوق پا، بولسا ودان قالاي ساقتانۋ كەرەك؟
نەشە كۇننىڭ الدىندا، شۇعىل جاعدايلارعا توتەپ بەرۋدى باسقارۋ مينيسترلىگىنىڭ ءورت ءوشىرۋ – قۇتقارۋ مەكەمەسىنىڭ رەسمي ۋيچات تەكشەسىندە _ «جۇڭگو ءورت ءوشىرۋ – قۇتقارۋ مەكەمەسى» ماقالا جاريالاپ، بۇل سۇراۋعا تاجىريبە ناتيجەسى ارقىلى جاۋاپ بەردى: وتباسىندا از مولشەردە مەديتسينالىق سپيرتتى بۇركۋ ارقىلى ديزەنفەكسيالاۋ بارىسىندا ءورت اپاتى تۋىلۋ ىقتيمالدىعى تومەن، سوندا دا حاۋىپسىزدىككە كوڭىل بولگەن ءجون.
تاجىريبە بارىسىندا وتباسىندا %75 قويۋلىقتاعى سپيرتتى بۇركۋگە ۇنەمى قولدانىلاتىن قۇرالدار ىستەتىلگەن، بۇل قۇرالدار ءيىس ماي قۇمىراسى (بۇركۋ مولشەرى از)، شاعىن بۇركۋ شاينەگى (بۇركۋ مولشەرى ورتاشا) جانە قىسىمنان پايدالاناتىن بۇركۋ شاينەگى (بۇركۋ مولشەرى زور) قاتارلىلاردى قامتيدى، تاجىريبەدە جەكە – جەكە ەلەكترلى توك تۇتاتۋ تاياعى جانە شوق ارقىلى وت تۇتاتقان، ناتيجەسى بىلاي بولعان: سپيرتتى ءبىرشاما كوپ شاشقاندا، شوققا تيگەن سپيرت تۇتانعان، باسقا جاعدايلاردا تۇتانۋ نەمەسە پارتىلاۋ جاعدايى تۋىلماعان. تاجىريبە ناتيجەسى بويىنشا ايتقاندا، سپيرت بۋىنىڭ تۇتانۋىنا ەكى ءتۇرلى شارت – جاعداي بولۋى كەرەك: ونىڭ بىرەۋى، ءبىرشاما تۇيىق ورتا بولۋ نەمەسە سپيرتتىڭ قويۋلىعى ءبىرشاما جوعارى بولۋ؛ ەندى ءبىرى، وت مولشەرى جوعارى بولۋ نەمەسە تەمپەراتۋرا ءبىرشاما جوعارى بولۋ.
تاجىريبە ناتيجەسىنەن قاراعاندا، وتباسىندا %75 قويۋلىقتاعى مەديتسينالىق سپيرتتەن پايدالانىپ ديزەنفەكسيالاۋ جۇرگىزگەندە، بولمە ىشىندەگى بوستىق ءبىرشاما كەڭ بولعاندا ءارى تەرەزەنى اشۋعا بولاتىن شارت – جاعدايدا، تامدارعا، ەسىك تۇتقاسىنا، جەرگە، اياق كيىمدەردىڭ تابانىنا از مولشەردە شاشسا، سپيرتتىڭ بۋى بولمە ىشىنە تەز وڭاي تارايدى، سپيرت بۋىنىڭ قويۋلىعى تومەن بولعاندىقتان، تەك وت قاينارىنان ساقتانسا بولعانى، ءورت اپاتى تۋىلۋ ىقتيمالدىعى جوعارى بولمايدى.
الايدا، بۇل ماقالادا تاعى مىنالار ايتىلعان: از سانداعى جاعدايدا، مىسالى، ءوز دەنەسىنە سپيرتتى كوپ شاشىپ السا، ۇلكەن ىدىستاعى مەديتسينالىق سپيرتتى ساتىپ الىپ، جەر سۇرتكەندە نەمەسە ۇلكەن بۇركۋ شاينەگىمەن ءبىرشاما تۇيىق شاعىن بولمەدە قايتا – قايتا كوپ رەت بۇرىكسە، سپيرتتىڭ قويۋلىعى جوعارىلايدى، شوققا نەمەسە باسقا جوعارى تەمپەراتۋرالى وت تۇتاتۋ قاينارىنا جولىققاندا، ءورت اپاتى نەمەسە قوپارىلىس تۋىلۋى مۇمكىن.
سوندىقتان، %75تىك مەديتسينالىق سپيرتپەن ديزەنفەكسيالاعان كەزدە، ءبىر جاعىنان، وسەك – اياڭدا ايتىلعانداي حاۋىپ – قاتەرگە وڭاي سەنە سالماۋ كەرەك، ەندى ءبىر جاعىنان، كوزسىزدىكپەن كوپ مولشەردە سپيرت بۇرىكپەۋ، عىلىمي، ۇيلەسىمدى تۇردە پايدالانۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved