جۇڭگو ىندەتتەن ساقتانۋ – تەجەۋ ورتالىعى جۇقپالى اۋرۋلار عىلىمى باس مامانى ۋ زۇنيوۋ ۆيروستىڭ ايروزولمەن تارالۋىنا قالاي توتەپ بەرۋ جونىندە توقتالدى
ماسكىنى دۇرىس تاعىپ، ءار كۇنى تەرەزە اشىپ، اۋا الماستىرۋ كەرەك (قىزمەت وتەۋ تەرەزەسى)
حالىق گازەتىنىڭ ءتىلشىسى ۋاڭ جۇنپيڭ
2020.02.11 16:06 كەلۋ قاينارى : حالىق تورابى
● ايروزولمەن تارالۋ ۆيروستىڭ باستى تارالۋ جولى ەمەس، ۆيروستىڭ تارالۋىنا جاسايتىن ىقپالى شەكتى
● ادەتتەگى قىزمەت پەن تۇرمىس شارت – جاعدايىندا، ماسكىنى دۇرىس تاعۋ ارقىلى ءونىمدى ساقتانۋعا بولادى
● ءار كۇنى كەمىندە بەلگىلى ۋاقىتتا تەرەزە اشىپ، اۋانى الماستىرۋعا كەپىلدىك ەتۋ كەرەك
جاڭا تيپتى ايدارشا ۆيروس ايروزول ارقىلى تارالىپ ادامدارعا جۇعۋى مۇمكىن بە؟ جۇڭگو ىندەتتەن ساقتانۋ – تەجەۋ ورتالىعى جۇقپالى اۋرۋلار عىلىمىنىڭ باس مامانى ۋ زۇنيوۋ مىنانى ءبىلدىردى: نازاريالىق جاقتان ايتقاندا، جاڭا تيپتەگى ايدارشا ۆيروستىڭ ايروزولمەن تارالۋى مۇمكىن، الايدا، ونىڭ جۇعىمدالۋعا جەتكىزەتىن ىقپالى شەكتى، بۇكىل ەلىمىزدەگى جاڭا تيپتى ايدارشا ۆيروس ىندەتىنىڭ جالپى تارالۋ ەرەكشەلىگىنەن قاراعاندا، ايروزولدى جاڭا تيپتى ايدارشا ۆيروس وكپە قابىنۋ ىندەتىنىڭ نەگىزگى تارالۋ جولى دەگەن ايتىلىمدى قولدايتىن ىسپاتتاردى ءالى بايقاي المادىم.
ايروزول ارقىلى تارالۋ دەگەنىمىز تۇشكىرىك شاشىراندىسىنىڭ اۋادا جايىلۋ بارىسىندا سۋ قۇرامىنان ايىرىلىپ، ودان قالعان بەلوك پەن اۋرۋ قاينارى تۇلعاسىنان قۇرام تاپقان يادرولىق دەنەنىڭ تۇكىرىك شاشىراندىسى يادروسىن قالىپتاستىرىپ، ايروزول فورماسىندا شار اراپقا تارالىپ، الىس ارالىقتى تارالۋدى تۋىنداتۋىن كورسەتەدى. ۋ زۇنيوۋدىڭ تالداۋىنشا، لوگيكالىق جاقتان الىپ ايتقاندا، تۇكىرىك شاشىراندىسى ارقىلى تارالاتىن جۇقپالى اۋرۋلار ايروزول ارقىلى دا ازدى – كوپتى تارالۋى مۇمكىن. الايدا، قازىر ايروزولدىڭ جاڭا تيپى ايدارشا ۆيروس وكپە قابىنۋ ىندەتىنىڭ نەگىزگى تارالۋ جولدارىنىڭ ءبىرى ەكەنىن دالەلدەيتىن ايقىن ىسپات كەمشىل.
ۋ زۇنيوۋ بىلاي دەپ قارادى: ايروزولمەن تارالۋ فورماسى بار بولعان كۇننىڭ وزىندە، ونىڭ ۇستايتىن سالىستىرماسى وتە از، باستى تارالۋ جولى ەمەس. ەگەر ايروزولمەن تارالۋدى نەگىز ەتەتىن بولسا، جۇقپالى اۋرۋدى تەكسەرۋ بارىسىندا ءبىر ءتۇرلى قۇبىلىس جارىققا شىعادى، كوپتەگەن ناۋقاستار وزىنە ناۋقاستىڭ قايدان جۇققانىن انىق بىلە الماس ەدى. ۇيتكەنى، ايروزول ءبىرشاما ۇزاق ۋاقىت بويى اۋادا قالقىپ جۇرەدى، جۇعىمدالۋشىمەن جاقىن ارادان ۇشىراسپاعان ادامنىڭ دا، قالقىپ جۇرگەن ايروزول ارقىلى جۇعىمدالۋى ىقتيمال ەدى.
«قازىر جۇقپالى اۋرۋ تۋرالى تەكسەرۋگە قاراعاندا، جاڭا تيپتى ايدارشا ۆيروس وكپە قابىنۋ ىندەتىنىڭ 90 پايىزىنا جۋىعىنىڭ دياگنوزى تۇراقتانعان ناۋقاستارمەن جاقىن ارادان ۇشىراسقان تاريحى بار. بۇل تۇكىرىك شاشىراندىسى مەن جاقىن ارادان ۇشىراسۋ ارقىلى تارالۋدىڭ ەرەكشەلىگىنە ساي كەلەدى. سوندىقتان، تۇكىرىك شاشىراندىسى مەن جاقىن ارادان ۇشىراسۋ ارقىلى تارالۋ جاڭا تيپتى ايدارشا ۆيروس وكپە قابىنۋ ىندەتىنىڭ نەگىزگى تارالۋ جولى»، _ دەدى ۋ زۇنيوۋ.
مەملەكەتتىك دەنساۋلىق ساقتاۋ – سالاماتتىق كوميتەتى جاريالاعان «جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ – تەجەۋ جوباسى (سىناق رەتىندە اتقارىلاتىن 5 – نۇسقاسىندا)» بىلاي دەپ اتاپ كورسەتىلگەن: جاڭا تيپتى ايدارشا ۆيروس وكپە قابىنۋ ىندەتىنىڭ نەگىزگى تارالۋ جولى تىنىس جولىنداعى تۇكىرىك شاشىراندىسى مەن جاقىن ارالىقتان ۇشىراسۋ بولىپ تابىلادى، ايروزول مەن اس قورتۋ جولى ارقىلى تارالۋ ەرەكشەلىگى ءالى دە ايقىن ەمەس.
جاي جۇرتشىلىق جونىنەن ايتقاندا، ادەتتەگى قىزمەت شارت – جاعدايىندا، ماسكىنى دۇرىس تاعۋ ارقىلى جۇعىمدالۋدان ءونىمدى قورعانۋعا بولادى. ۋ زۇنيوۋ مىنانى ءبىلدىردى: تۇكىرىك شاشىراندىسى ارقىلى تارالۋ ارالىعى جاقىن، اۋادا قالقىپ جۇرەتىن ۋاقىتى ۇزاق بولمايدى. ەگەر تۇيىق بولمەدە بولماسا، اۋا الماستىرىپ تۇرعان ورىندا تۇكىرىك شاشىراندىسىنىڭ اۋادا قالىپتاستىراتىن ۆيروس قويۋلىعى تومەن بولادى. ءار كۇنى بەلگىلى ۋاقىتتا تەرەزە اشىپ، اۋا الماستىرىپ تۇرۋ ۆيروسپەن جۇعىمدالۋ قاتەرىن تومەندەتۋدىڭ ءونىمدى شاراسى ەسەپتەلەدى. تەرەزەنى اشىپ، اۋانى الماستىرعاندا ءۇيدىڭ جىلۋلىعىن ساقتاۋعا كوڭىل ءبولۋ كەرەك.
«ايروزول جاڭا تيپتى ايدارشا ۆيروستىڭ نەگىزگى تارالۋ جولى بولماعانىمەن، ليفت، ۆاگون سياقتى تۇيىق ورتادا، ءسوزسىز، ماسكى تاعۋ كەرەك»، _ دەپ ەسكەرتتى ۋ زۇنيوۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
