بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تاماقتى «ىستىقتاي ىشۋدەن» ساقتانىڭىز، وڭەش راگىنا شالدىعۋدان اباي بولىڭىز

ليۋ زىرو، جاڭ ليڭيۇي

2020.07.24 13:36     كەلۋ قاينارى : حالىق تورابى

  «اس ادامنىڭ ارقاۋى» دەگەن ءسوز بار، جۇڭگولىقتار تاماقتانۋعا ءمان بەرەدى، كۇندەلىكتى تۇرمىستا كوپتەگەن ادامدار تاماقتى «ىستىقتاي ءىشۋدى» ۇناتادى. مىسالى، شاي ءىشۋدى ۇناتاتىن چاۋشاندىقتار شاي شىعارعاندا قايناق سۋدىڭ تەمپەراتۋراسى ℃90 تان جوعارى بولۋىن تالاپ ەتەدى، تەك بۋى بۇرقىراعان ىستىق كۇيىندە ىشكەندە عانا «بابىندا ءىشۋ» دەپ سانايدى، الايدا، ساناققا قاراعاندا، چاۋشان — وڭەش راگى ەڭ كوپ تۋىلاتىن التى ءوڭىردىڭ ءبىرى. وڭەش راگىنىڭ تۇقىم قۋالاۋ، اراق ءىشۋ قاتارلى فاكتورلارمەن قاتىستى بار بولعانىمەن، چاۋشاندىقتاردىڭ شايدى «ىستىقتاي ءىشۋ» ادەتىنىڭ دە وڭەش راگىنىڭ كوپ تۋىلۋىمەن قاتىسى جوق دەي المايمىز. تەك، شاي ىشكەندە عانا ەمەس، قازاننان جاڭا عانا شىققان ءدامدى تاعامدى جەگەندە دە، ءبىر جاعىنان ۇرلەي وتىرىپ، ءبىر جاعىنان تاماق جەگەندە تاماق ءدامدى سەزىلگەنىمەن، قاربىتىپ جەگەن تاماق اۋىزدى كۇيدىرگەنىمەن قويماي، راكقا شالدىقتىرۋى دا مۇمكىن ەكەنىن كوبىمىز بىلە بەرمەيمىز.

  جۇڭگو — وڭەش راگى اۋرۋىنىڭ تۋىلۋى مەن وسى اۋرۋدان قازا بولۋ مولشەرى ەڭ جوعارى مەملەكەت، بۇل اۋرۋ ەلىمىزدە ءتۇرلى قاتەرلى وسپە اۋرۋلارىنىڭ ىشىندە بەسىنشى ورىندى ۇستاپ، ءجيى ۇشىرايتىن اۋرۋ ەسەپتەلەدى. بۇل اۋرۋعا شالدىقتىراتىن سەبەپ كوپ، مۇندا ازىقتانۋ ادەتى وڭەش راگىنا شالدىقتىراتىن حاۋىپتى سەبەپتەردىڭ ءبىرى ەسەپتەلەدى.

  كوپتەگەن ادامدار ادەتتە قىزمەت جانە تۇرمىس ادەتىنە بايلانىستى تاماقتى وتە تەز جەيتىن، ابدەن شاينامايتىن، تاماقتى ىستىق كۇيىندە ىشەتىن ادەتتەرگە داعدىلانادى. الايدا، تاماقتى وتە ىستىق جەۋ وڭەش كىلەگەيلى قابىعىن زاقىمدايدى، تاماقتى ۇنەمى ىستىق كۇيىندە جەۋ قايتالاي زاقىمدالۋدى تۋىنداتىپ قالماستان، ۋاقىت ۇزارا كەلە، كىلەگەيلىك قابىقتىڭ جاي قابىنۋىنا اپارىپ سوعادى ءارى بىرتىندەپ قالىڭداۋ سيپاتتى اۋرۋ وزگەرىسىنە اينالادى، مۇندا جەڭىل دارەجەدە قالىڭداۋ، ورتا دارەجەدە قالىڭداۋ جانە اۋىر دارەجەدە قالىڭداۋ قامتىلادى.

  وڭەش راگىنا شالدىعۋدىڭ باسقا دا سەبەپتەرى بار، ءبىراق، مۇنىڭ ءبارى ءبىزدىڭ ازىقتانۋ ادەتىمىزبەن تىعىز قاتىستى. مىسالى، قاتقىل تاماقتاردى جەۋ، كوگەرگەن تاعامداردى جەۋ، قورەكتىك جەتىسپەۋ قاتارلىلار، كوگەرگەن ازىقتىقتىڭ قۇرامىندا فلاۆاتسين نەمەسە ازوتتى قىشقىل تۇزدارى قالىپتاساتىندىقتان، ولار وڭەشتە حيميالىق سيپاتتى زاقىمدالۋ تۋدىرادى، مۇنداي زاقىمدالعان ورىندا تىكەلەي الدىمەن نوقاتتاي ورىندا اۋرۋ وزگەرىسى قالىپتاسىپ، ونان سوڭ، كولەمى بارعان سايىن ۇلعايىپ، ەڭ سوڭىندا راكقا اينالادى.

  كۇندەلىكتى تاماقتانۋ بارىسىندا راكتان قالاي ساقتانۋ كەرەك؟

  1. تاماقتى وتە ىستىق ىشپەۋ كەرەك، ادەتتە 40 سەلسي گرادۋس اينالاسىندا بولسا ءبىرشاما ۇيلەسىمدى بولادى.

  2. تاماقتى وتە تەز جەمەۋ كەرەك.

  تاماقتى وتە تەز جەۋ، وتە ىستىق جەۋ وڭەشكە بەلگىلى مولشەردە زيان جەتكىزۋدەن سىرت، بۇكىل اس قورىتۋ جۇيەسىن دە زاقىمدايدى. راكقا شالدىقپادى دەگەن كۇننىڭ وزىندە، قۇرىلىمى نازىك وڭەش قايتا – قايتا ىستىق تاماقپەن زاقىمدالا بەرگەن سوڭ، قابىنۋ، ويىق جارا ءتۇسۋ قاتارلى ءبىرقىدىرۋ ماسەلەلەر تۋىنداۋى مۇمكىن. كوپتەگەن حاۋىپتى فاكتورلاردان كۇندەلىكتى تۇرمىستاعى ادەتىمىزدى وزگەرتۋ ارقىلى ساقتانۋعا بولادى، سوندىقتان، حاۋىپتى وسپە جونىنەن ايتقاندا، ودان ساقتانۋ وتە ماڭىزدى.

  سۇحبات قابىلداعان مامان: جۇڭگو مەديتسينا اكادەمياسى وسپە اۋرۋلارى ەمحاناسى كوكىرەك سىرتقى اۋرۋلار ءبولىمىنىڭ مەڭگەرۋشى شيپاگەرى گاۋ شۋگىڭ

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار