ىندەتتەن ساقتانۋ ساباقحاناسى: قولدىڭ تازالىعىن ساقتاۋ — ىندەتتەن ساقتانۋ جانە ونى تىزگىندەۋدەگى ماڭىزدى شارا
مىناداي 10 ءتۇرلى جاعدايدا قولدى، ءسوزسىز، دەر كەزىندە جۋۋ كەرەك
2020.07.27 15:59
7 – ايدىڭ 23 – كۇنى بەيجيڭ قالاسىنىڭ جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە تىزگىندەۋ قىزمەتى جونىندەگى 160 – رەتكى اقپار جاريالاۋ جيىنىندا، بەيجيڭ قالالىق اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى پاڭ شيڭحو مىنانى ءبىلدىردى: قولدىڭ تازالىعىن ساقتاۋ — ىندەتتەن ساقتانۋ جانە ونى تىزگىندەۋدەگى ماڭىزدى شارا.
پاڭ شيڭحو مىنانى ەسكەرتتى: تومەندەگىدەي جاعدايلار بولعاندا قولدى، ءسوزسىز، دەر كەزىندە جۋۋ كەرەك: سىرتتان ۇيگە قايتىپ كەلگەندە، الدىمەن قول جۋۋ كەرەك، زات جانە ازىق – تۇلىك ساتىپ العان سوڭ قولدى جۋۋ كەرەك؛ ماسكى تاعاردان بۇرىن، ماسكىنى العان سوڭ قولدى جۋۋ كەرەك؛ كوزدى ۋقالايتىن كەزدە، جاسىرىن كوز اينەك تاعاردان بۇرىن قولدى جۋۋ كەرەك؛ تاماق دايىنداۋدىڭ الدىندا، تاماق جەۋدىڭ الدىندا، دارەتحاناعا بارعان سوڭ قول جۋۋ كەرەك؛ الەۋمەتتىك ورىنداردا سۇيەنىشتەر، ەسىك تۇتقاسى، ليفت كنوپكاسى، دەنە تاربيە اسپاپتارى قاتارلى الەۋمەتتىك قۇرىلعىلارعا جاناسقان سوڭ قولدى جۋۋ كەرەك؛ اقشا ۇستاعان سوڭ، جەدەل جولدامانى قابىلداعان سوڭ قولدى جۋۋ كەرەك؛ قول تىنىس جولىنان بولىنگەن سۇيىقتىقتارمەن بىلعانعان سوڭ (مىسالى، كوز جاسىنا، ماڭقاعا، قاقىرىققا جانە سىلەكەيگە جاناسقان سوڭ، جوتەلگەندە نەمەسە تۇشكىرگەندە قولمەن توسقان سوڭ) قولدى جۋۋ كەرەك؛ ەمحاناعا بارىپ كەلگەن سوڭ قولدى جۋۋ كەرەك، قىزۋى ورلەۋ نەمەسە جوتەلۋ سىندى تىنىس جولى جۇعىمدالۋ بەلگىلەرى بار، ياكي، قۇسۋ، ءىشى ءوتۋ قاتارلى اس قورىتۋ جولى اۋرۋ بەلگىلەرى بار ناۋقاستاردى كۇتىمدەگەن سوڭ قول جۋۋ كەرەك؛ بىلعانعان زاتتاردى ءبىرجاقتىلى ەتكەن سوڭ، سونداي – اق، حايۋاناتتارعا، حايۋاناتتاردىڭ جەم – شوبىنە، حايۋاناتتاردىڭ ۇلكەن – كىشى دارەتىنە جاناسقان سوڭ قولدى جۋۋ كەرەك.
قول جۋعان كەزدە، كىر سابىنمەن نەمەسە قول جۋۋ سۇيىقتىعىمەن الاقاندى، ساۋساقتاردىڭ اراسىن، باسقارماقتى، تىرناقتاردىڭ قۋىسىن، قولدىڭ بىلەزىگىن مۇقيات ىسقىلاپ، تازا سۋمەن 20 سەكۋندتان استام ۋاقىت جۋۋ كەرەك. ماماندار جۇرتقا سىرتقا شىققان كەزدە قولدى ديزەنفەكسيالاۋ سۇيىقتىعى مەن ديزەنفەكسيالاۋ ورامالىن الا ءجۇرىپ، قول جۋۋعا شارت – جاعداي بولماعان كەزدە، دەر كەزىندە قولدى ديزەنفەكسيالاپ وتىرۋدى ەسكەرتەدى.
ەرەكشە ەسكەرتۋدى قاجەت ەتەتىن ءتۇيىن: بوبەكتەردى، قارتتاردى، توسەك تارتىپ جاتقان ناۋقاستاردى كۇتىمدەگەن كەزدە، كۇتىمدەۋ وبيەكتىسىنە جۋىسۋدان بۇرىن، ۇلكەن – كىشى دارەتتى ءبىرجاقتىلى ەتكەننەن كەيىن، ءسوزسىز، قول جۋۋ كەرەك. بوبەكتەردى كۇتىمدەگەن اتا – انالار، كۇتىمدەۋشىلار، بوبەكتەرگە تاماق بەرۋدەن بۇرىن، ءسوزسىز، قول جۋۋدى ۇمىتپاۋى كەرەك. اتا – انالار بالالارعا جەتى باسقىش بويىنشا قول جۋۋ ءتاسىلىن ۇيرەتۋى، بالالاردى قايتا – قايتا قول جۋۋعا، زاتتاردى الباتى سيپاماۋعا قۋزاپ، بالالاردى ىرىقتىلىقپەن قولدى دۇرىس جۋۋعا، تاماشا دەنساۋلىق ادەتىن قالىپتاستىرۋعا جەتەلەۋى كەرەك.
قاتىستى بىلىمدەر: قولدى تازا جۋۋدىڭ التى باسقىشتى قول جۋۋ ءتاسىلىن دۇرىس مەڭگەرۋ كەرەك
① ەكى الاقاندى ءبىر – بىرىنە ىسقىلاپ جۋۋ (ەكى الاقاندى جۇپتاپ، بەس رەت ىسقىلاپ جۋۋ)؛
② ەكى قولدىڭ ساۋساقتارىن ايقاستىرىپ، ساۋساقتاردىڭ اراسىن جۋۋ (ەكى قولدى كەزەكپەن ءبىر قولدىڭ الاقانىمەن تاعى ءبىر قولدىڭ سىرتىن جۇپتاپ، ەكى قولدىڭ ساۋساقتارىن ءبىر – بىرىنە ايقاستىرىپ، بەس رەتتەن ىسقىلاپ جۋۋ)؛
③ الاقان مەن الاقاندى جۇپتاپ، ساۋساقتاردىڭ اراسىن جۋۋ (ەكى الاقاندى جۇپتاپ، ساۋساقتاردى ايقاستىرىپ، بەس رەتتەن ىسقىلاپ جۋۋ)؛
④ ساۋساقتاردىڭ ۇشىمەن الاقاندى ىسقىلاپ جۋۋ، وڭ قول مەن سول قول ۇقساس (ساۋساقتاردىڭ ۇشىمەن ەكى الاقاندى كەزەك - كەزەك بەس رەتتەن ىسقىلاپ جۋۋ)؛
⑤ ءبىر قولمەن ەكىنشى قولدىڭ باس بارماعىن ىسقىلاپ جۋۋ، وڭ قول مەن سول قولدى اۋىستىرىپ، ءار بىرەۋىن بەس رەتتەن ىسقىلاپ جۋۋ؛
⑥ ساۋساقتاردى بۇگىپ، ساۋساقتىڭ بۋىنىمەن ەكىنشى قولدىڭ الاقانىن اينالدىرا ىسقىلاپ جۋۋ، ەكى قولدى اۋىستىرىپ، ءار بىرەۋىن بەس رەتتەن ىسقىلاپ جۋۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
