بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

پسيحولوگيا مامانى مىناداي ۇسىنىس بەردى:

ىندەتكە قاتىستى ينفورماتسيالارعا شەكتەن تىس نازار اۋدارۋدىڭ قاجەتى جوق

2020.08.07 13:31     كەلۋ قاينارى : حالىق تورابى


  ىندەت تۋىلعان سوڭ، كەيبىرەۋلەر قاتتى ابىرجىپ، ۆيروسپەن جۇعىمدالىپ قالدىم با دەپ كۇمانداناتىن، نەمەسە، ۇنەمى ءبىرشاما جاعىمسىز اقپاراتتارعا نازار سالاتىن بولادى، مۇنداي جاعدايدا پسيحولوگيالىق جاقتان قالاي توتەپ بەرۋ كەرەك؟ ءۇرىمجى قالالىق 4 – حالىق ەمحاناسى پسيحولوگيالىق جاقتان تەكسەرۋ – باعا بەرۋ ءبولىمىنىڭ مەڭگەرۋشىسى شيا يەليڭ بىلاي دەپ قارايدى: جۇرتتىڭ ىندەتكە قاتىستى ينفورماتسيالارعا ايىرىقشا نازار اۋدارىپ كەتۋىنىڭ قاجەتى جوق، تۇراقتى ۋاقىتتا بەدەلدى تاراۋلار جاريالاعان ينفورماتسيالارعا نازار اۋدارىپ قويسا بولعانى.

  8 – ايدىڭ 6 – كۇنى ساعات 17 دە، شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسى ءۇرىمجى قالاسىنداعى جاڭا تيپتى ايدارشا ۆيروس وكپە قابىنۋ ىندەتى جانە ىندەتتەن ساقتانۋ – تىزگىندەۋ قىزمەتى جونىندەگى 20 – رەتكى اقپار جاريالاۋ ءماجىلىسىن اشتى، شيا يەليڭ ىندەتتىڭ كوپشىلىكتىڭ كوڭىل – كۇيىنە ىقپال ەتكەن كەرى اسەرى جونىندە كاسىپتىك جاقتان ۇسىنىس بەردى.

  شيا يەليڭ بىلاي دەدى: ىندەتتىڭ تۋىلۋى كوپشىلىكتىڭ كوڭىل – كۇيىنە كەرى اسەر ەتەدى، ناشار كوڭىل – كۇي جالعاسا بەرە بەلگىلى دەڭگەيگە جەتكەندە، پسيحولوگيالىق جاقتان جۇيكەلىك ىشكى سەكرەتسيا جۇيەسى مەن جۇيكەلىك يممۋنيتەت جۇيەسىنىڭ قىزمەتىنە اسەر ەتىپ، سونىڭ سالدارىنان قوبالجۋ، تىنىسى تارىلۋ، دارمەنسىزدەنۋ، اسقازان – ىشەك قىزمەتىنىڭ رەتسىزدەنۋى، تەرلەۋ، ۇيقىسى قاشۋ قاتارلى اۋرۋ بەلگىلەرى بايقالۋى مۇمكىن. پسيحولوگيالىق جاقتان ايتقاندا، تانىم قۋاتىنىڭ تومەندەۋىن دە تۋىنداتادى، پارىقتاۋ قۋاتى مەن توتەپ بەرۋ قۋاتىن تومەندەتەدى، ءتىپتى كوڭىل – كۇيدى تەجەي المايتىن كۇيگە ءتۇسىرۋى دە مۇمكىن.

  شيا يەليڭ مىناداي ۇسىنىس بەردى: ىندەتكە عىلىمي تۇردە مامىلە جاساۋ، قاجەتسىز قوبالجۋدى ازايتۋ كەرەك. بىرىنشىدەن، قوبالجۋ مەن ۋايىمداۋ جونىندە دۇرىس تانىم ورناتۋ كەرەك. حاۋىپ – قاتەرگە ءدوپ كەلگەندە، قوبالجۋ مەن ۋايىمداۋ بولاتىندىعى قالىپتى جاعداي، حاۋىپ – قاتەرگە دوپ كەلگەن كەزدە ادامداردىڭ بارلىعىندا بولاتىن نىساي بولىپ، بۇل ادامنىڭ حاۋىپ – قاتەردى دۇرىس تانۋىنا، ودان ساقتانۋىنا جانە توتەپ بەرۋىنە پايدالى. ءبىز ونى جويىپ جىبەرۋگە ۇرىنعاننان گورى، ونى قابىلداۋعا ادەتتەنگەنىمىز ابزال.

  ەكىنشىدەن، ىندەتتى، ءسوزسىز، جەڭىپ شىعاتىنىمىز جونىندە بەرىك سەنىم ورناتۋىمىز كەرەك. ءبىزدىڭ قازىرگى مەديتسينالىق ورەمىزگە، ىندەتتى جەڭىپ شىعاتىنىمىزعا بەرىك سەنىم ورناتۋ كەرەك. وتە – موتە، جۋىردان بەرى، دياگنوزى تۇراقتانعانداردان جازىلىپ ەمحانادان شىققاندار مەن اۋرۋ بەلگىسى جوق جۇعىمدالۋشىلاردان مەديتسينالىق باقىلاۋدان شىعارىلعاندار جايلى حاباردىڭ كۇن سايىن جاريالانىپ جاتقانىن كورە ءبىلۋىمىز كەرەك، ءبىزدىڭ ەمدەۋ جوبامىز بەن ەمدەۋ تەحنيكامىز ءبىرشاما تولىسقان دەڭگەيدە.

  ۇشىنشىدەن، قاجەتتى ساقتىق شارالارىن ويداعىداي ىستەۋىمىز قاجەت. مامانداردىڭ ۇسىنىسىنا بويسۇنىپ، ءۇيدىڭ اۋاسىن ۇنەمى الماستىرىپ تۇرۋ، قولدى ۇنەمى جۋۋ، بولمە ءىشىنىڭ تازالىعىن ساقتاۋ قاتارلىلاردى ويداعىداي ورىنداۋىمىز كەرەك. وسىلاي ىستەۋ ارقىلى اۋرۋدىڭ تارالۋ جولىن ۇزۋىمىزگە، جۇعىمدالۋ ىقتيمالدىعىنان ساقتانۋىمىزعا بولادى.

  تورتىنشىدەن، ءتان ساۋلىعى مەن جان ساۋلىعىنا كوڭىل ءبولۋىمىز كەرەك. ريتىمدى، تاماشا تۇرمىس ادەتىن قالىپتاستىرىپ، ۇيقىنى قاندىرۋ مەن جاقسى تاماقتانۋعا كەپىلدىك ەتىپ، ۇيلەسىمدى تۇردە دەنە شىنىقتىرىپ، تاماشا كوڭىل – كۇيدى ساقتاۋىمىز كەرەك.

  بەسىنشىدەن، ىندەت جونىندەگى ينفورماتسيالارعا بايسالدىلىقپەن نازار اۋدارۋ قاجەت. بەدەلدى تاراۋلار جاريالاعان ينفورماتسيالارعا ءارى كاسىپتىك قۇرىلىمدار جاريالاعان ساقتانۋ – ەمدەۋ شارالارىنا، بەدەلدى ماماندار جازعان عىلىمدى جالپىلاستىرۋ بىلىمدەرىنە دەر كەزىندە نازار اۋدارعان ءجون. ىندەت جونىندەگى اقپاراتتارعا شەكتەن تىس نازار اۋدارۋدىڭ قاجەتى جوق، وسەك – اياڭعا سەنۋگە، وسەك – اياڭ تاراتۋعا مۇلدە بولمايدى.

  التىنشىدان، قاجەت بولعان كەزدە پسيحولوگيالىق كەڭەس الۋ كەرەك. قوبالجۋ جانە جابىعۋ، ۇيقىسى قاشۋ، ۇنەمى ۇرەيلى ءتۇس كورۋ، وڭاي اشۋلانۋ قاتارلى جاعدايلار بايقالعان بولسا، ينتەرنەت ارقىلى نەمەسە تەلەفوندا حابارلاسۋ قاتارلى جولدارمەن كاسىپتىك جاقتان پسيحولوگيالىق كەڭەس الۋ كەرەك، ءبىز دە كوپشىلىككە پيسيحولوگيالىق جاقتان ويداعىداي قىزمەت وتەۋگە بار كۇشىمىزدى سالامىز. (تيانشان تورابىنىڭ تىلشىلەرى گو ليڭ، دوۋ شيڭجۇن، يىن تۇڭيۋان، جانات تولقىن ۇلى حابارلايدى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار