ۇيلەسىمدى ارەكەتتەنۋدىڭ رولى قان قىسىمىن تومەندەتەتىن دارىمەن بارابار
بەيجيڭ داشۋەسى حالىق ەمحاناسى جۇرەك ىشكى اۋرۋلار ءبولىمىنىڭ مەڭگەرۋشى شيپاگەرى ليۋ جيان
2020.08.11 15:50 كەلۋ قاينارى : حالىق تورابى
بىرنەشە كۇن الدىندا ناۋقاس تەكسەرۋ بارىسىندا، جوعارى قان قىسىمى بار دەپ جاڭادان دياگنوزى تۇراقتاندىرىلعان ناۋقاسقا جولىقتىم، ول مەنەن: «جوعارى قان قىسىمى اۋرۋىنا شالدىققان ادام ارەكەت جاساسا بولا ما، بولماي ما؟ ارەكەت جاساۋ جوعار قان قىسىمىن اسقىندىرىپ جىبەرە مە؟»، — دەپ سۇرادى.
ناۋقاستارعا دياگنوز قويۋ بارىسىندا، وسى تەكتەس سۇراۋ قوياتىندار كوپ كەزىگەدى، الايدا، بۇل سۇراۋدىڭ جاۋابىن كەسەتىپ ايتۋعا بولادى: جوعارى قان قىسىمى بار ناۋقاستار ارەكەت جاساسا بولادى. سىرتتاي قاراعاندا، ارەكەت جاساۋ قان قىسىمىن ءبىر مەزەت جوعارىلاتىپ جىبەرەتىندەي ءبىلىنۋى مۇمكىن، الايدا، كوپتەگەن زەرتتەۋ ناتيجەلەرىنىڭ راستاۋىنشا، جۇيەلى ارەكەتتەنۋدىڭ رولى قان قىسىمىن تومەندەتەتىن ەڭ جاقسى دارىلەرمەن بارابار: وتتەكتى ارەكەت قان قىسىمىن سىناپ باعاناسى بويىنشا 5 – 7 ميلليمەتر تومەندەتە الادى، كەدەرگى كۇشىنە قارسى قوزعالىس قان قىسىمىن سىناپ باعاناسى بويىنشا 2 – 3 ميلليمەتر تومەندەتە الادى؛ ارەكەت جاساۋ ارقىلى جۇرەك – قان تامىر حاۋىپ – قاتەرىن %20 – 30 تومەندەتۋگە بولادى.
جوعارى قان قىسىمى اۋرۋى بار ناۋقاستارعا ارەكەت ءتۇرى بويىنشا شەكتەمە قويىلمايدى، تەك ءوزى ۇناتاتىن، حاۋىپسىز سپورت تۇرلەرىنىڭ بارىنە قاتىناسۋىنا بولادى، مىسالى، تەز ءجۇرۋ، باياۋ جۇگىرۋ، ۆەلوسيپەت ءمىنۋ، الاڭ ءبيىن بيلەۋ، شىنىعۋ گيمناستيكاسىن ويناۋ، تاۋعا شىعۋ قاتارلى وتتەكتى ارەكەتتەردى ىستەۋگە بولادى، اپتاسىنا تاعى ءىشىنارا كۇش – قۋاتتىق شىنىعۋدى ۇيلەسىمدى تۇردە ارتتىرۋعا بولادى، مىسالى، ەتپەتتەي كوتەرىلىپ – ءتۇسۋ، شىنتاقپەن جەردى تىرەپ، دەنەنى تاقتاشا ءتۇزۋ ۇستاۋ قاتارلى ارەكەتتەر. ارەكەت جيىلىگى قالىپتى ادامدارمەن بىردەي بولسا بولادى، اپتاسىنا كەمىندە 3 – 5 رەت، ءار رەتتە 30 مينۋتتان استام بولعان ورتا دەڭگەيدەگى كۇشەمەلىلىكتەگى وتتەكتى ارەكەتپەن شۇعىلدانۋعا بولادى، ەڭ جاقسىسى ءار كۇنى ارەكەتتەنگەن ءجون.
ورتا دەڭگەيدەگى كۇشەمەلىلىك دەپ وتىرعانىمىز جۇرەك قاعىسىن ءبىراز تەزدەتەتىن، ازداپ تەر شىعاراتىن، ادام ءوزىن از شارشاعانداي سەزىنەتىن، ارەكەت بارىسىندا تىنىس الۋ جيىلىگى تەزدەپ، بولار – بولماس ەنتىگەتىن، باسقالارمەن سويلەسە العانىمەن، ءان ايتا المايتىن مولشەردەگى ارەكەتتى كورسەتەدى، قادام قارقىنىنان الىپ قاراعاندا، ءار مينۋتتا 120 قادام بولادى؛ جۇرەك قاعىسىنان الىپ قاراعاندا، 170 سانىنان جاس مولشەرىن الىپ تاستاعانمەن تەڭ بولۋى كەرەك. ونىڭ ۇستىنە، ارەكەت جاساعاننان كەيىن 10 مينۋت اينالاسىندا دەمالعاندا، تىنىس الۋ مەن جۇرەك قاعىسى قالپىنا كەلسە نەمەسە قالىپتى جاعدايعا جۋىقتاسا ەڭ ۇيلەسىمدى بولادى؛ ەگەر قالپىنا كەلە الماسا، وندا ارەكەت كۇشەمەلىلىگى شەكتەن اسىپ كەتكەن ەسەپتەلەدى.
جوعارى قان قىسىمى بارلار ارەكەت جاساۋ بارىسىندا مىناداي ءتورت ءتۇرلى تۇيىنگە نازار اۋدارۋى كەرەك: 1. قان قىسىمى اسا جوعارى بولسا ارەكەت جاساماۋى كەرەك: تىنىش تۇرعان كەزدەگى قان قىسىمى سىناپ باعاناسى بويىنشا 110/180 ميلليمەتردەن اسىپ كەتسە، ورتا دارەجەدەگى نەمەسە ودان جوعارى كۇشەمەلىلىكتەگى ارەكەتپەن شۇعىلدانۋعا بولمايدى؛ 2. ارەكەتتەنۋ ۋاقىتىن تاڭداۋ: جوعارى قان قىسىمى بار ادامنىڭ تاڭ سارىدەگى قان قىسىمى ۇنەمى ءبىرشاما جوعارى ورەدە بولادى، ەڭ جاقسىسى تۇستەن كەيىن نەمەسە كەشتە ارەكەت جاساعانى ءجون؛ 3. دايىندىق جاساۋ ارەكەتى مەن بوي جازۋعا نازار اۋدارۋ كەرەك: رەسمي ارەكەتتەنۋدەن بۇرىن، 5 – 10 مينۋت اينالاسىندا دايىندىق ارەكەتىن ىستەۋ ارقىلى جارالانىپ قالۋدان ساقتانۋ كەرەك. ارەكەت جاساعاننان كەيىن دەرەۋ توقتاپ قالماي، ارەكەت قارقىنىن باياۋلاتۋعا نەمەسە بوي جازۋ ارەكەتتەرىن ىستەۋگە بولادى؛ 4. دەنەدەگى اۋرۋ بەلگىلەرىنە نازار اۋدارۋ كەرەك: ارەكەت بارىسىندا، وزىندەگى اسەرىنە باسا ءمان بەرۋ كەرەك، ەگەر تىنىس الۋ تەزدەپ، جۇرەك قاعىسى وتە تەز بولسا نەمەسە رەتسىز بولسا، قارقىندى باياۋلاتۋ نەمەسە دەمالۋ كەرەك، ەگەر كوكىرەگى، يەگى نەمەسە بىلەگى قاتارلى جەرلەر اۋىرسا، ارەكەتتى دەرەۋ توقتاتۋ ءارى دەرەۋ ەمحاناعا بارۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
