بالانى عىلىمي جولمەن تاربيەلەۋدىڭ ينفورماتسيالىق ورتاسىن قالىپتاستىرايىق
ۋ جيايىڭ
2020.08.14 14:30 كەلۋ قاينارى : حالىق تورابى
قازىر، بالا تاربيەسىنە قاتىستى ءتۇرلى تانىمدار تولاسسىز جارىققا شىعۋدا، بالا تاربيەسىنە قاتىستى ۋيچات تەكشەلەرى، كەسكىندى باعدارلامالار ۇزدىكسىز وقىرمانعا جول تارتۋدا، تەلەگەي تەڭىزدەي ينفورماتسيالار اراسىنان شىن – جالعانىن قالاي پارىقتاۋعا بولادى، قايتكەندە ءدانىن الىپ قاۋىزىن تاستاۋعا بولادى دەگەن ماسەلە جاس اتا – انالاردىڭ باسىن قاتىرۋدا. جۋىرداعى ءبىر ساناق ناتيجەسى وسى ءتۇيىندى راستايدى: بالا تاربيەسىنە قاتىستى تۇسىنبەيتىن نارسەلەرگە جولىققاندا، ساۋالناماعا قاتىناسقان اتا – انالاردىڭ %91.0 ى بالا تاربيەسىنە قاتىستى جەكەلىك اقپارات قۇرالدارىن ىزدەستىرەدى ەكەن، الايدا، ساۋالناماعا قاتىناسقان اتا – انالاردىڭ %60.5 ى جەكەلىك اقپارات قۇرالدارىندا قاجەتسىز ينفورماتسيالار وتە كوپ دەپ قارايدى ەكەن.
«ەشكىم دە تۋادا اتا – انا بولۋدى ءبىلىپ تۋمايدى». تولىمدى اتا – انا بولۋ ءۇشىن شىن پەيىلمەن كۇش سالۋدان سىرت، قاجەتتى ءبىلىم قورىن جيناۋ قاجەت بولادى. بالا ىڭگالاپ ءومىر ەسىگىن اشقان ساتتەن باستاپ، نارەستەنىڭ بەسىگىنەن تارتىپ، ونىڭ جەيتىن قوسىمشا ازىقتىقتارىنا دەيىن، ول دىبىستاۋدى ۇيرەنگەننەن تارتىپ، شەتەل ءتىلىن ۇيرەنگەنگە دەيىن، اۋەسىنە ساي كلاستارعا قاتىناسقاننان تارتىپ، جوعارىلاپ وقۋ ەمتيحانىنا دەيىن، بالا ەرجەتۋ بارىسىندا كوپتەگەن جاس اتا – انالاردىڭ «بىلىمنەن» قامال الۋى قاجەت بولادى. ءداستۇرلى بالا تاربيەسى تانىمىمەن سالىستىرعاندا، ينتەرنەتكە يەك سۇيەۋ دارەجەسى ءبىرشاما جوعارى بولعان جاڭا ۇرپاق اتا – انالار بالانى عىلىمي جولمەن تاربيەلەۋدى كوكسەيدى، تانىمدىق جاقتا اناعۇرلىم اشىق، دەربەس ۇيرەنۋ قابىلەتتەرى ءبىرشاما كۇشتى بولادى، ولار بالانى مۇقيات تاربيەلەۋ جاعىنداعى قاجەتتىلىكتەرىن تولىق قامتۋدى ويلايدى. ساناققا قاراعاندا، 2018 – جىلى ەلىمىزدە انالار مەن سابيلەرگە قاتىستى كاسىپ سالاسى بازارىنىڭ كولەمى 2.7 تريلليون يۋانعا جەتكەن، مەجەمەن 2020 – جىلى 3 تريلليون يۋاننان اسادى. قاجەتسىنۋدىڭ جەبەۋىندە، بالا تاربيەسىنە قاتىستى بىلىمدەردى ءبولىسۋ بازارىنداعى ۇلەس تەز ارادا ۇلعايىپ، تىڭ تۇتىنۋ ءورىسىن قالىپتاستىردى.
قازىر، ينتەرنەتتە كاسىپتىك ورەسى جوعارى، بالا تاربيەسىنە ساپالى تۇردە جەتەكشىلىك ەتەتىن كوپتەگەن ۋيچات تەكشەلەرى جارىققا شىقتى، الايدا، بالا تاربيەسى بازارىنداعى اۋقىمعا جاسىرىنعان ماسەلەلەرگە سەلقوس قاراۋعا بولمايدى. «بالا تاربيەسىنە قاتىستى ۇنەمى ۇشىرايتىن 5 ءتۇرلى قاتە تۇسىنىك، اتا – انالاردىڭ %99 ىنىڭ باسىنان وتكەن»، «ۇيقى مامانى ۇيقىسىز تەنتەككە قالاي توتەپ بەرۋدى ۇيرەتەدى»، «بالاڭىزدى ۇيرەنۋگە قۇشتار ەتەتىن ءادىس، اتا – انالار توبىندا جاپپاي تارالعان بالا تاربيەلەۋ ءادىسى» ... ءىشىنارا جەكەلىك اقپارات قۇرالدارى نەمەسە بالا تاربيەسىنە قاتىستى قۇرىلىمدار اتا – انالاردىڭ ۋايىمىنان پايدالانىپ، تىقپالاي وتكەرمەلەۋدى ورىستەتىپ، ادامدى شوشىندىرارلىق تاقىرىپتارمەن وقىرماننىڭ كوزىن ارباپ، ءبىلىمدى ورتاقتاسۋ دەگەن جەلەۋمەن ساپاسىز ونىمدەرىن ساتۋدا، ءتىپتى عىلىمعا جات نارسەلەردى ويدان – قىردان قۇراستىرۋدا. قاتىستى تاراۋلار، ءسوزسىز، «كورنەۋ قولدىڭ» جونگە سالۋ، باقىلاۋ – جەتەكشىلىك ەتۋ رولىن تولىق ساۋلەلەندىرىپ، بالا تاربيەسىنە قاتىستى جەكەلىك اقپارات قۇرالدارىن قوعامدىق ونىمدىلىككە دە اناعۇرلىم ءمان بەرۋگە جەتەلەپ، بالا تاربيەسى بازارىنىڭ زاڭ – تۇزىمگە ساي كەلەتىن ارنامەن جۇرۋىنە ءجون سىلتەۋ كەرەك، سوندا عانا كاسىپ كوزىن اشۋشى مەن تۇتىنۋشى، ەكونوميكا سالاسى مەن ءتالىم - تاربيە سالاسى بىردەي يگىلىككە كەنەلە الادى.
بالالار — وتاننىڭ بولاشاعى، ۇلتتىڭ ءۇمىتى. مەيىرمەن ماپەلەپ، ىقىلاسپەن تاربيەلەپ، عىلىمي، اقاۋسىز، بايىپتى تاربيە ورتاسىن قالىپتاستىرعاندا عانا، بالالار كۇن شۇعىلاسىمەن تولىسىپ ەرجەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
