تۇستە ۇيىقتاۋ دەنساۋلىققا پايدالى
2020.08.14 16:21 كەلۋ قاينارى : حالىق تورابى
ٵر كۇنى تۇسكى تاماقتان كەيىن، ءبىر مەزگىل قاتتى قالجىراعانداي سەزىنىپ، ۇيقىڭىز كەلە مە؟ ەگەر سويتسەڭىز، قينالماي-اق، جاقسىلاپ كوز شىرىمىن الىڭىز!
نە ءۇشىن تۇستە ۇيىقتاۋ كەرەك؟
جۇڭگوشا شيپاگەرلىكتە، ۇيقى ءبولىمدى – بولىمسىزدىقتىڭ ءتۇيىلىسۋىنىڭ ناتيجەسى، سونىمەن بىرگە تۇسكى ۇيقى دا ءبىر ءتۇرلى فيزيولوگيالىق قاجەت دەپ قارايدى. زەرتتەۋگە قاراعاندا، دەنەدەگى گورموننىڭ ءبىر كۇن ىشىندەگى ءبولىنىپ شىعۋ مولشەرى ۇزدىكسىز وزگەرىپ وتىرادى. سوندىقتان ءبىزدىڭ ءبىر كۇننىڭ ىشىندە ەكى رەت قاتتى ۇيقىمىز كەلەدى،ءبىرى تۇنگى ساعات 11دەن تاڭعى ساعات 1گە دەيىنعى ارالىق، ەندى ءبىرى تۇستەن كەيىنگى ساعات 1دەن 2گە دەيىنگى ارالىق. تۇسكى تاماقتان كەيىن اس قورىتۋ قاجەتى ءۇشىن ميدىڭ قانمەن قامداۋى ۋاقىتشا ازايادى، ونىڭ ۇستىنە تۇستەن بۇرىنعى قىزمەتتەگى شارشاۋ مەن قاربالاستىق ۋاقىتتىق باسەڭدەيدى، ۇيقىنىڭ كەلۋى دە ءبىرشاما تابيعي بولادى، مۇنداي فيزيولوگيالىق كۇي تۇستەن كەيىن ۇيقىنى كەلتىرەدى.
تۇسكى ۇيقى ادامنىڭ كۇندىز بولاتىن ۇيقى قاجەتىن قاناعاتتاندىرادى. تۇستەن بۇرىنعى قىزمەت جانە ۇيرەنۋدەن دەنە قاتتى قالجىرايدى، جاڭا ەنەرگيا تولىقتاۋعا تۋرا كەلەدى، ونىڭ ۇستىنە فيزيولوگيالىق تولقۋ، سونداي - اق اسقازانداعى استىڭ دەنەدەگى ەنەرگيانى قورىتۋىنا بايلانىستى ادامنىڭ دەنە تەمپەراتۋراسى تۇستەن كەيىن ءبىر كۇننىڭ ىشىندە ەڭ تومەن بولىپ، ادامنىڭ ورتاعا بولعان سەزىمتالدىعىن تومەندەتەدى. وسى كەزدە تۇسكى ۇيقىنىڭ ءونىمى ەڭ جاقسى بولادى.
تۇسكى ۇيقى دەنەنىڭ شارشاپ - شالدىعۋىن جەڭىلدەتەدى، ۇلكەن ميدىڭ دەمالۋىنا پايدالى ءارى دەنەنىڭ اۋرۋعا شالدىعۋ ىقتيمالدىعىن تومەندەتەدى. ەگەر تۇسكى تاماقتان كەيىن دەرەۋ جۇمىس ىستەسە، ازىقتىڭ قورىتىلۋىنا ءتيىمسىز بولادى، باس اينالۋ، ۇيقىسىزدىق قاتارلى ماسەلەلەردى وڭاي كەلتىرىپ شىعارادى، سالماقتى بولعاندا مي سوققىسى، جۇرەك بۇلشىق ەتىنىڭ ولەتتەنۋىنە تۋدىرادى. ال تۇسكى ۇيقى دەنەنى جەتكىلىكتى دەمالدىرىپ، اۋرۋدىڭ تۋىلۋ مۇمكىندىگىن تومەندەتەدى. تۇندە جاقسى ۇيىقتاي المايتىندار نەمەسە تۇنگى ۇيقىنىڭ ۋاقىتى تولمايتىندار جونىنەن العاندا، تۇسكى ۇيقى دا ۇيقى تولىقتاۋدىڭ ءبىر ءتۇرلى ءادىسى بولىپ تابىلادى. تاجىريبەلىك تەكسەرۋگە قاراعاندا، تۇسكى ۇيقىنىڭ ادامدى سەرگىتۋ ونىمدىلىگى 3 ستاكان قويۋ شايدىڭ نەمەسە كوفەنىڭ ونىمىنەن جاقسى بولادى ەكەن.
تۇسكى ۇيقى قايتكەندە ءتىپتى دە جاقسى بولادى
تۇسكى تاماقتان كەيىن دەرەۋ ۇيىقتاماۋ، الدىمەن قول - اياقتى ارەكەتتەندىرۋ كەرەك، اسقازان، قۇرساق بولەكتىڭ سىزداعانى باسىلعانداي بولعاندا بارىپ ۇيىقتاۋ كەرەك، ادەتتە تۇسكى تاماقتان كەيىن 15 ~ 30 مينۋتتان كەيىن ۇيىقتاۋعا بولادى.
تۇسكى ۇيقى 15 ~ 30 مينۋت بولعاندا ەڭ جاقسى بولادى. ۋاقىت وتە قىسقا بولعانىمەن، دەنەنىڭ قالجىراۋىن باسەڭدەتۋ رولىن اتقارادى، ءبىراق ءونىمى كورنەكتى بولمايدى، تۇستەن كەيىن جالعاستى قالجىراعانداي بولىپ تۇرادى. ءبىراق ۋاقىت وتە ۇزاق بولسا، ۇيقىدان ويانعاننان كەيىن باسى اينالىپ، تۇلا بويى دارمەنسىزدەنىپ، كەشكە دەيىن مەڭ – زەڭ بولىپ جۇرەدى، ونىڭ ۇستىنە فيزيولوگيالىق ساعاتتى بىلىقتىرىپ، تۇنگى قالىپتى ۇيقىعا ىقپال جاسايدى.
تۇسكى ۇيقىدا وڭ جامباسپەن قىرىنداپ، ەكى تىزەسىن ءسال بۇگىپ ۇيىقتاسا جاقسى. وسىلاي بولعاندا جۇرەكتى قىسىمعا ۇشىراۋدان قورعاۋعا بولادى، ونىڭ ۇستىنە ءسال بۇگىلگەن تىزە بۇلشىق ەتتى بوساتىپ، اسقازان - ىشەكتىڭ جيىرىلۋىنا قولايلى بولىپ، اس قورىتۋعا پايدالى. ەگەر دەمالۋعا شارت - جاعداي بولماسا، ەڭ جاقسىسى شالقالاپ وتىرۋ كەرەك. ۇستەلگە جاتىپ ۇيىقتاعاندا قول نەرۆىن باسىپ قالادى، ۇزاق ۋاقىت وسىلاي بولعاندا نەرۆ سالدانادى؛ سونىمەن بىرگە، دەنەنىڭ ءيىلۋ دارەجەسى ارتىپ، تىنىس الۋ بوگەلىپ، دەنەنى وڭاي زاقىمدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
