قارتتاردىڭ دەنساۋلىعىنا قاتىستى قىزمەت وتەۋ جۇيەسىن كەمەلدەندىرۋ كەرەك
باي جيانفىڭ
2020.08.17 16:01 كەلۋ قاينارى : حالىق تورابى
جۋىردان بەرى، ءبىرتالاي امبەباپ ەمحانالار قارتتارعا قاتىستى مەديتسينالىق بولىمدەردى قۇرىپ، قارتتارعا «ءبىر بەكەتتى فورمادا» قىزمەت وتەۋدە. ءتۇرلى سوزىلمالى اۋرۋلارعا شالدىققان قارتتار ءبىر رەت قانا ءنومىر السا بولعانى، جالپى تۇلعالىق ەمدەۋ جوباسىنا يە بولا الادى.
قازىر، ەلىمىزدە 60 جاستان اسقان جان سانى 250 ميلليون ادامنان اسادى، قارتتاردىڭ %75 تەن استامى ءبىر تۇرلىدەن دە كوبىرەك سوزىلمالى اۋرۋلارعا شالدىققان، ءوزىن كۇتىمدەۋ قابىلەتىنەن ايرىلعان قارتتار مەن ءوزىن كۇتىمدەۋ قابىلەتىنەن جارتىلاي ايرىلعان قارتتاردىڭ سانى شامامەن 40 ميلليون ادام. بۇل ماسەلەلەر قارتتاردىڭ تۇرمىس ساپاسىنا اۋىر ىقپال جاساپ قالماستان، وتباسى مەن قوعامعا دا اۋىر دارەجەدە اۋىرتپالىق سالادى.
«‹اقاۋسىز جۇڭگو 2030› جوسپار جوباسىندا» مىنالار ورتاعا قويىلعان: قارتتارعا ەمدەلۋ مەزگىلىندە ەمحاناعا جاتقىزۋ، ساۋىعۋ مەزگىلىندە كۇتىمدەۋ، ورنىقتى مەزگىلدە تۇرمىستىق جاقتان كۇتىمدەۋ، الاڭسىزداندىرىپ ەمدەۋ – كۇتىمدەۋ قاتارلىلار ءبىر تۇلعالاندىرىلعان دەنساۋلىق ساقتاۋ جانە قارتتاردى كۇتۋ قىزمەت وتەۋ تۇرلەرىن ازىرلەۋ كەرەك. قازىر ەلىمىزدە قارتتارعا قاتىستى مەديتسينانىڭ دامۋى كورنەكتى تۇردە كەنجەلەپ قالىپ، ءىشىنارا ولقىلىقتار ساقتالىپ وتىر. كوپتەگەن شيپاحانالار ءالى دە ارناۋلى ءبولىم بويىنشا ەمدەۋدى نەگىز ەتىپ، قارتتاردى ءبىرتۇتاس تۇلعا رەتىندە ەمدەۋدى جولعا قويعان جوق. وسىزامانعى مەديتسينانىڭ دامۋىنا بايلانىستى، ەمحانالاردا بولىمگە ءبولۋ بارعان سايىن اشالانۋدا، جۇرەك اۋرۋلارى ءبولىمى تەك جۇرەك اۋرۋلارىن ەمدەيدى، تىنىس جولى ءبولىمى تەك تىنىس جولى اۋرۋلارىن ەمدەيدى، سۇيەك ءبولىمى تەك سۇيەك اۋرۋلارىن ەمدەيدى. ەگەر ءبىر قارت ادامدا بىرنەشە ءتۇرلى اۋرۋ بار بولسا، ۇنەمى ءتۇرلى ارناۋلى بولىمدەر اراسىندا سابىلىپ، اربىرەۋىنە ارناۋلى ءنومىر الىپ كورىنىپ، ەڭ سوڭىندا ءبىر توپ ءدارىنى ءبىر – اق الىپ شىعادى.
بۇدان ءبىز ەمدەۋ بارىسىندا ناۋقاس ادامدى نەگىز ەتپەستەن، بەلگىلى اۋرۋدى نەمەسە بەلگىلى دەنە مۇشەسىن نەگىز ەتەتىنىمىزدى كورىپ الامىز، وسىنداي مەديتسينالىق فورمانىڭ قارتتانعان قوعامنىڭ تىڭ تالاپتارىنا ۇيلەسۋى قيىن. سونىمەن بىرگە، امبەباپ ەمحانا مەن الەۋمەتتىك اۋماق ەمحاناسى اراسىندا بايلانىس كەمشىل بولعاندىقتان، قارتتار ءىرى ەمحانادا ناۋقاس كورسەتىپ بولعان سوڭ، الەۋمەتتىك اۋماق ەمحاناسىندا ۇزدىكسىز ەمدەلۋىنە جانە كۇتىمدەلۋىنە مۇمكىندىك جوق. سوندىقتان، سايكەستىرىلگەن تۇرپاتتاعى مەديتسينالىق دەنساۋلىق ساقتاۋ قىزمەت وتەۋ جۇيەسىن قالىپتاستىرىپ، قارتتاردىڭ دەنساۋلىعىنا قاتىستى قىزمەت وتەۋ جۇيەسىن كەمەلدەندىرگەندە عانا، قارتتارعا ناۋقاس كورسەتىپ، ەمدەلەتىن «جاسىل ءدالىز» جاراتىپ بەرە الامىز.
قارتتارعا قاتىستى مەديتسينانىڭ دامۋىن جەدەل ىلگەرىلەتىپ، قارتتارعا قاتىستى مەديتسينالىق بولىمدەردى امبەباپ ەمحانالاردا «ءسوزسىز بولۋعا ءتيىستى» ءبولىم ەتىپ قۇرىپ شىعۋ كەرەك. قارتتارعا قاتىستى مەديتسينا عىلىمى — ادامزاتتىڭ قارتايۋ مەحانيزمى مەن وزگەرىس زاڭدىلىقتارىن، سونداي – اق، قارتتاردا بولاتىن اۋرۋلاردان ساقتانۋ جانە ونى ەمدەۋدى زەرتتەيتىن عىلىم سالاسى. قارتتارعا قاتىستى مەديتسينا عىلىمىنداعى تولىمدى شيپاگەر بولۋ ءۇشىن بەلگىلى ءپان سالاسى بويىنشا ماماندىعى بولۋدان سىرت، قارتتار اۋرۋلارىن جان – جاقتىلى پارىقتاي الاتىن جانە ءبىر جاقتىلى ەتە الاتىن قابىلەتى دە بولۋى كەرەك. بۇدان بىلاي، ەلىمىز قارتتارعا قاتىستى كەمەلدەنگەن مەديتسينا جۇيەسىن قۇرۋعا كۇش سالىپ، مۇندا قارتتارعا قاتىستى نەگىزدىك مەديتسينا، قارتتارعا قاتىستى كلينيكالىق مەديتسينا، قارتتارعا قاتىستى الدىن الۋ مەديتسيناسى، قارتتارعا قاتىستى ساۋىقتىرۋ – كۇتىمدەۋ مەديتسيناسى، قارتتارعا قاتىستى پسيحولوگيالىق مەديتسينا، قارتتارعا قاتىستى قوعامدىق مەديتسينا قاتارلىلار قامتىلىپ، قارتتارعا دەنساۋلىق جاعىنان قىزمەت وتەۋدەگى پارمەندى تىرەك بولادى.
2019 – جىلى مەملەكەتتىك دەنساۋلىق ساقتاۋ جانە سالاماتتىق كوميتەتى قاتارلى 8 تاراۋ «قارتتارعا قاتىستى دەنساۋلىق جاعىنداعى قىزمەت وتەۋ جۇيەسىن قۇرۋ جانە ونى كەمەلدەندىرۋ جونىندەگى جەتەكشى پىكىردى» باسىپ تاراتىپ، مىنانى اتاپ كورسەتتى: 2022 – جىلعا بارعاندا، ەكىنشى دارەجەلىدەن جوعارى امبەباپ ەمحانالاردا قارتتارعا قاتىستى مەديتسينا ءبولىمىن قۇرۋ سالىستىرماسى %50 تەن جوعارى ورەگە جەتۋى كەرەك. بۇل ءۇشىن ەمحانالاردان ءداستۇرلى بولىمدەردى قۇرۋ فورماسىن تالقانداپ، جالاڭ ەمدەۋ فورماسىن امبەباپ ەمدەۋ فورماسىنا وزگەرتىپ، قارتتاردىڭ ناۋقاس كورسەتۋىن اناعۇرلىم قولايلىلاندىرۋ تالاپ ەتىلەدى. وتە – موتە، جۇڭگوشا شيپاگەرلىك ەمحانالارى وزىندىك ارتىقشىلىقتارىن ساۋلەلەندىرىپ، قارتتارعا ارنالعان بولىمدەردى قۇرىپ، قارتتارعا ارنالعان ناۋقاس توسەكتەرىنىڭ سانىن ارتتىرىپ، قارتتاردىڭ اۋرۋىنا دياگنوز قويۋ جانە ولاردى ەمدەۋ، كۇتىمدەۋ جاعىندا قىزمەت وتەۋدى ورىستەتىپ، قارتتاردىڭ دەنساۋلىق جاعىنداعى ءتۇرلى قاجەتتىلىكتەرىن قاناعاتتاندىرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
