اجارلاندىرۋ جاپسىرماسىن وسىلاي جارنامالاعان ءجون بە؟
يە زى
2020.08.25 15:20 كەلۋ قاينارى : حالىق تورابى
ءىشىنارا الەۋمەتتىك جەلىلەر مەن ەلەكتروندىق ساۋدا تەكشەلەرىندە «مەديتسينالىق اجارلاندىرۋ جاپسىرمالارى» اتتى تەرىنى قورعاۋ ونىمدەرىنىڭ جارناماسى تولاسسىز جاريالانۋدا. كوپتەگەن تۇتىنۋشىلار بۇل جايلى مىنالاردى بايقاعان: اتالعان بەت جاپسىرمالارىنىڭ جاقسىسى مەن ناشارى ارالاسىپ، شىن – جالعانىن پارىقتاۋ قيىنداسقان. تەكسەرۋگە قاراعاندا، اتالمىش «مەديتسينالىق اجارلاندىرۋ جاپسىرمالارى»، ءىس جۇزىندە، مەديتسينادا قولدانىلاتىن تاڭۋ ماتەريالدارىنان جاسالعان، تەرىنى ەمدەۋ مەن اجارلاندىرۋ وپەراتسياسىنان كەيىن قالپىنا كەلتىرۋگە قولدانىلادى، جارانىڭ بەتىنە تىكەلەي جاپسىرۋعا بولادى، بۇل مەديتسينالىق بۇيىمدار قاتارىنا جاتادى، مەديتسينالىق بۇيىم رەتىندە تىركەۋگە الدىرىلعان، نەگىزىنەن مەديتسينالىق قۇرىلىمداردا ساتىلادى. بازارداعى جاي اجارلاندىرۋ جاپسىرمالارى اجارلاندىرۋ ونىمدەرىنە جاتادى، بۇل ونىمدەر «اجارلاندىرۋ ونىمدەرى» رەتىندە تىركەۋگە الىنعان.
قاتاڭ مانىنەن الىپ قاراعاندا، اتالمىش «مەديتسينالىق اجارلاندىرۋ جاپسىرمالارى» دەگەن نارسە جوق، بۇل تەك «اجارلاندىرۋ ونىمدەرىنە جاتاتىن» اجارلاندىرۋ جاپسىرمالارىنىڭ «اتىن وزگەرتىپ»، «مەديتسينالىق بۇيىمدار» دەگەن جالعان اتتى جامىلىپ، اسىرەلەپ ۇگىتتەۋگە جاتادى، ساۋداگەرلەر وسى ارقىلى ۇعىمدى اۋىستىرىپ قولدانىپ، تۇتىنۋشىلاردى قاساقانا جاڭىلدىرادى. ونداعى نەگىزگى سەبەپ: ولار «مەديتسينالىق اجارلاندىرۋ جاپسىرماسى» مەديتسينادا قولدانىلادى، حاۋىپسىز، ءتىپتى «ءارقانداي تەرىنىڭ بارىنە قولدانۋعا بولادى» دەپ ۇگىتتەۋدى ماقسات ەتەدى، وسى ارقىلى مەديتسينادا قولدانىلاتىن تاڭعىشتىڭ رولىن يەمدەنىپ، بارلىق تۇردەگى تەرىلەردى كۇتىمدەۋگە بولادى دەپ الباتى جارنامالايدى؛ ەندى ءبىر جاعىنان، «مەديتسينالىق اجارلاندىرۋ جاپسىرماسى» دەگەن ات تۇتىنۋشىلاردى ونىڭ اعارتۋ، اجىم كەتىرۋ، قارتايۋدىڭ الدىن الۋ رولىنا وڭاي سەندىرەدى. مەديتسينالىق تاڭۋ ماتەريالدارىنىڭ ءوزىن شيپاگەردىڭ كەڭەسى بويىنشا پايدالانۋ كەرەك، ونىڭ ۇستىنە، ونى ءجيى پايدالانۋعا بولمايدى، مۇنى بىلاي قويعاندا، بۇل ونىمدەر حوش ءيىستى زات، قوسپالى قۇرامدار قامتىلعان ادەتتەگى اجارلاندىرۋ جاپسىرمالارى بولۋى ابدەن مۇمكىن.
قازىرگى تاڭدا، ادامدار سىرتقى كەلبەتكە بارعان سايىن ءمان بەرەتىن بولدى. تۇس – تۇستان اشىلعان مەديتسينالىق اجارلاندىرۋ ورىندارى، شىنىعۋ ۇيلەرى، يوگا كلاستارى قاتارلىلاردىڭ بارلىعى «سۇلۋلىق ەكونوميكاسىنىڭ» ءبىر بولىگى، مەديتسينالىق اجارلاندىرۋ سالاسى تۇرعىنداردىڭ تۇتىنۋىنىڭ قىزىعارلىق تۇيىنىنە اينالدى. ادامدار حاۋىپسىز ونىمدەر ارقىلى تەرىنى قورعاۋدى ءۇمىت ەتەتىن بولدى، «مەديتسينالىق اجارلاندىرۋ جاپسىرمالارى» تۇتىنۋشىلاردىڭ وسىنداي پسيحولوگيالارىن ءدال مەڭگەرگەن. الايدا، مۇنداي اجارلاندىرۋ جاپسىرمالارى، ءبىر جاعىنان، مەديتسينالىق تاڭۋ ماتەريالدارىنىڭ جەلەۋىن جامىلىپ، «جاناسالاي جول تاۋىپ» ءجۇر، ەندى ءبىر جاعىنان، بۇل ونىمدەردىڭ باعاسى شەكتەن تىس قىمبات. كەزىندە ءتىلشى ۋاكىلدىك ءوندىرىس جۇرگىزەتىن، «مەديتسينالىق اجارلاندىرۋ جاپسىرماسىن» وندىرەتىن زاۆودقا بارىپ تەكسەرگەندە، ءبىر پارشا اجارلاندىرۋ جاپسىرماسىنا تاپسىرىس بەرۋ باعاسىنىڭ 3 – 5 يۋان ەكەنىن، الايدا، ساتىلىم باعاسىنىڭ 15 يۋاننان جوعارى بولاتىندىعىن كورگەن. كەي ساۋداگەرلەر «ساتىلىمى وتە جاقسى»، «وتە ارزان بولسا، تۇتىنۋشىلار سەنبەي قويادى» دەگەن. وسىدان كۇش سالا كوتەرمەلەۋ، قات – قابات «جارنامالاۋ» ارقىلى بۇل ونىمدەرگە «مەديتسينالىق اجارلاندىرۋ جاپسىرمالارى» دەگەن ات بەرۋدىڭ ءىشىنارا ساۋداگەرلەردىڭ اقشا تابۋداعى «ايلالارى» ەكەندىگىن؛ تۇتىنۋشىلاردىڭ «قىمبات بولعان سەنەتىن»، «قىمبات بولعان سايىن ساتىپ الاتىن» «تۇزاققا» ءتۇسىپ قالعانىن كورىپ الۋعا بولادى.
مۇنداي «تۇزاققا» تيىم سالۋ ءۇشىن تۇتىنۋشىلاردىڭ پارىقتاۋ قۋاتىن ارتتىرۋ قاجەت. «مەديتسينالىق اجارلاندىرۋ جاپسىرمالارى» تەكتەس جاڭا ونىمدەرگە كوزسىزدىكپەن سەنە كەتۋدەن ساقتانۋ، بايىپتىلىقپەن تالعام جاساپ، ساۋداگەرلەردىڭ الدامكوستىك ايلالارىن پارىقتاي ءبىلۋ؛ سونىمەن بىرگە، مەديتسينالىق ونىمدەردى مۇمكىندىگىنشە ەمحانا، ءدارىحانا قاتارلى رەسمي تەكشەلەردەن ساتىپ الۋ، ەگەر پايدالانعان سوڭ ناشار اسەر ەتسە، دەر كەزىندە مالىمدەۋ، شاعىمدانۋ، ءوز باسىنىڭ زاڭدى ۇقىق – مۇددەسىن قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
