مەكتەپ شۇعىل قۇتقارۋ تاربيەسىن وقىتۋ مازمۇنىنا ەنگىزۋى، اسىرەسە وقىتۋمەن توعىستىرۋى كەرەك
لو جىحۋا
2020.08.26 15:31 كەلۋ قاينارى : حالىق تورابى
جۇڭگو قىزىل كرەست باس قوعامى مەن وقۋ – اعارتۋ مينيسترلىگى بىرلەسىپ تاياۋدا «جاڭا داۋىردەگى مەكتەپتەردىڭ قىزىل كرەست قىزمەتىن اناعۇرلىم كۇشەيتۋ جانە جاقسارتۋ جونىندەگى ۇقتىرۋدى» باسىپ تاراتتى، وقۋشىلاردىڭ دەنساۋلىق بىلىمدەرىن، شۇعىل قۇتقارۋ بىلىمدەرىن، اسىرەسە، جۇرەك پەن وكپەنى قالپىنا كەلتىرۋدى وقىتۋ مازمۇنىنا ەنگىزبەكشى. ۇقتىرۋدا مىنالار اتاپ كورسەتىلدى: مەكتەپتىڭ قىزىل كرەست قىزمەتىندە دەنساۋلىق تاربيەسىن ساپا تاربيەسىنىڭ ماڭىزدى مازمۇنى ەتىپ، جاستار مەن ورەندەردىڭ فيزيولوگيالىق، پسيحولوگيالىق ەرەكشەلىگىنە باعىتتاي وتىرىپ، قىزىل كرەست شۇعىل قۇتقارۋ تاربيەسى بەلسەنە ورىستەتىلەدى. ءتۇرلى فورمالاردى قولدانىپ، اقاۋسىز ارەكەت پەن تۇرمىس ءتاسىلى، اۋرۋدان ساقتانۋ جانە ونى ەمدەۋ، پسيحيكالىق اقاۋسىزدىق، ءوسىپ - جەتىلۋ جانە جاستىق شاقتاعى دەنساۋلىق قورعاۋ، حاۋىپسىزدىك، شۇعىل جاعدايعا توتەپ بەرۋ سياقتى بىلىمدەردى تاراتىپ، وقۋشىلاردىڭ دەنساۋلىق ساپاسىن جوعارىلاتادى.
جۇيەلى تاربيەلەۋ ارقىلى مەكتەپتەگى وقۋشىلاردىڭ جۇرەك پەن وكپەنى قالپىنا كەلتىرۋدىڭ نەگىزگى ونەرىن جاپپاي يگەرۋىنە مۇمكىندىك جاساۋ كەرەك، بۇل قىزمەتتىڭ ماڭىزدىلىعى مەن كوكەيتەستىلىگى ايتپاسا دا تۇسىنىكتى. ماسەلەنىڭ تەتىگى − مەكتەپ اۋلاسىندا مۇنداي ساباقتاردى اشۋ - اشپاۋدا ەمەس، قايتا قايتكەندە ءتىپتى دە جاقسى ناتيجەگە قول جەتكىزۋدە. جۇڭگو قىزىل كرەست قوعامى مەن وقۋ - اعارتۋ مينيسترلىگى بۇل جولى شۇعىل قۇتقارۋ بىلدەرىن ساباقحاناعا بىرگە ەنگىزدى، بۇرىنعى وقۋ – اعارتۋ مينيسترلىگىنىڭ دەربەس كۇش سالۋىمەن سالىستىرعاندا، زور ابزالدىلىققا يە، ويتكەنى جۇڭگو قىزىل كرەست قوعامىنىڭ ەمدەۋ دارىندىلار بايلىعى مول بولعاندىقتان، دەنساۋلىق پەن شۇعىل قۇتقارۋعا تاربيەلەۋشىلەر كۇشىن اناعۇرلىم قامتاماسىز ەتەدى.
ءبىراق مىنانى دا كورە ءبىلۋ كەرەك: بۇرىن بار وقىتۋ مازمۇنىنا جاڭادان وقىتۋ مازمۇنىن قوسقاننان كەيىن، جاڭا وقىتۋ مازمۇنى مەن كونە وقىتۋ مازمۇنى اراسىندا قايشىلىق تۋىلۋى مۇمكىن. ءسويتىپ، وقىتۋ مازمۇنىنا ەنگىزىلگەن شۇعىل قۇتقارۋعا تاربيەلەۋ ساباعىنباسقا ساباقتاردىڭ يەمدەنىپ الۋ قاتەرى ءومىر سۇرەدى. سوندىقتان مەكتەپ شۇعىل قۇتقارۋعا تاربيەلەۋدى وقىتۋ مازمۇنىنا ەنگىزۋى، اسىرەسە وقىتۋمەن توعىستىرۋى كەرەك. ەگەر وقىتۋ مازمۇنىنا ەنگىزۋ دەگەنىمىز قوسۋ بولسا، وندا توعىستىرۋ دەگەنىمىز وزدەستىرۋ دەگەندىك، جۇرەك، وكپەنى قالپىنا كەلتىرۋ سياقتى شۇعىل قۇتقارۋ بىلىمدەرىن ساباقحاناعا ەنگىزۋدە ساباقتىڭ كوبەيۋى ەكىتالاي، ءبىراق مازمۇنىن رەتكە سالىپ، ونى شۇعىل قۇتقارۋ بىلىمىنە دە ءتيىمدى ەتۋگە بولادى. مىسالى، ەلىمىزدە ورتالاۋ مەكتەپتە بيولوگيا ساباعى اشىلدى، مۇنىڭ ىشىندە كەيبىر تاراۋلاردا شۇعىل قۇتقارۋ بىلىمدەرىن ايتادى، تەك مازمۇنى وتە از، جۇرەك، وكپەنى قالپىنا كەلتىرۋ سياقتى ناقتى شەبەرلىكتەر اسىرەسە از، وسى تاراۋلارعا شۇعىل قۇتقارۋ مازمۇنىن قوسۋدى ويلاستىرۋعا بولادى.
ونىڭ ۇستىنە، بيولوگيا، فيزيكا، حيميا قاتارلى ساباقتاردىڭ كەيبىر بىلىمدەرى دە شۇعىل قۇتقارۋ بىلىمىمەن تىعىز بايلانىستى، جۇرەك قۋات ءىلىمى، جۇرەك ەلەكترىنىڭ پايدا بولۋ پرينسيبى، ادامنىڭ اس قورىتۋ فەرمەنتى، تىنىس العاندا وتتەگى مەن كومىرتەگى قوس توتىعىنىڭ الماسۋى جانە ءوزارا اينالۋى قاتارلىلار، بۇنىڭ ءبارى دە وسى بىلىمدەرگە سايادى. نەگىزدىك عىلىمي بىلىمدەر مەن شۇعىل قۇتقارۋ ءبىلىمىن توعىستىرعاندا، وقۋشىلاردىڭ فيزيولوگيا ارقىلى شۇعىل قۇتقارۋدىڭ قاعيداسىن تۇسىنۋىنە، شۇعىل قۇتقاردىڭ باسقىشتارىن ەستە ساقتاۋىنا كومەكتەسىپ قانا قالماستان، وقۋشىلاردىڭ نەگىزدىك ساباقتارىن تۇسىنۋىنە دە پايدالى. مۇنداي توعىسۋ ارقىلى از كۇشپەن كوپ ناتيجەگە قول جەتكىزەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
