40 ميلليون اۋىل - قىستاق بالاسى ءنارلى تاعام جەي الدى (حالىق تۇرمىسىنا نازار)

«حالىق گازەتىنىڭ» تىلشىلەرى يۇي جيڭشيان، لي ماۋيىڭ، سۋ بين

2020.09.18 16:33 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　2011 - جىلى مەملەكەتتىك كەڭەس كەڭسەسى «اۋىل - قىستاق مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىن اتقارۋ جونىندەگى پىكىردى» باسىپ تاراتىپ، سول جىلعى كۇزگى وقۋ ماۋسىمىنان باستاپ، اۋىل - قىستاق مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىن اتقارۋدى ۇيعاردى.

　　وسى جوسپارعا ساي، مەكتەپ وقۋشىلاردى تۇسكى تاماقپەن تولىق قامدايتىن بولدى، تۇسكى تاماقپەن قامداي المايتىن مەكتەپتەردىڭ تاماق الدىرۋدى نەمەسە ساباق ارالىعىندا تاماق بەرۋدى تاڭداۋىنا بولادى. تاماقپەن قامداۋداعى ازىق - تۇلىكتە، اسىرەسە الدىرىپ بەرەتىن تاماقتا ەت، جۇمىرتقا، ءسۇت، كوكونىس، جەمىس - جيدەك سياقتىلار نەگىز ەتىلدى.

　　قازىر اتقارىلىپ وتىرعن ساياساتتىق بەلگىلەمە بويىنشا، ورتالىق قازىنا قورەكتىكتى جاقسارتۋ جوسپارىن تۇيىندە سىناق ەتۋ رايونىنداعى وقۋشىلارعا كۇنىنە 4 يۋان كومەك قاراجات بەرەدى. «قورەكتىكتى جاقسارتۋ جوسپارىندا ءارى بار كۇشتى سالۋ، ءارى شاماعا قاراي ىستەۋ كەرەك». وقۋ - اعارتۋ مينيسترلىگى وقۋ - اعارتۋعا قۋزاۋشىلىق ەتۋ مەكەمەسىنىڭ قاتىستى جاۋاپتىسى تانىستىرىپ بىلاي دەدى: بۇل قوسىمشا قاراجات ولشەمى نەگىزىنەن اۋىل - قىستاق تۇرعىندارىنىڭ جىلدىق ادام باسىنا تۋرا كەلەتىن ازىق - تۇلىك تۇتىنۋ شىعىس ورەسىنە نەگىزدەلىپ جالعان، وقۋشىلاردى ازىق - تۇلىكپەن قامداۋعا تولىق ىستەتىلەدى. اسحانانىڭ اينالىم قاراجاتى مەن جۇمىس قىزمەتكەرلەرىنىڭ ەڭبەكاقىسى قاتارلىلاردى جەرگىلىكتى قازىنا ۇستىنە الادى. اۋىل - قىستاق رايوندارىنىڭ زات باعاسى ورەسىنىڭ تومەندىگىن ەسكەرگەندە، بۇل ورنالاستىرۋ وقۋشىلاردىڭ تاماقتانۋ قاجەتىن نەگىزىنەن قاناعاتتاندىرا الادى. قازىر بۇكىل ەل بويىنشا 29 ولكە، اۆتونوميالى رايون، توتە قاراستى قالانىڭ ءبىر مىڭ 762 اۋدانى قورەكتىكتى جاقسارتۋ جوسپارىن اتقارىپ، اۋىل - قىستاقتاعى مىندەتتى وقۋ - اعارتۋ ساتىسىنداعى 145 مىڭ 700 مەكتەپتى قامتىدى، بۇل اۋىل - قىستاق مىندەتتى وقۋ - اعارتۋ ساتىسىنداعى مەكتەپتەر جالپى سانىنىڭ %84.12 ىن ۇستادى؛ بۇدان يگىلىكتەنگەن وقۋشىلار 40 ميلليون 608 مىڭ 200 ادامعا جەتىپ، اۋىل - قىستاق مىندەتتى وقۋ - اعارتۋ ساتىسىنداعى وقۋشىلار جالپى سانىنىڭ %42.4 ىن ۇستادى.

　　بيىل 5 - ايدا وقۋ - اعارتۋ مينيسترلىگى وقۋ - اعارتۋعا قۋزاۋشىلىق ەتۋ مەكەمەسى (مەملەكەتتىك كەڭەستىڭ وقۋ - اعارتۋدى باقىلاۋ كەڭسەسى) جاريالاعان «اۋىل - قىستاق مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىنىڭ اتقارىلۋ جاعدايىن قورىتىندىلاۋ بايانداماسىندا» كورسەتىلۋىنشە، وقۋشىلاردىڭ قورەكتىك، دەنساۋلىق جاعدايى كورنەكتى جاقسارعان، دەنە ساپاسى كورنەكتى جوعارىلاعان. جۇڭگو اۋرۋدان ساقتانۋ - تىزگىندەۋ ورتالىعىنىڭ وكشەلەي باقىلاۋ - تەكسەرۋ مالىمەتىنە قاراعاندا، 2019 - جىلى قورەكتىكتى جاقسارتۋ جوسپارى سىناق ءتۇيىنى ەتىلگەن رايوندارداعى ۇل، قىز وقۋشىلاردىڭ ءارقايسى جاس شاماسىنداعى ورتاشا بويى 2012 - جىلداعىدان جەكە - جەكە 1.54 سانتيمەتر جانە 1.69 سانتيمەتر جوعارىلاعان، ورتاشا دەنە سالماعى جەكە - جەكە 1.06 كيلوگرام جانە 1.18 كيلوگرام ارتقان، بۇل بۇكىل ەلدەگى اۋىل - قىستاق وقۋشىلارىنىڭ وسى كورسەتكىشتەرىنىڭ ورتاشا ارتۋ قارقىنىنان جوعارى بولعان.

　　قورەكتىك جاقسارتۋ جوسپارى اتقارىلعاننان بەرى ورتالىق جانە ءار دارەجەلى تاراۋلار ءتۇزىم قۇرىلىسىن وزدىكسىز كۇشەيتىپ، جۇمسالىمدى ءۇرتىس ورنىقتىرىپ، ازىق - تۇلىك پەن قارجىنىڭ «ەكى بىردەي حاۋىپسىزدىگىن» شىنايى مىقتى يگەرىپ، قورەكتىكتى جاقسارتۋ جوسپارىنىڭ ورنىقتى، ءتارتىپتى اتقارىلۋىنا كەپىلدىك ەتتى. 2011 - جىلدان 2019 - جىلعا دەيىن ورتالىق قازىنادان جيىنى 147 ميلليارد 200 ميلليون يۋان قورەكتىك كومەك قارجىسى ورنالاستىرىلدى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved