بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مادەنيەت جانە ساياحات مينيسترلىگى مەملەكەت مەرەكەسى مەن ورتاڭعى كۇز مەرەكەسى كەزىندە جەكە قورعانۋ قىزمەتىن جاقسى ىستەۋدى ەسكەرتتى

2020.09.24 14:28     كەلۋ قاينارى : حالىق تورابى

  شينحۋا اگەنتتىگىنىڭ 9 – ايدىڭ 24 – كۇنى بەيجيڭنەن بەرگەن حابارى. مەملەكەت بويىنشا ىندەتتەن ساقتانۋ جانە ونى تىزگىندەۋ جاعدايىنىڭ ۇزدىكسىز جاقسارۋىنا بايلانىستى، بيىل مەملەكەت مەرەكەسى مەن ورتاڭعى كۇز مەرەكەسىنىڭ دەمالىسىندا ساياحاتتىق تۇتىنۋ بازارى تەز ارادا قالپىنا كەلەدى، مادەنيەت جانە ساياحات مينيسترلىگى 9 – ايدىڭ 23 – كۇنى حابارلاندىرۋ شىعارىپ، قالىڭ ساياحاتشىلارعا ساياحات لەنياسىن ۇيلەسىمدى جوبالاپ، قاۋىرت كەزدەن باسقا ۋاقىتتا ساياحاتتاپ، جەكە قورعانۋ قىزمەتىن جاقسى ىستەۋدى ەسكەرتتى.

  مادەنيەت جانە ساياحات مينيسترلىگى مىنانى ەسكەرتتى: ساياحاتشىلار ساياحات كورىنىس وڭىرلەرىنىڭ ىندەتتەن ساقتانۋ جانە ونى تىزگىندەۋ، ەسىك بەلەتىنە الدىن – الا زاكاز بەرۋ، جولاۋشىلار اعىسىنا شەك قويۋ سياقتى شارالارىن كۇنى بۇرىن ۇعىسىپ، «الدىن – الا زاكاز بەرمەي تۇرىپ ساياحاتقا شىقپاۋدى» ورىنداۋى كەرەك، قاتىناس، كليمات شارت - جاعدايى ءتيىمسىز ساياحات كوزەۋلى جەرىنە ابايلاپ بارۋ كەرەك.

  حابارلاندىرۋعا نەگىزدەلگەندە، ساياحاتشىلار تالەي سىناۋ كوڭىل كۇيىنەن اۋلاق بولىپ، ءوزىن قورعاۋ قىزمەتىن جاقسى ىستەۋى، ماسكى تاعۋ، قولدى ۇنەمى جۋۋ، دەنە تەمپەراتۋراسىن ولشەۋ، ديزەنفەكسيالاۋ سياقتى شارالاردى ىستەۋى كەرەك؛ الەۋمەتتىك قاتىناس قۇرالدارىنا وتىرعاندا، باقشانى ساياحاتتاعان كەزدە، باسقا ساياحاتشىلارمەن ارالىق ساقتاپ، ۇيمەلەمەۋ كەرەك؛ تاماق ىشكەندە ورتاق ساقپى مەن قاسىق ىستەتىپ، حاۋىپسىز ارالىق ساقتاۋ كەرەك، قىزۋ، قۇرعاق جوتەلۋ، دارمەنسىزدەنۋ قاتارلى اۋرۋ بەلگىلەرى بايقالسا دەر كەزىندە مالىمدەۋ ءارى جاقىن ماڭداعى ەمدەۋ قۇرىلىمدارىنا بارۋ كەرەك.

  ميتۋان زەرتتەۋ ورنىنىڭ 9 – ايدىڭ 22 – كۇنى جاريالاعان تالداۋ مالىمەتىنە نەگىزدەلگەندە، بيىلعى مەملەكەت مەرەكەسى مەن ورتاڭعى كۇز مەرەكەسى دەمالىسىندا تۇتىنۋ وتكەن جىلعى ۇقساس مەزگىلدەگى قالپىنا كەلۋدەن ءۇمىت بار، ءتىپتى از مولشەردە ارتادى، كورىنىس وڭىرلەرىنىڭ تۇتىنۋى وتكەن جىلداعىنىڭ %90 شاماسىنا جەتىپ، ساياحات تۇتىنۋى ىندەت جاعدايىنان كەيىنگى ەڭ جوعارى دەڭگەيگە جەتۋى مۇمكىن.

  مالىمەتتە كورسەتىلۋىنشە، بيىلعى 1 – مامىر دەمالىسى جانە قياق كۇرىش مەرەكەسى دەمالىسىمەن سالىستىرعاندا، 9 – ايدىڭ العاشقى جارتىسىندا باسقا جەرگە ساياحاتتاعان كورىنىس رايوندارىنىڭ ەسىك بەلەت سانى زور دارەجەدە جوعارىلاعان، باسقا جەرگە ساياحاتتاۋعا تاپسىرىس بەرۋ سالىستىرماسى %47 كە جەتتى، مۇنىڭ ىشىندە ولكە اتتاپ ساياحاتتاۋ تاپسىرىسى %30تى ۇستادى، قياق كۇرىش مەرەكەسى دەمالىسىنداعىدان ەكى ەسەگە تاياۋ ارتىپ، ساياحاتشىلاردىڭ ۇزاق ساپار شەگۋ تىلەگىن ايگىلەدى.

  مادەنيەت جانە ساياحات مينيسترلىگى بازار باسقارۋ مەكەمەسىنىڭ قاتىستى جاۋاپتىسى تانىستىرىپ بىلاي دەدى: ۇزاق دەمالىس كەزىندە ساياحاتتاعاندا رەسمي كاسىپورىنداردى تاڭداۋ كەرەك، ءۇنحات، QQتوبى، تالقى مىنبەرى سياقتى جولدار ارقىلى ۇيىمداستىرعان ساياحات قيمىلدارىنان قىراعى بولۋ كەرەك، «تەگىن ساياحاتتاۋ»، «تومەن باعادا ساياحاتتاۋدى» شىرعا ەتكەن الدامشىلىق ارەكەتتەردەن ساقتانۋ كەرەك. اتالعان جاۋاپتى ادام بىلاي دەدى: ۋيچات الەۋمەتتىك تەكشەسىندەگى «مەملەكەتتىك ساياحات قىزمەت وتەۋىن باقىلاۋ ـ باسقارۋ» ءنومىرى ارقىلى ساياحات مەكەمەسىنىڭ تولىمدىلىعىن سۇراستىرۋعا نازار اۋدارۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار