جەلىدەگى اۋىل شارۋاشىلىق تەحنيكاسىنا باۋلۋ اناعۇرلىم كوپ بۇقارانى يگىلىككە كەنەلتتى
2020.10.16 14:05 كەلۋ قاينارى : حالىق تورابى
تاياۋدا، «گۋاڭدۇڭداعى ميلليون ديقاندى جەلىدە اقىسىز باۋلۋ ينجەنەرياسى» تەكشەسىنىڭ 1 - ساباعى جانجياڭ قالاسى سۇيشي اۋدانى جيەپاۋ قالاشىعى شيەقىزاناق بازاسىندا باستالدى، سونداي - اق گۋاڭدۇڭنىڭ اۋىل شارۋاشىلىق ونىمدەرىنىڭ «قامداۋعا كەپىلدىك ەتىپ، باعانى تۇراقتى ۇستاپ، جۇرتتى الاڭسىز ەتۋ» اتىنداعى سيفرلى تەكشەسى مەن باسقا دا بەينە ەكران تەكشەلەرى ۇستىنەن تىكە تاراتىپ، نەشە ميلليون ادام ـ رەت جەلىدە تاماشالادى، مۇنىڭ ىشىندە باسىم بولەگى 90 – جىلداردان كەيىنگى تۇلەكتەر. قاتىستى ساباقتار ديقاندارعا تەگىن بەرىلدى، حالىقتى وزەك ەتكەن دامۋ يدەياسىن ايگىلەدى ءارى پارتيا مەن ۇكىمەتتىڭ اۋىل شارۋاشىلىعى، اۋىل - قىستاق، شارۋالار قىزمەتىنە ءمان بەرگەندىگىن ايگىلەدى.
جەلىدە اۋىل شارۋاشىلىق بىلىمدەرىن ۇيرەنىپ، اۋىل شارۋاشىلىق ونىمدەرىن ساتتى، قولفون اتى زاتىنا ساي «جاڭا ەگىس قۇرالىنا» اينالدى. قولفون ارقىلى سيفرلى ەكونوميكا اۋىل شارۋاشىلىعى مەن اۋىل - قىستاقتىڭ تۇكپىر - تۇكپىرىنە ءسىڭىپ بارادى، كاسىپ سالاسىنىڭ دامۋ ءتاسىلىن قايتا سومداپ قالماستان، جەكە ادامنىڭ ويلاۋ ادەتىن دە وزگەرتتى. اۋىل شارۋاشىلىعىن قۇدىرەتتەندىرىپ، ديقانداردى بايىتۋدىڭ جاڭا جورىعىن باستاۋ، ديقانداردى تاربيەلەۋ، ولارعا قىزمەت وتەۋ كەلەلى تاقىرىپ بولىپ تابىلادى. قاتىستى تاراۋلار باستاماشى بولعان «گۋاڭدۇڭداعى ميلليون ديقاندى جەلىدە اقىسىز باۋلۋ ينجەنەرياسى»، قولفوندى دانەكەر، سيفردى قوزعاۋشى كۇش ەتكەن «ەسىك اشۋ + سەلبەستىك» پرينسيبى بويىنشا عىلىمي زەرتتەۋ، وقۋ ـ اعارتۋ، كاسىپ سالاسى جانە ينتەرنەت سياقتى سالالارداعى كوپ ساتىلى بايلىقتى توپتاپ، شارۋالاردىڭ ينتەرنەت ءداۋىرىنىڭ جۇردەك پويەزىنە وتىرىپ، جاڭا تۇرمىسقا، جاڭا كاسىپ كۇيىنە قادام تاستاۋىنا مۇمكىندىك جاسادى.
اۋىل - قىستاقتى گۇلدەندىرۋ ورلەۋى سيفرلى ەكونوميكانىڭ دامۋىنا جولىققاندا، ديقانداردى باۋلۋدىڭ مازمۇنى مەن قاجەتى جاعىندا ورلەۋ جاعدايى جارىققا شىعىپ قانا قالماستان، ءادىس - امالدارى دا تەحنيكالىق قابىلەتكە مۇقتاج. جەلىدەگى تىكە تاراتۋدى شارۋالاردى باۋلۋعا پايدالانۋ − توعىسۋدىڭ، تيپىن وزگەرتۋدىڭ جاڭا جولدارىنىڭ ءبىرى. بۇل ءداستۇرلى باۋلۋ ۇلگىسىنىڭ ءاۋ باستاعى كەمىستىگىن ، مىسالى، تاربيەلەنۋشىلەردىڭ ۇيرەنۋگە قاتىسۋداعى ۋاقىت، ورىن شەكتەمەسىن جويۋمەن بىرگە، تاعى دا كولەم اسەرى ارقىلى ۇكىمەت، بازار سياقتى نەگىزگى تۇلعالاردىڭ ءارقايسىسىنىڭ ءوز ورنىن تاۋىپ، اركىم ءوز قابىلەتىن ايگىلەيتىن ەڭ ابزال جاعدايدى جۇزەگە اسىرا الادى.
سيفرلى اۋىل شارۋاشىلىعىن دامىتۋ ءۇشىن، جەلىدە اۋىل شارۋاشىلىق تەحنيكاسىنا تاربيەلەۋ ءالى دە ىزدەنىس جاساۋ بارىسىندا دامۋدى، كەمەلدەندىرۋدى قاجەت ەتەدى. ۇكىمەت جاعىنان العاندا، قوعامدىق ونىمدىلىك پەن ەكونوميكالىق ونىمدىلىككە تەڭ ءمان بەرۋ كەرەك. «ۇكىمەت + بازارلانعان تەحنيكا تەكشەسىنەن» سىرت، ۇكىمەت تاراۋلارىنىڭ قىزمەت وتەۋدى ساتىپ الۋ فورماسىمەن، شارۋالاردى باۋلۋدى قوعامدانعان قىزمەت وتەۋ قۇرىلىمىنا اماناتتاۋ سياقتى تاسىلدەردى قاراستىرىپ، باۋلۋدىڭ الەۋمەتتىك يگىلىك سيپاتىنىڭ تومەنگى شەگىن ساقتاۋمەن بىرگە، بازار مەحانيزمىن پايدالانۋعا سايكەسىپ، مازمۇندىق قاجەتسىنۋدىڭ ۇشتاسۋ دالدىگىن جوعارىلاتۋ، باۋلۋ مەن كاسىپ دامۋىنىڭ توعىسۋ دەڭگەيى سياقتى جاقتاردا تىڭ تابىستارعا قول جەتكىزۋ كەرەك؛ قوعامعا جاپپاي اشىق ۇستالاتىن الەۋمەتتىك تەكشە بولۋمەن بىرگە، ماماندىق، كاسىپ سالاسىندىق جانە وڭىرلىك سيپات الاتىن ارناۋلى ارنا بولۋ كەرەك. كوپ ءتۇرلى شارانى قاتار قولدانعاندا، جەلىدە اۋىل شارۋاشىلىق تەحنيكاسىنا باۋلۋ ءتىپتى دە كوپ بۇقارانى يگىلىككە كەنەلدىرىپ، شارۋالاردى شەبەرلىكپەن، كاسىپ سالاسىن تىرەكپەن قامداپ، اۋىل ـ قىستاقتى دامىتۋدى جۇزەگە اسىراتىن بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
