جاڭا تيپتى ايدارشا ۆيرۋس ۆاكسيناسىنىڭ باعاسىن قالاي بەلگىلەۋ كەرەك؟ مەملەكەتتىك دەنساۋلىق ساقتاۋ، سالاماتتىق كوميتەتى: بىرنەشە نەگىزگى پرينسيپكە تاباندى بولۋ كەرەك
2020.10.21 14:37 كەلۋ قاينارى : حالىق تورابى
حالىق تورابىنىڭ 10 – ايدىڭ 20 – كۇنى بەيجيڭنەن بەرگەن حابارى. 10 – ايدىڭ 20 – كۇنى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىن اشىپ، سىرتقى ىستەر مينيسترلىگى، عىلىم ـ تەحنيكا مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك ءدارى ـ دارمەك باقىلاۋ ـ باسقارۋ مەكەمەسى، مەملەكەتتىك ءدارى ـ دارمەك توبى، بەيجيڭ كىشيڭ جۇڭۋي بيوتەحنيكا شەكتى سەرىكتەستىگىنىڭ جاۋاپتىلارى مەن ماماندارىن ەلىمىزدىڭ جاڭا تيپتى ايدارشا ۆيرۋس ۆاكسيناسىنىڭ زەرتتەۋ ـ اشۋ اياق الىسى، حاۋىپسىزدىگى، ونىمدىلىگى، سونداي ـ اق، حالىقارالىق اۋىس ـ كۇيىس جانە سەلبەستىك سياقتى قاتىستى جاعدايلاردى تانىستىرۋعا ۇسىنىس ەتتى. جۇڭگونىڭ جاڭا تيپتى ايدارشا ۆيرۋس ۆاكسيناسىنىڭ باعا ماسەلەسى جونىندە عىلىمي زەرتتەۋدە قامال الۋ گرۋپپاسى ۆاكسينانى زەرتتەۋ ارناۋلى كلاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتى عىلىم - تەحنيكانى دامىتۋ ورتالىعىنىڭ مەڭگەرۋشىسى جىڭ جۇڭۋي بىلاي دەدى: جۇڭگونىڭ جاڭا تيپتى ايدارشا ۆيرۋس ۆاكسيناسىنىڭ باعاسى الدىمەن كاسىپورىنداردىڭ نەگىزگى تۇلعالىق باعا بەلگىلەۋىنە تاباندى بولادى، ءبىراق بىرنەشە نەگىزگى پرينسيپكە تاباندى بولۋ كەرەك.
ءبىرىنشى، الەۋمەتتىك ءونىم سيپاتى پرينسيپى. الەۋمەتتىك ءونىمنىڭ قاسيەتى رەتىندە، ونىڭ باعاسى، ءسوز جوق، قامداۋ مەن قاجەتسىنۋدى باعا بەلگىلەۋدىڭ نەگىزى ەتپەيدى، قايتا وزىندىك قۇندى باعا بەلگىلەۋدىڭ نەگىزى ەتەدى.
ەكىنشى، بۇقارانىڭ جاڭا تيپتى ايدارشا ۆيرۋس ۆاكسيناسىن ەكتىرۋ تىلەگى مەن ەگۋ قاجەتىنە قاراي جاڭا تيپتى ايدارشا ۆيرۋس ۆاكسيناسىنىڭ باعاسىن بەلگىلەۋ كەرەك. جىڭ جۇڭۋي مىنالاردى ءبىلدىردى: جۇڭگونىڭ جاڭا تيپتى ايدارشا ۆيرۋس ۆاكسيناسىنىڭ باعاسىن ءسوزسىز جۇرت قابىلداي الاتىن كولەمدە بەلگىلەۋ كەرەك، جاڭا تيپتى ايدارشا ۆيرۋس ۆاكسيناسىنىڭ باعاسىن بەلگىلەيتىن فاكتور وتە كوپ، وزىندىك قۇننان سىرت، ءوندىرىس قۋاتى، ەگۋ كولەمى دە قامتىلادى، ونىڭ ۇستىنە تۇرلىشە تەحنيكالىق جولداردىڭ وزىندىك قۇنى دا ۇقساس بولمايدى. ول بىلاي دەپ مىسال كەلتىردى: قۋاتسىزداندىرىلعان ۆاكسينا جونىنەن الىپ ايتقاندا، ونىڭ ءوندىرىسى جوعارى دارەجەلى بيولوگيالىق حاۋىپسىز ءوندىرىس سەحىن قاجەت ەتەدى، سالىستىرمالى تۇردە ايتقاندا، ونىڭ وزىندىك قۇنى سالىستىرمالى تۇردە جوعارى بولادى، ونىڭ ۇستىنە، بەز ۆيرۋسىنىڭ تاسۋشى ۆاكسيناسى، جۇقپالى تۇماۋ ۆيرۋسىنىڭ ۋىتىن ازايتاتىن تاسۋشى ۆاكسيناسى، نۋكلەين قىشقىلى ۆاكسيناسى جانە قايتا قۇرالعان بەلوك ۆاكسيناسىنىڭ وزىندىك قۇنى سالىستىرمالى تۇردە تومەنىرەك بولادى. ءوندىرىس قۋاتىنىڭ ۇلعايۋىنا، ەگۋ كولەمىنىڭ كەڭەيۋىنە بايلانىستى، وزىندىك قۇنى دا وزگەرەدى، ءبىراق جاڭا تيپتى ايدارشا ۆيرۋس ۆاكسيناسىنىڭ باعاسى، ءسوز جوق، جۇرت قابىلداي الاتىن كولەمدە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
