الدىڭعى 10 ايدا ەلىمىزدىڭ يمپورت – ەكسپورت كولەمى تاريحتاعى ۇقساس مەزگىلدەگى تىڭ ورەگە جەتتى (بەدەلدى جاريالاۋ)
2020.11.13 15:36 كەلۋ قاينارى : حالىق تورابى
حالىق گازەتىنىڭ 11 – ايدىڭ 12 – كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 11 – ايدىڭ 12 – كۇنى وتكىزگەن مەملەكەتتىك كەڭەستىڭ ساياساتتىق حابارلاندىرۋ ماجىلىسىندە ساۋدا مينيسترلىگى مينيسترىنىڭ كومەكشىسى رىن حۇڭبين تانىستىرىپ بىلاي دەدى: تاياۋدا مەملەكەتتىك كەڭەستىڭ كەڭسە مەڭگەرمەسى «سىرتقى ساۋدانىڭ جاڭالىق اشا دامۋىن ىلگەرىلەتۋ جونىندەگى اتقارۋ پىكىرىن» باسىپ تاراتتى. «اتقارۋ پىكىرى» جاڭا دامۋ ۇستانىمىنا تاباندى بولىپ، جاڭا دامۋ جاعدايىن قالىپتاستىرۋدى ارقاۋ ەتتى، حالىقارالىق بازاردىڭ ورنالاسۋى، ەل ىشىندەگى وڭىرلەردىڭ ورنالاسۋى، تيجارات سۋبيەكتى، تاۋار قۇرىلىمى، ساۋدا ءتاسىلى سياقتى «بەستى ساپالىلاندىرۋ» جانە سىرتقى ساۋدانىڭ تيپىن وزگەرتىپ، دارەجەسىن جوعارىلاتۋ بازاسى، ساۋدانى جەبەۋ تەكشەسى جانە حالىقارالىق تيجارات جۇيەسى سياقتى «ءۇش ءتۇرلى قۇرىلىستى» ىلگەرىلەتىپ، سىرتقى ساۋدانىڭ جاڭالىق اشا دامۋىن جۇزەگە اسىرادى.
رىن حۇڭبين مىنالاردى ءبىلدىردى: 1 ـ ايدان 10 ـ ايعا دەيىن، ەلىمىزدىڭ يمپورت - ەكسپورت جالپى سوماسى 25 تريلليون 950 ميلليارد يۋانعا جەتىپ، وتكەن جىلدىڭ ۇقساس مەزگىلىندەگىدەن %1.1 ارتتى. كولەمى تاريحتاعى ەڭ جوعارى دەڭگەيگە جەتتى. سونىمەن بىرگە، حالىقارالىق بازار ۇلەسى ونان ارى جوعارىلادى.
ساۋدا مينيسترلىگى سىرتقى ساۋدا مەڭگەرمەسىنىڭ باستىعى لي شيڭچيان بىلاي دەدى: بيىل مەملەكەتتىك كەڭەس كەڭسە مەڭگەرمەسى «ەكسپورت ونىمدەرىن ىشكە ساتۋدى قولداۋ جونىندەگى اتقارۋ پىكىرىن» باسىپ تاراتتى، ساۋدا مينيسترلىگى ٵرقايسى جەر، ٵرقايسى تاراۋلارمەن بىرگە كوپ ءتۇرلى شارا قولدانىپ، ءوتىمدى ەكسپورت تاۋارلارىنىڭ ەل ءىشى بازارىن اشۋىن قولداپ، بەلسەندى ونىمدىلىككە قول جەتكىزدى.
ءبىرىنشى، جول اشىپ، ىشكە ساتۋدى تەزدەتتى. ٵرقايسى جەرلەرمەن جاياۋلار كوشەسىندە ەكسپورت ونىمدەرىن ىشكە ساتۋ جەلىلەس قيمىلدارىن ارت - ارتىنان وتكىزدى، ءارى ساۋدا بازارلارىندا، ەرەن بازارلاردا توتە ساتۋ، جەلىدە ساتۋدى ۇشتاستىرۋ سياقتى كوپ ءتۇرلى ارنالار ارقىلى كاسىپورىنداردىڭ ەل ءىشى بازارىن اشۋىنا قولداۋ كورسەتتى. ەل ىشىندەگى ساتىپ الۋشى ساۋداگەرلەردى گۋاڭجوۋ جارمەنكەسىندە سىرتقى ساۋدا تاۋارلارىن ساتىپ الۋعا ۇيىمداستىرادى، جەر - جەر جەرگىلىكتى جاعدايعا قاراي كاسىپورىنداردىڭ ىشكى ساۋدا ارناسىن كەڭەيتۋىن قولدادى.
ەكىنشى، قارجى قوسۋ نىساندارىنان پايدالانىپ ىشكى بازاردا ساتۋعا جەتەكشىلىك ەتتى. جەر ـ جەر قۋاتتى سىرتقى ساۋدا كاسىپورىندارىنىڭ جاڭاشا نەگىزدىك قۇرىلعىلار قۇرىلىسى، جاڭاشا قالا ـ قالاشىقتاندىرۋ قۇرىلىسى، قاتىناس، سۋ يگىلىگى سياقتى كەلەلى ينجەنەريالىق قۇرىلىستارعا قاتىناسۋىن قولدادى.
ءۇشىنشى، ولشەمدى ۇشتاستىرۋدى ىلگەرىلەتىپ، ىشكە ساتۋدى جەبەدى. «ءبىر جەلىدەگى، ءبىر ولشەمدەگى، ۇقساس ساپاداعى» ونىمدەردى ۇگىتتەۋ، جالپىلاستىرۋ تەبىنىن ارتتىرىپ، «ۇشتە ۇقساس» ونىمدەردىڭ كولەمىن ازىق - تۇلىك، اۋىل شارۋاشىلىق ونىمدەرىنەن ويىنشىق، ءۇي جيھازدارى، كيىم - كەشەك سياقتى تۇتىنۋ بۇيىمدارىنا كەڭەيتتى. 4130 سىرتقى ساۋدا كاسىپورنىنا سۇراۋ قاعازىمەن جۇرگىزىلگەن تەكسەرۋدە كورسەتىلۋىنشە، %40تەن استام سىرتقى ساۋدا كاسىپورىنى ەكسپورت ەتەتىن ونىمدەردى ىشكە ساتۋ كاسىبىن ورىستەتكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
