بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«ەرتە تاربيەلەۋ» بارعان سايىن ەرتە بولىپ كەتپەسىن

نى يان

2020.11.23 15:23     كەلۋ قاينارى : حالىق تورابى

  قاي مەزگىلدەن باستالعانى بەلگىسىز، ينتەرنەتتەگى ەرتە تاربيەگە ارنالعان ونىمدەرىمەن «قامداۋداعى» جاس مولشەرى بارعان سايىن كىشىرەيىپ كەتتى، 3 — 12 جاستان، 2 – 8 جاسقا، ودان 1 – 3 جاسقا، 0 – 3 جاسقا دەيىن، وي جەلىسىن جەتىلدىرۋدى ۇيرەنۋ، پروگرامما جازۋدى ۇيرەنۋ، اعىلشىن ءتىلىن ۇيرەنۋ، سۋرەت سىزۋدى ۇيرەنۋ سىندى جارنامالار تۇس – تۇستان كوزگە شالىناتىن بولدى، ونىمدەر دە سان - ساناقىسىز، ونىڭ ۇستىنە، مۇنىڭ بارلىعىنا جاساندى زەردە، ىرىدەرەك دەگەن اتاقتار بەرىلىپ، ادامدى الجاستىرادى.

  وسىدان سوڭ، ەرتە تاربيە بازارىنىڭ گۇلدەنىپ – كوركەيگەنىنە تەبىرەنۋمەن بىرگە، ىشتەي مازاسىزدانۋدان دا ارىلا المايمىز. «ەرتە تاربيەدەن» «وتە ەرتە تاربيەگە» دەيىن، ونان «ءتىپتى ەرتە تاربيەگە» دەيىن، بۇلاي ىستەۋ بالالاردىڭ دەنساۋلىعىنا شىنىندا پايدالى ما؟ جاس شەكتەمەسى كۇننەن – كۇنگە كىشىرەيىپ بارا جاتقان ەرتە تاربيە ونىمدەرى وقۋ – اعارتۋ زاڭدىلىعىن اناعۇرلىم قۇرمەتتەگەندىك پە؟ الدە وقۋ – اعارتۋدىڭ باستاپقى ماقساتىنان الشاقتاعاندىق بولا ما؟

  ينتەرنەتتەگى ەرتە تاربيەگە ارنالعان ءتۇرلى ونىمدەرىنىڭ ۇگىتتىك ۇرانى وتە كۇردەلى ەمەس. كەيبىرەۋى زەردەنى ەرتە جەتىلدىرۋدى باسا دارىپتەيدى، مىسالى: «0 جاستان 3 جاسقا دەيىنگى ارالىق بوبەكتەردىڭ جەتىلۋىندەگى التىن مەزگىل»، «بالانىڭ تۇرلىشە ءوسىپ - جەتىلۋ كەزەڭىندەگى ماڭىزدى مەزگىلىن وتكىزىپ الماڭىز»، كەيبىرەۋى تۇتىنۋشىلاردىڭ كوڭىل – كۇيىن ءداپ باسۋعا تىرىسادى، مىسالى: «وتباسىندا ەرتە تاربيەلەۋ بۇلتارتپاس قاجەتسىنۋگە اينالدى»، «ءوز بالاڭىزدى وزگەلەر قىزىعا قارايتىن بالا بولسىن دەسەڭىز» دەگەن سوزدەردى قولدانادى. الايدا، قاراپايىم عانا بىرنەشە سويلەم ءسوز جاس اتا – انالاردىڭ كوڭىل – كۇيىن ءداپ باسادى — ەشقاشان باستان كەشىرمەگەندىكتەن، شەشۋشى كەزەڭدى وتكىزىپ الۋدان الاڭدايدى، وتكىزىپ الۋدان الاڭداعان سايىن، كوزسىزدىكپەن دۇرمەككە ىلەسەدى.

  ارينە، اناعۇرلىم تەرەڭ دەڭگەيدەن قۋزاستىراتىن بولساق، جاس اتا – انالاردىڭ ينتەرنەتتەگى «وتە ەرتە تاربيە» ونىمدەرىن تاڭداۋىنىڭ سەبەپتەرى دە كوپ ءتۇرلى، كۇردەلى. ءبىر جاعىنان ايتقاندا، «80 -، 90 ، جىلدىڭ تۇلەكتەرى» بولعان اتا – انالار جاساندى زەردە جانە ىرىدەرەك تەحنيكاسىنا اشىق پوزيتسيا ۇستانادى، سيفرلى ەكراندار مەن جىلجىمالى تەرمينالداردى قابىلداۋعا بەيىم؛ ەندى ءبىر جاعىنان ايتقاندا، قىزمەت ريتىمىنىڭ قاربالاستىعى مەن بالا تاربيەسى جونىندەگى بىلىمدەرىنىڭ سالىستىرمالى تۇردە جەتكىلىكسىز بولۋىنا بايلانىستى، ولار ىرىقتى نەمەسە ىرىقسىز تۇردە قولفون نەمەسە تاقتا كومپيۋتەر قاتارلىلاردى بالانىڭ ويىن سەرىگى ەتەدى؛ مۇنان سىرت، وقۋ – اعارتۋ جاعىنداعى قاتاڭ باسەكە دە، اناعۇرلىم كوپ جاس اتا – انالاردى «بالامىز كومبەدەن شىقپاي جاتىپ ۇتىلىپ قالماسىن» دەيتىن ادامدار توبىنىڭ اراسىنا قىستىرىلۋعا ماجبۇرلەيدى. وتە – موتە، جۋىرداعى جىلداردان بەرى، زور مولشەردەگى كاپيتالدى قابىلداعان ينتەرنەتتەگى وقۋ – اعارتۋ سالاسى وزىندىك قۇندى اياماستان، كوپ مولشەردە جارناما بەرىپ، بالا تاربيەسى كوزقاراسى مەن تۇتىنۋ كوزقاراسىن ءالى دە تولىق قالىپتاستىرىپ بولماعان جاس اتا – انالارعا ىقپال ەتۋدە ءارى ولاردى ينتەرنەتتەگى ەرتە تاربيە ونىمدەرىن تۇتىنۋشىلار شوعىرىنا قوسىلۋعا جەتەلەۋدە.

  الايدا، ينتەرنەتتەگى وقۋ – اعارتۋ جۇمساق بولەشكتەرى ارقىلى زەردەنى اشۋ جانە ءبىلىم بەرۋ وتە ەرتە بولىپ كەتسە، بالانىڭ دەنساۋلىعىنا شىنىندا پايدالى ما؟ عىلىمي زەرتتەۋلەر مىنانى ايقىندادى، بالانىڭ فيزولوگيالىق جانە پسيحولوگيالىق جاقتان جەتىلۋىنىڭ وزىندىك زاڭدىلىعى بار، مايسانى تارتىپ ءوسىرۋ ويداعىداي ناتيجە بەرمەۋمەن بىرگە، بالادا قارسىلىق پسيحيكاسىن قالىپتاستىرىپ، قاتىستى بىلىمدەرگە دەگەن اۋەسىنەن ايىرۋى مۇمكىن. مۇنان دا ماڭىزدىسى، جۋىرداعى جىلداردان بەرى، كورۋ قۋاتى السىرەگەن بالالاردىڭ ورتاشا جاس مولشەرىنىڭ دە تومەندەي باستاۋىنىڭ ولاردىڭ قولفون نەمەسە تاقتا كومپيۋتەردى ەرتە باستان قولدانۋىمەن قاتىستى جوق دەي المايمىز.

  سونىمەن بىرگە، ماماندار مىنانى باسا دارىپتەدى: ەلەكتروندىق بۇيىمداردى ەرتە باستان قولدانۋ بالانىڭ بولاشاقتا ادامدار ارا – قارىم قاتىناستى جەتىلدىرۋىنە جانە مىنەزىن قالىپتاستىرۋىنا كەرى ىقپال جاسايدى. 3 جاسقا دەيىنگى بالالار اتا – انانىڭ سەرىك بولۋىندا، ۇلى تابيعاتپەن اناعۇرلىم ەتەنە بولۋى، بالالارمەن اناعۇرلىم كوپ ارالاسۋى، جاناسۋى، تىكەلەي سەزىنۋى، شىنايى جاناسىمدىلىق نەگىزىندە تانىم قالىپتاستىرۋعا جاتتىعۋى كەرەك، سوندا عانا زەردەنى اشۋ مەن تاماشا مىنەز قالىپتاستىرۋعا بارىنشا ءتيىمدى بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار