تۇسىندىرمەدەگى ءدارى ءىشۋ ۋاقىتىن، ءسىرا، قالاي ءتۇسىنۋ كەرەك؟
2020.11.23 15:34 كەلۋ قاينارى : حالىق تورابى
ءدارىنى ۇيلەسىمدى ۋاقىتتا پايدالانۋ ءدارىنىڭ ەمدىك ونىمدىلىگىن ءونىمدى جوعارىلاتىپ قالماستان، ءدارىنىڭ كەرى اسەرىن تومەندەتۋى دە مۇمكىن. ءدارى ءىشۋ ۋاقىتىنىڭ ارالىعى دەنەنىڭ زات الماستىرۋىنا قاتىستى قوزعاۋشى كۇش عىلىمىنا بايلانىستى بەلگىلەنەدى، تەك تۇسىندىرمەدەگى بەلگىلەنگەن ۋاقىت ارالىعى بويىنشا ءدارى ىشكەندە عانا، ءدارىنىڭ دەنەدەگى قويۋلىعىن سالىستىرمالى تۇردە ەمدەۋگە قاجەتتى مولشەردە ورنىقتى ساقتاۋعا كەپىلدىك ەتۋگە بولادى. ەڭ تاماشا ەمدىك ونىمدىلىگىنە جەتۋ، ءدارىنىڭ قويۋلىعىنىڭ شامادان اسىپ كەتىپ، دارىدەن ۋلانۋدى كەلتىرىپ شىعارۋىنان نەمەسە ءدارىنىڭ كەرى اسەرىنىڭ كۇشتى بولىپ كەتۋىنەن، قويۋلىعىنىڭ وتە تومەن بولىپ قالىپ، ەمدىك ونىمدىلىگىنە قول جەتكىزە الماۋدان ساقتانۋ ءۇشىن، ءدارى ءىشۋ ۋاقىتىن قالاعانشا قىسقارتۋعا نەمەسە ءدارىنى جۇيەسىز ىشۋگە بولمايدى.
ءدارى – دارمەك تۇسىندىرمەسىندە ۇنەمى كەزدەسەتىن ءدارى تۇتىنۋ ۋاقىتتارى:
1. تاڭەرتەڭ: ورنىنان تۇرعان سوڭ، تاڭعى استى جەۋدەن ءبىر ساعات بۇرىنعى ۋاقىتتى كورسەتەدى، تۋبەركۋلەزگە قارسى ريفامپين، ريميفون دارىلەرىن تاڭەرتەڭ ءبىر رەتتە ىشسە، اناعۇرلىم ويداعىداي ميكروب ءولتىرۋ ونىمدىلىگىنە قول جەتكىزۋگە بولادى.
2. اش قارىن: كوپتەگەن ادامدار تەك ءدارى ىشەردەن بۇرىن تاماق ىشپەسە بولدى، ءدارى ىشكەن سوڭ دەرەۋ تاماق ىشۋگە بولادى دەپ قارايدى. بۇل ءىس جۇزىندە قاتە كوزقاراس. ءدارىنى اشقارىندا ءىشۋ دەگەنىمىز تاماقتان 1، 2 ساعات بۇرىن، تاماق ىشكەننەن كەيىن 2 ساعاتتان سوڭ ءدارى ءىشۋدى كورسەتەدى، مىسالى: ىشەك ەرىتكىش تابىلەتكاسى تەكتەس دارىلەر، اتالعان ءدارى اسقازان سۇيىقتىعىندا وڭايلىقپەن تالقاندالمايدى، تەك ىشەك جولىندا عانا دەنەگە سىمىرىلەدى، سوندىقتان، بۇل دارىلەردى اشقارىندا ءىشۋ تالاپ ەتىلەدى.
3. تاماقتان بۇرىن: اتاپ ايتقاندا، ءۇش ۋاقىتقى تاماقتان بۇرىن 30 – 60 مينۋت بۇرىن. تاماقتان بۇرىن اسقازاندا اس از بولاتىندىقتان، ءدارىنىڭ سىمىرىلۋىنە ءتيىمدى بولادى، ادەتتە اسقازاندى تىتىركەندىرمەيتىن نەمەسە ازداپ تىتىركەندىرەتىن دارىلەردى نەمەسە اسقازاندى ەمدەيتىن دارىلەردى تاماقتان بۇرىن ءىشۋ تالاپ ەتىلەدى، مىسالى، اسقازان كىلەگەيلى قابىعىن قورعاۋ ءدارىسى، اسقازان – ىشەكتى ارەكەتتەندىرەتىن دارىلەر، قىشقىل تەجەيتىن دارىلەر، تسەفالوسفورالار، ءىش ءوتۋدى تياتىن دارىلەر قاتارلىلار.
4. تاماق ۇستىندە: تاماقتىڭ الدىندا عانا نەمەسە تاماقتان كەيىن سالدەن سوڭ ىشەتىن دارىلەر؛ تاماقتانۋ بارىسىندا دەگەنىمىز ءدارىنى ازىقپەن بىرگە ءىشۋدى كورسەتەدى، مىسالى، گليۋكوزيدازا تەجەگىش (اكاربوزا) جىڭىشكە ىشەكتە گليۋكوزيدتى گيدرولازانى باسەكەلىك سيپاتتى تەجەپ، تاماقتان كەيىن قانداعى قانت قۇرامىنىڭ ارتۋ مولشەرىن ازايتادى، تەك تاماقپەن بىرگە ءدارىنى تۇتىنعاندا عانا ەمدىك ونىمدىلىگىنە جەتۋگە بولادى.
5. تاماقتان كەيىن: تاماقتان كەيىن 30 مينۋت – ءبىر ساعات ۋاقىتتى كورسەتەدى.
6. ۇيىقتاۋدان بۇرىن: ۇيىقتاۋدان 15 – 30 مينۋت بۇرىنعى ۋاقىتتى كورسەتەدى.
7: قاجەتتى كەزدە: اۋىرسىنۋ نەمەسە كەنەتتەن تۋىلعان جاعدايلاردا دەرەۋ ءىشۋدى كورسەتەدى.
8. ءبىر كۇندە ءبىر رەت: ءار كۇنى تاڭەرتەڭ نەمەسە كەشتە ءبىر رەت ءىشۋدى ءارى ءار كۇنى ۇقساس ۋاقىتتا ءىشۋدى كورسەتەدى.
9. ءبىر كۇندە ەكى رەت: ءار كۇنى تاڭعى اس پەن كەشكى اس كەزىندە ءىشۋدى كورسەتەدى، ارالىعى 12 ساعات بولۋى كەرەك.
10. ءبىر كۇندە ءۇش رەت: قاتاڭ بەلگىلەمە بويىنشا، ءدارىنى ءبىر كۇندە ءۇش رەت ءىشۋ دەگەنىمىز كۇندىز بەن ءتۇندى ءۇش ۋاقىتقا ءبولىپ ءدارى ءىشۋدى كورسەتەدى، اتاپ ايتقاندا، 8 ساعاتتا ءبىر رەت ءىشۋدى بىلدىرەدى. الايدا، ءىس جۇزىندىك تۇرمىستا، ناۋقاستاردىڭ اناعۇرلىم ويداعىداي ورىنداۋى ءۇشىن، ناۋقاستاردى ۇيقىدان سىرت ۋاقىتتى 3 كەزەڭگە ءبولىپ، ءۇش رەت ءدارى ىشكىزۋگە بولادى. ادەتتە تاڭەرتەڭ، تۇستە، كەشتە ءۇش ۋاقىتقى تاماقتىڭ الدىندا نەمەسە ارتىندا ءىشۋ كەرەك. الايدا، ءىشىنارا دارىلەر، مىسالى، ميكروبقا قارسى دارىلەردىڭ، تالماۋ اۋرۋىنا قارسى دارىلەردىڭ، پاركينسوندى ەمدەيتىن دارىلەردىڭ تۇسىندىرمەسىنە ءدارى ءىشۋ ۋاقىتى انىق بەلگىلەنەدى، مىسالى «ءار 8 ساعاتتا ءبىر رەت ءىشۋ كەرەك»، مۇنداي جاعدايدا ءدارى ىشۋدە تۇسىندىرمەگە قاتاڭ بويسۇنۋ كەرەك.
11. ءبىر كۇندە كوپ رەت: مۇمكىندىگىنشە 24 ساعات ۋاقىتتى تەپە – تەڭ ءبولۋ كەرەك ءارى دەمالىس ۋاقىتىمەن سايكەستىرۋ كەرەك.
12. گليۋكوكورتيكويدتىڭ ءبىر كۇندىك مولشەرىن تاڭەرتەڭگى ساعات 7 دەن 8 ارالىعىندا ءىشۋ كەرەك. ۇيتكەنى گليۋكوكورتيكويدتى ءبولىپ شىعارۋدىڭ تاۋلىكتىك ريتىمدى وزگەرىسى بويىنشا ايتقاندا، وزىندىك ءبولىپ شىعارۋ جوعارعى شەگى تاڭەرتەڭگى ساعات 7 دەن 8 ارالىعىندا بولادى، ەگەر وسى ۋاقىتتا سىرتقى قاينارلىق گليۋكوكورتيكويد ىشەتىن بولسا، استىڭعى تومپاقشا مي - گيپوفيز بەزى – بۇيرەك ءۇستى بەزى ءوسىنىڭ تەجەۋ رولىن ەڭ تومەنگى شەككە دەيىن تۇسىرۋگە، وسى ارقىلى كەرى اسەرىن ازايتۋعا بولادى.
سونىمەن بىرگە، كۇندەلىكتى تۇرمىستا جۇڭگوشا دارىلەردى دە، باتىسشا دارىلەردى دە ىشۋگە تۋرا كەلەتىن جاعداي دا ۇنەمى كەزدەسەدى، مۇندايدا ارالىق قالدىرۋ كەرەك پە، جوق پا دەگەندى دە ويلانۋ قاجەت. جۇڭگوشا، باتىسشا دارىلەردىڭ اراسىندا ءوزارا رول اتقارۋ جاعدايى تۋىلادى. ادەتتە، جۇڭگوشا، باتىسشا دارىلەردى بىرگە ىشكەن كەزدە، بەلگىلى ۋاقىت ارالىعىن ساقتاۋ قاجەت بولادى، ادەتتەگى جاعدايدا، ۋاقىت ارالىعى جارىم ساعاتتان استام بولسا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
