مەملەكەتتىك دەنساۋلىق ساقتاۋ، سالاماتتىق كوميتەتى: قارتتاردىڭ زەردەلى تەحنيكانىڭ سەبەبىنەن ءنومىر الا الماۋىنا، ەمدەلە الماۋىنا استە جول بەرىلمەيدى
2020.11.30 17:16 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 26 – كۇنى بەيجيڭنەن بەرگەن حابارى. مەملەكەتتىك دەنساۋلىق ساقتاۋ، سالاماتتىق كوميتەتى قارتتار دەنساۋلىق ساقتاۋ مەڭگەرمەسىنىڭ باستىعى ۋاڭ حايدۇڭ 11 – ايدىڭ 26 – كۇنى مەملەكەتتىك كەڭەستىڭ ساياساتتىق كەزەكتى قۇلاق قاعىس ەتۋ ماجىلىسىندە بىلاي دەدى: «ءبىز قارتتاردىڭ زەردەلى تەحنيكانىڭ سەبەبىنەن ءنومىر الا الماۋىنا، ەمدەلە الماۋىنا، جۇمىس ىستەي الماۋىنا استە جول بەرمەيمىز». زەردەلى تەحنيكانى ىستەتپەگەن جانە ىستەتە بىلمەيتىن قارت ناۋقاستارعا قاراتا، ەمدەۋ قۇرىلىمدارى، ءسوز جوق، ناق مايداندا ءنومىر الۋ، اقى تاپسىرۋ، تەكسەرۋ ناتيجەسىن باسىپ شىعارۋ سياقتى ارناۋلى ادام قىزمەت وتەيتىن تەرەزەلەردى اشۋى، سونداي ـ اق ەمدەۋ جەتەكشىسى، ەرىكتىلەر، قوعامدىق قىزمەتكەر سياقتىلاردى قارتتارعا قىزمەت ەتتىرۋ كەرەك.
ينفورماتسيا تەحنيكاسىنىڭ دامۋى ناۋقاس كورسەتۋگە، ەمدەلۋگە قولايلىلىق جاراتتى، ءبىراق كەيبىر قارتتاردىڭ «جوعارى عىلىم – تەحنيكا جاعىنان تاستاندى ەتىلگەن» جاعدايى جارىققا شىقتى. وسى قيىن ماسەلەنى شەشۋدە، ۋاڭ حايدۇڭ « ەكەۋىن دە قاتار جۇرگىزۋ» پرينسيبىنە تاباندى بولىپ، زەردەلى تەحنيكانى قولدانۋمەن بىرگە، ەمدەۋ، دەنساۋلىق ساقتاۋ قۇرىلىمدارىنان ءداستۇرلى قىزمەت وتەۋ ءتاسىلىن ساقتاۋدى تالاپ ەتتى.
«دەنساۋلىق سيفرى» ارقىلى شيپاحاناعا كىرۋ جونىندە، ۋاڭ حايدۇڭ بىلاي دەدى: «دەنساۋلىق سيفرىن» شيپاحاناعا كىرۋدىڭ بىردەن – ءبىر قۇجاتى ەتۋگە بولمايدى، باسقا تاسىلدەر ارقىلى ورنىن باسۋ كەرەك. مىسالى، زەردەلى قول تەلەفون ىستەتپەگەن قارتتار كۇشكە يە ازاماتتىق كۋالىگىن نەمەسە جازباشا كۋالىكتى كورسەتۋىنە بولاتىن ەتۋ. شارت - جاعدايى بار جەرلەر مەن ورىنداردى قارتتارعا «دەنساۋلىق سيفرىنسىز» كىرۋىنە بولاتىن جول اشۋعا شابىتتاندىرۋ كەرەك.
ءنومىر الۋ باسقىشىندا، ۋاڭ حايدۇڭ وتباسىنداعىلاردىڭ، تۋىس - تۋعان، دوس - جاراندارىنىڭ نەمەسە وتباسىنداعىلاردىڭ كەلىسىم جاساسقان شيپاگەرلەرىنىڭ جاسى ەگدەلەپ قالعان ناۋقاستار ءۇشىن ءنومىر الۋ ارناسىن ىركىلىسسىزدەندىرۋ كەرەك، «ءسوز جوق، وسى ارنانى ساقتاپ قالۋ كەرەك، تاعى دا وسى ارنانى ىركىلىسسىزدەندىرۋ كەرەك».
ەمدەلۋ باسقىشىندا، ۋاڭ حايدۇڭ توراپتا سۇراق سۇراۋ، دياگنوز قويۋدى اناعۇرلىم قاراپايىمداستىرىپ، دىبىستىق كەڭەس بەرۋ، جەتەكشىلىك ەتۋ قىزمەت وتەۋى سياقتىلار ارقىلى مۇمكىندىكتىڭ بارىنشا قارتتاردىڭ ەمدەلۋىنە قولايلىلىق تۋدىراتىندىعىن ءبىلدىردى.كەلەسى قادامدا، مەملەكەتتىك دەنساۋلىق ساقتاۋ، سالاماتتىق كوميتەتى بۇكىل ەلدە قارتتار دوستىق - ىزگىلىك ەمدەۋ قۇرىلىمىن قۇرادى ءارى قارتتارعا اقىل - پاراساتتىق كومەك بەرۋ قيمىلىن ورىستەتەدى، مەحانيزم ورناتىپ، تاربيەلەۋ مەن ۇگىتتەۋدى كۇشەيتىپ، قارتتاردىڭ – زەردەلى تەحنيكادان ويداعىداي پايدالانۋىنا مۇمكىندىك جاسايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
