ماماندار مىنانى ەسكەرتەدى:
جەدەل جولدامانى تاپسىرىپ العان سوڭ، قولدى مۇقيات جۋۋ كەرەك
2020.12.16 15:05 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى چاۋ جين 12 - ايدىڭ 14 - كۇنى ۇرىمجىدەن حابارلايدى. 12 - ايدىڭ 14 - كۇنى ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مامانى تۇرعىندارعا جەدەل جولداما - سالەمدەمەلەردى تاپسىرىپ العان كەزدە قاجەتتى قورعانۋ شارالارىن قولدانۋعا كوڭىل ءبولۋ كەرەكتىگىن ەسكەرتتى.
ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعى زارارسىزداندىرۋ جانە ىندەت دانەكەرى ورگانيزمدەرىنەن ساقتانۋ ءبولىمىنىڭ مەڭگەرۋشىسى، سالاماتتىق بىلىمدەرىن جالپىلاستىرۋ مامانى چىن مين بىلاي دەپ تانىستىردى: ءتۇرلى جەدەل جولداما - سالەمدەمەلەردى تاپسىرىپ العان كەزدە تاپسىرىپ الۋشى ادام ماسكىنى دۇرىس تاعىپ، قاجەتتى كەزدە قولعاپ كيۋ؛ جەتكىزۋشى ادامعا الدىن الا جەدەل جولدامانى بەلگىلەنگەن ءتۇيىندى ورىنعا قويۋدى ايتىپ، جاقىنداسپاي جەتكىزۋدى ورىنداۋ كەرەك؛ ماسەلەن، بەتپە - بەت تاپسىرىپ الۋعا تۋرا كەلگەندە، سويلەسكەندە قوعامدىق قارىم - قاتىناستىڭ ءبىر مەتردەن استام حاۋىپسىز ارالىعىن ساقتاۋ كەرەك. جەدەل جولداما - سالەمدەمەلەردى تاپسىرىپ العان سوڭ، دالادا سىرتقى قورابىن الۋ نەمەسە الدىمەن زارارسىزداندىرۋ سۇيىقتىعى (زارارسىزداندىرۋ سۋلى قاعازى) ارقىلى سىرتقى قورابىن جالپى بەتتىك زارارسىزداندىرعاننان كەيىن ۇيگە الىپ كىرۋ كەرەك.
چىن مين بىلاي دەپ تانىستىردى: ۇيگە كىرگەن سوڭ نەمەسە سىرتقى قورابىن العان سوڭ، دەرەۋ ”جەتى باسقىشتاعى قول جۋۋ ءادىسى“ بويىنشا قولدى مۇقيات جۋۋ، سۋدى اعىزىپ قويىپ قول جۋۋ سۇيىقتىعىمەن قولدىڭ ءاربىر بولىگىن 20 − 30 سەكۋندتان ولشەمدى جۋۋ كەرەك. ەل ءىشى - سىرتىنداعى حاۋىپ - قاتەرى جوعارى وڭىرلەردەن كەلگەن پوچتا جولدامالارىنىڭ ىشكى قورابىن قۇرامىندا سپيريت، قوس تىزبەكتى كۋاتەرناري امموني تۇزى بار زارارسىزداندىرۋ سۋلى قاعازىمەن ءسۇرتۋ نەمەسە ％75تىك سپيريتپەن زارارسىزداندىرۋ كەرەك، قوس قولدىڭ لاستانۋى مۇمكىن جاعدايدا قايتالاپ قول جۋۋ نەمەسە جۋۋ قاجەتسىز بولعان زارارسىزداندىرعىشپەن قوس قولدى زارارسىزداندىرۋ كەرەك؛ ىشكى قورابىن اشقان سوڭ، تازا سۋمەن زاتتى تۇبەگەيلى سۇرتكەننەن سوڭ نەمەسە جۋعاننان سوڭ ىستەتۋ كەرەك. سالەمدەمەنى ءبىر جاقتى ەتكەندە تۇتاس بارىستا قوس قولدىڭ لاستانۋىنان ساقتانۋعا كوڭىل ءبولىپ، سالەمدەمەگە جاناسقاننان كەيىن قولدى جۋماي، زارارسىزداندىرماي جاتىپ اۋىزدى، مۇرىندى، كوزدى ۇستاۋدان ساقتانۋ كەرەك. ەل ءىشى - سىرتىنداعى حاۋىپ - قاتەرى جوعارى وڭىرلەردەن كەلگەن جەدەل جولداما - سالەمدەمەلەرگە جالپى بەتتىك زارارسىزداندىرۋ جۇرگىزۋمەن بىرگە، ىستەتۋگە اسىقپاعان جاعدايدا جەل وتەتىن ورىنعا اشىپ قويىپ، بىرنەشە كۇن وتكەننەن سوڭ ىستەتۋ كەرەك.
چىن مين بىلاي دەپ ەسكەرتەدى: جاڭا تيپتى ايدارشا ۆيرۋس وكپە قابىنۋ ىندەتىنىڭ قازىرگى دامۋ بەتالىسىنا مەڭزەس، جۇرت ”سىرتتان كىرۋدەن ساقتانۋ“ سىندى ارقاۋدى مىقتاپ شيراتىپ، ەل ءىشى - سىرتىنداعى حاۋىپ - قاتەرى جوعارى وڭىرلەردىڭ ونىمدەرىن ينتەرنەتتە ساتىپ الۋدان ساقتانىپ، ءوزىنىڭ جانە ۇيىندەگىلەردىڭ دەنساۋلىعىن قورعاۋى كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
