سۋىق تىزبەك زات تاسىمالىمەن اينالىسۋشىلار جەكە باستىق قورعانۋدى جاقسى ىستەۋى كەرەك
2020.12.25 14:08 كەلۋ قاينارى : حالىق تورابى
شينجياڭ گازەتىنىڭ 12 - ايدىڭ 23 - كۇنى ۇرىمجىدەن بەرگەن حابارى. قىس تۇسكەننەن بەرى ەل ىشىندە اندىز - اندىز ىندەت جاعدايى ىركەس - تىركەس جارىققا شىقتى، مۇنىڭ كوبى سۋىق تىزبەك يمپورتتىق ازىق - تۇلىكتەرمەن قاتىستى. ۆيرۋستىڭ سۋىق تىزبەك زات تاسىمالى ارقىلى كىرۋىنەن قاتاڭ ساقتانۋ ءۇشىن، ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مامانى سۋىق تىزبەك زات تاسىمالىمەن اينالىسۋشىلارعا ءوزىنىڭ جانە وتباسىنداعىلاردىڭ اماندىعى ءۇشىن، قىزمەتتە جانە ۇيدەگى كەزدە جەكە باستىق قورعانۋدى جاقسى ىستەۋدى ەسكەرتتى.
ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعى زارارسىزداندىرۋ جانە ىندەت دانەكەرى ورگانيزمدەرى ءبولىمىنىڭ باستىعى چىن مين بىلاي دەپ تانىستىردى: جاڭا تيپتى ايدارشا ۆيرۋس وكپە قابىنۋ ۆيرۋسى ازىق - تۇلىك ارقىلى تاراماعانىمەن، ءبىراق ىندەت تۋىلعان وڭىرلەردە ەگەر وسى كاسىپپەن اينالىسۋشى ادام جاڭا تيپتى ايدارشا ۆيرۋس وكپە قابىنۋ ىندەتىنىڭ ۆيرۋسىمەن جۇعىمدالسا، جۇعىسۋ نەمەسە تۇكىرىك شاشىراندىسى ارقىلى ازىق - تۇلىكتەردى جانە ازىق - تۇلىكتەردىڭ سىرتقى قورابىن لاستايدى. سوندىقتان، سۋىق تىزبەك زات تاسىمالىمەن اينالىسۋشىلار قورعانۋ تالابىنا سانالى تۇردە بويسۇنىپ، قورعانۋ تەحنيكالىق شەبەرلىگىن يگەرىپ، ءوز دەنساۋلىعىن ويداعىداي قاداعالاپ تۇرۋى ءارى بىرگە قىزمەت ىستەيتىن، بىرگە تۇراتىن ادامداردىڭ دەنساۋلىق جاعدايىنا ءار كەز نازار اۋدارۋى، ءار كۇنى دەنە تەمپەراتۋراسىن تەكسەرىپ ولشەپ تۇرۋى، قىزۋى ورلەۋ، جوتەلۋ سياقتى قالىپسىز اۋرۋ بەلگىلەرى بايقالسا دەر كەزىندە الەۋمەتتىك اۋماققا مالىمدەۋى، الەۋمەتتىك اۋماق ارناۋلى كولىكپەن قىزۋ امبولاتورياسىنا اپارىپ تەكسەرتۋى كەرەك، قوعامدىق قاتىناس كولىكتەرىمەن بارۋعا بولمايدى.
سۋىق تىزبەك زات تاسىمالىمەن اينالىسۋشىلار ماسكىنى دۇرىس تاعىپ، قولىنا قولعاپ، ۇستىنە جۇمىس كيىمىن كيىپ جۇمىسقا بارۋى، قىزمەت كيىمىن تازا، رەتتى ۇستاپ، مەرزىم سايىن جۋىپ، زارارسىزاندىرۋى كەرەك؛ جاستاي ساقتاۋ، سويۋ، ءبولۋ سەحتارى سياقتى ەرەكشە جۇمىس ورىندارىنداعى قىزمەتكەرلەر قىزمەت كيىمىنەن باسقا، تالاپ بويىنشا سۋدان ساقتاناتىن الجاپقىش تارتىپ، رازىنكە قولعاپ، رازىنكە ەتىك سياقتىلاردى كيۋى كەرەك؛ ازىق - تۇلىك جۇمىسىمەن اينالىسۋشىلار ازىق - تۇلىكتەن باسقا قاتىستى قيمىلداردى جۇرگىزگەن سوڭ، ءسوز جوق، قولعاپتى اۋىستىرۋى كەرەك.
زات تيەيتىن، تۇسىرەتىن جۇمىسشىلار زات تاسۋدىڭ الدىندا قىزمەت كيىمى مەن باس كيىمىن جانە قولعاپ كيۋى كەرەك، قاجەت بولعاندا تۇيىق كوزىلدىرىك پەن بەتقالقا تاعىپ، زاتتىڭ سىرتقى بەتىنىڭ دەنەگە قايتا - قايتا جۇعىسۋىنان ساقتانۋ كەرەك؛ زات تاسۋ، ءتۇسىرۋ بارىسىندا ماسكى، قولعاپ جىرتىلسا دەرەۋ اۋىستىرۋ كەرەك. تاسىمال كولىكتەرىنىڭ شوفەرلەرى تاسۋ بارىسىندا ءوز بەتىمەن سۋىق تىزبەك ازىق - تۇلىكتەرىنىڭ قورابىن اشۋىنا نەمەسە سۋىق تىزبەك ازىق - تۇلىكتەرىنە تىكە جۇعىسۋىنا بولمايدى. ءوندىرىس، وڭدەۋ، ساقتاۋ جانە تاسىمال بۋىندارى سياقتىلاردىڭ ورتاسىن تازالاعاندا، جوعارى قىسىمدى سۋمەن بۇركىپ جۋماۋ، شاشىراۋ ارقىلى لاستانۋدىڭ تۋىلۋىنان ساقتانۋ كەرەك.
قاتىستى زات تاسىمال حاۋىپسىزدىگىن تەكسەرۋشىلەر قىزمەت كيىمىن، باس كيىمىن كيۋى، ءبىر رەتتىك مەديتسينالىق ماسكىنى نەمەسە سىرتقى اۋرۋلار ماسكىسىن، قولعابىن پايدالانۋى كەرەك، قاجەت بولعاندا تۇيىق كوزىلدىرىك پەن بەتقالقا تاعۋ كەرەك؛ قولدىڭ تازالىعىن كۇشەيتۋ، ءار رەتتە قولعاپ اۋىستىرعاندا نەمەسە قولعاپ شەشكەندە، ءسوز جوق، قولدى جۋىپ زارارسىزداندىرىپ، قورعانۋ بۇيىمدارىنىڭ ەكىنشى رەت لاستاۋىنان ساقتانۋ كەرەك؛ قىزمەتتەن كەيىن بەلگىلەنگەن ورىندا قىزمەت كيىمى، اياق كيىم، باس كيىم جانە ماسكى سياقتى قورعانۋ بۇيىمدارىن شەشكەن سوڭ عانا جۇمىس ورنىنان كەتۋگە بولادى، شەشكەن قورعانۋ بۇيىمدارىن بەلگىلەمە بويىنشا ۇيلەسىمدى جيناپ الىپ، شوعىرلى تۇردە زارارسىزداندىرىپ ءبىر جاقتى ەتۋ كەرەك.
چىن مين مىنالاردى ەسكەرتتى: سۋىق تىزبەك زات تاسىمالىمەن اينالىسۋشىلار ۇيدەگى كەزدە جەكە باستىق قورعانۋدى جاقسى ىستەۋى كەرەك. كۇنىنە 2 − 3 رەت، ءار رەتتە كەمىندە 30 مينۋت تەرەزە اشىپ اۋا الماستىرۋعا كوڭىل ءبولۋ كەرەك. قىزمەتتەن ۇيگە قايتقان سوڭ ماسكى، سىرتقى كيىم، اياق كيىم، باس كيىم سياقتىلاردى بەلگىلەنگەن ورىنعا شەشۋ ءارى قولدى ولشەممەن جۋۋ كەرەك، قول جۋماي تۇرىپ اۋىز، كوز، مۇرىندى ۇستاۋعا بولمايدى، اۋىزدان، مۇرىننان شىققان بولىندىلەردى نەمەسە تۇكىرىگىن قاعازبەن وراپ، قاقپاعى بار قوقىس ساندىعىنا سالۋ كەرەك. ءۇي ءىشىنىڭ تازالىعىن ساقتاپ، دىمداپ تازالاۋ، قاجەت بولعاندا الدىن الۋ سيپاتىندا زارارسىزداندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
