ىندەتتەن ساقتانۋ جاعىنداعى عىلىمدى جالپىلاستىرۋدىڭ عىلىمي بولۋىن ويداعىداي مەڭگەرۋ كەرەك
ۋاڭ حۇڭفىڭ (ۇكىمەت قىزمەتكەرى)
2021.01.22 15:03 كەلۋ قاينارى : حالىق تورابى
اقپارات قۇرالدارىنىڭ حابارلاۋىنشا، انحۇي ولكەسى فۋياڭ قالاسىنداعى لي حانىم مەن اناسى جۇردەك پويەز بەكەتىنە بارىپ، باۋىرىنىڭ الدىنان شىققان، باۋىرى بەكەتتەن شىعا بەرىسىمەن، اناسى سپيرت بۇرىككىشپەن ءىنىسىنىڭ ونە بويىن زارارسىزداندىرعان. جالعىز بۇل عانا ەمەس، جۋىردا اقپارات قۇرالدارىندا «سپيرت بۇركىپ قىزىن قارسى العان انا جۇرتقا ۇلگى بولدى» دەگەن تاقىرىپتاعى ماقالا جاريالانىپ، اناسىنىڭ ىندەتتەن ساقتانۋ تانىمىنىڭ كۇشتى ەكەنىن ماقتاعان. الايدا، دەنساۋلىق ساقتاۋ جانە سالاماتتىق جۇيەسىندەگى قىزمەتكەر رەتىندە، اۆتور مۇنداي «زاراسىزداندىرۋعا» قاتىستى اقپاراتتاردى كورگەندە مازاسىزدانادى. تۇلا بويىنا سپيرت بۇركىپ زارارسىزداندىرۋ وتە قاتەرلى! اقپارات قۇرالدارى مۇنداي حابارلاردى جاريالاعاندا، عىلىمي ساۋاتقا ساي كەلۋىن قاداعالاۋى كەرەك.
قازىر جۇرت جەكەلىك تازالىق پەن زارارسىزداندىرۋ ىستەرىنە توتەنشە كوڭىل بولەدى، ماسكى تاعۋ، ۇنەمى قول جۋۋدان سىرت، سپيرت بۇركۋ دە كوپتەگەن ادامداردىڭ زارارسىزداندىرۋ شاراسىنا اينالدى. مەديتسينادا قولدانىلاتىن سپيرت زارارسىزداندىرۋ رولىن اتقارادى، الايدا، ابايلاپ پايدالانباسا، زالال تۋدىرۋى دا مۇمكىن. بىلتىر 2 – ايدا، انحۇي ولكەسى حىفەي قالاسىنداعى ۋاڭ حانىم سپيرتپەن ءوزىنىڭ ونە بويىن زارارسىزداندىرعان سوڭ، اسحانا ۇيگە بارىپ، تاماق ىستەگەن، ابايسىزدا دەنەسىنە بۇركىلگەن سپيرت تۇتانىپ، ۋاڭ حانىم وتقا كۇيىپ، ەمحاناعا شۇعىل جەتكىزىلگەن.
جۇڭگو اۋرۋدى تىزگىندەۋ ورتالىعى مىنانى ايقىن اتاپ كورسەتتى: ادام دەنەسىنە كەڭ كولەمدى سپيرت بۇركۋ ارقىلى زارارسىزداندىرۋ شاراسىن ىستەمەگەن ءجون. سپيرت وڭاي تۇتانادى، وڭاي بۋعا اينالادى، بولمە ىشىندە قويۋلىعى ءبىرشاما جوعارى بولعان كەزدە، وتقا تيسە تۇتانىپ كەتۋى مۇمكىن. سوندىقتان، دالان، ءماجىلىس زالى، كەڭسە قاتارلى جەرلەردە سپيرت بۇركۋ ارقىلى زارارسىزداندىرماعان ءجون. سونىمەن بىرگە، سپيرتتى كيىم – كەشەككە بۇركىپ زارارسىزداندىرماستان، ءسۇرتۋ ارقىلى زارارسىزداندىرۋ كەرەك، ونىڭ ونىمدىلىگى بۇركىپ زارارسىزداندىرعاننان جاقسى ءارى اناعۇرلىم حاۋىپسىز بولادى. سپيرتتەن سىرت، 84 زارارسىزداندىرۋ سۇيىقتىعى قاتارلى زارارسىزداندىرۋ ونىمدەرىنەن پايدالانعان كەزدە دە، دۇرىس پايدالانۋ قاجەت، ايتپەگەندە، زارارسىزداندىرۋ ونىمدىلىگىنە جەتە الماعانى بىلاي تۇرسىن، زيانعا ۇشىراۋى مۇمكىن.
اقپارات قۇرالدارى ىندەتتەن ساقتانۋ – تىزگىندەۋ جاعىنداعى اقپاراتتاردى حابارلاعاندا اباي بولۋى، جۇرتقا قاتە تۇسىنىك بەرمەۋى كەرەك. جەر – جەردەگى اۋرۋدى تىزگىندەۋ ورتالىقتارى، وتانشىلىدىق تازالىق ساقتاۋ كەڭسەلەرى زارارسىزداندىرعىشتاردان دۇرىس پايدالانۋ ادىستەرىن كۇش سالا ۇگىتتەپ، جۇرتشىلىقتىڭ قاتە پايدالانىپ، ۋلانىپ قالۋى، جارىلىس تۋىلۋى قاتارلى حاۋىپتەردەن ساقتانۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
